PROFILBARU.COM

Основни податоци
„Градиште“

Поглед на тврдината од селото Град

Местоположба	41°55′24″N 22°50′37″E / 41.92333° СГШ; 22.84361° ИГД / 41.92333; 22.84361
Место	Град
Општина	Делчево
Тип	градиште
Период	доцноантичко време
Портал „Археологија“

Градиште — градиште уште од времето на енолитот, сместена на рид над селото Град, во источниот дел на Македонија. Со археолошките истражувања од 2001 година, „Градиште“ бил датиран како доцноантичкиот град Армонија.^[1]

Денес, тврдината издигнувајќи се над селото Град претставува туристичко одредиште и буди љубопитност кај посетителите.

Истражувања

Постари истражувања во атарот на селото била откриена голема тава со грчки монети од градот Хистие (Евбеја) од IV и III век п.н.е., со што се докажува дека имало населба и во хеленистичкиот период. Истата населба продолжила да постои и за време на римскиот период.^[1]

На самиот рид се пронајдени голем број на монети од римскиот период и рановизантиско време. Пронајдени се камени садови и керамика од сите периоди. Откопани се и голем број на питоси.^[1]

Во 2001 година, археолозите пронашле фигура од метал на женско божество — мајка со жртвеник, која потекнува од пред околу 5.500 години. При истите истражувања ископана е енолитска куќа, во состојба каква што била во тоа време. Во неа имало огниште со четири керамички садови. На тоа подрачје се откриени и брозенодобски населби. Во текот на истата година, наоѓалиштето било датирано како доцноантички град Армонија.^[1]

Според наодите, наоѓалиштето било добро утврдена тврдина, со акропола на врвот на ридот и со кула за набљудување на околината и одбрана од напади.^[1]

Досега во Град не е пронајдена ранохристијанска црква, иако преданието говори дека во селото имало повеќе цркви.^[1]

Во средниот век имало развиен црковен живот, за што сведочат бронзените крстови пронајдени во 2001 година.^[1]

Галерија

Поврзано

Град

Наводи

↑ ^1,0 ^1,1 ^1,2 ^1,3 ^1,4 ^1,5 ^1,6 Илиевска-Арсова, Весна (2011). „Пијанец-Малеш, изобилство од сонце и насмевки!“ (PDF). Штип: Центар за развој на Источен плански регион. стр. 48-49. Посетено на 7 јули 2018.^{[мртва врска]}