Нова социјалдемократска партија

Нова социјалдемократска Партија
Водач	Горан Мисовски
Основана	ноември 2005
Штаб	Скопје
Идеологија	социјалдемократија либерализам
Полит. положба	Лево крило
Меѓународна припадност	"Можеме"
Европска припадност	нема
Бои	сина,      жолта
Собрание	2 / 120
Општини	0 / 80
Мрежно место
http://www.nsdp.org.mk
Знаме
Политика на Република Македонија Политички партии Избори

Нова социјалдемократска партија (НСДП) е партија со социјалдемократска ориентација. Нејзин основач е Тито Петковски, кој во ноември 2005 се отцепи од СДСМ^[1][2]. Моментален претседател на партијата е Горан Мисовски.

Своето основачко собрание НСДП го одржа на 30 ноември, а основачкиот конгрес на 17 декември 2005.

Според Петковски НСДП ќе посвети посебно внимание на надминувањето на сиромаштијата во Република Македонија и на заштитата на правата на работниците. Како што тој истакна на Основачкиот конгрес: „Не смее да се случи во држава, која по својот Устав е социјална, правата на работниците да бидат во втор план, а на функционерите во прв.“

На парламентарните избори во 2006 година НСДП настапи самостојно, освојувајќи 6% од гласовите и 7 пратенички мандати, но по изборите влезе во владата предводена од ВМРО-ДПМНЕ. Од пратеничкиот состав на НСДП во текот на мандатот две пратенички, Јагнула Куновска и Мирјана Секуловска, преминаа во ВМРО-ДПМНЕ.

На предвремените парламентарни избори во 2008 година, НСДП настапи во коалиција со СДСМ, освојувајќи 3 мандати. Веднаш по изборите, поради незадоволство од напуштањето на коалицијата со ВМРО ДПМНЕ, партијата ја напуштија Лазар Еленовски, Веле Митановски, Вера Рафајловска и Живко Јанкуловски. Првите тројца ја формираа Социјалдемократската унија, а Јанкуловски - Партијата на обединетите демократи на Македонија.

НСДП настапи во коалицијата со СДСМ и на парламентарните избори во 2011 година, кога освои 4 мандати.

И на парламентарните избори во 2014 година настапи во коалиција со СДСМ и освои 3 мандати.

И на парламентарните избори во 2016 година во коалиција со СДСМ и освои 2 мандата.

И на парламентарните избори во 2020 година во коалиција со СДСМ и освои 2 мандата.

И на парламентарните избори во 2024 година, учествувала во коалиција со СДСМ и освои 2 мандата.

Наводи

1. Светомир Шкариќ, „Уставно право“, Скопје, 2006.
2. Gordana Siljanovska-Davkova, "Makedonske političke partije kroz prizmu ideologije", Beograd, 2007.

Надворешни врски

• Официјална страница на НСДП