Демократскиот сојуз (ДС) — политичка партија од Република Македонија. Основана е на 25 март 2000 година. Нејзин претседател е Павле Трајанов.
Цели на партијата
Поттикнување и развој на демократските процеси и владеење на правото, заштита и унапредување на основните човекови права и слободи, заштита на националните и државните интереси, суверенитетот територијалниот интегритет на Република Македонија, остварување на економски, социјални, политички, културни и други права и уверувања на граѓаните, ефикасна борба против организираниот криминал, корупцијата и наркоманијата, вклучување на граѓаните во создавањето и решавањето на актуелните животни прашања, слобода на информирањето и воспоставување на јавноста како коректор на извршната, законодавната и судската власт и учество во постапката за избор на претставници во органите.[3]
Политичка активност
Партијата за првпат учествувала самостојно на парламентарните избори во 2002 година на кои освоила 1,2% од гласовите и не успеала да освои мандат. Во декември 2003 година стапи во коалиција „Третпат“, заедно со Демократската алтернатива и со Социјалистичката партија на Македонија. По повлекувањето на партијата од коалицијата пред локалните избори 2005 година, партијата останала во коалиција со СПМ, а подоцна овие две партии се приклучиле во изборна коалиција предводен од ВМРО-ДПМНЕ, во чиј состав настапиле и на парламентарните избори 2006 година. На овие избори за пратеник во Собранието на Република Македонија бил избран претседателот на партијата, Павле Трајанов. Партијата останала во коалицијата предводена од ВМРО-ДПМНЕ и на трите последователни парламентарни избори во 2008, 2011 и 2014.
На парламентарните избори во 2016 година, Демократскиот сојуз учествувал во коалицијата „Коалиција за промени и правда“ составена од партиите ФроДеМ, МОРО-РП и ДЕМОС. Коалицијата освоила 10.028 гласови или 0,84% од вкупниот број на гласови и не успеала да освои пратеничко место.
На парламентарните избори во 2020 година, партијата учествувала во коалиција предводена од СДСМ и освоила 1 пратеничко место.
Наводи
Надворешни врски
|
|---|
| ВМРО-ДПМНЕ и коалицијата
(58 пратеници) | |
|---|
| СДСМ и коалицијата
(18 пратеници) | |
|---|
| Европски фронт
(18 пратеници) | |
|---|
| Вреди
(14 пратеници) | |
|---|
| | Други партии | |
|---|
| Други вонпарламентарни
партии | |
|---|
| |
|
