Битка кај Зернест

Битка кај Зернест
Дел од Голема турска војна
Датум 11 (21) август 1690 Место Зернест, Трансилванија Исход Отоманска победа
Завојувани страни
Свето Римско Царство Трансилванија	Отоманско Царство Кримско ханство Влашка Унгарски Куруци
Команданти и водачи
Донат Хајслер зароб. Михаил Телеки †	Константин Бранковјану Имрих Токоли Черкез Ахмед-паша  †
Сила
2,000 царски коњаници и 7.000 Трансилванци	16,000
Жртви и загуби
1,800 убиени, ранети или затвореници	300

Битката кај Зернест — битка која се одвила на 11 август 1690 година помеѓу сојузничките сили на Трансилванија и Светото Римско Царство, и сојузничките сили на Отоманското Царство, Татари, Власи и унгарскитете Куруци. Битката е дел од Големата виенска војна, а завршила со победа на Османлиите.

Битка

Имрих Токоли се стремел да се прогласи за принц на Трансилванија; во сојуз со Турците, тој водел неуспешна кампања во 1686 и 1688 година за да ја освои трансилванската круна. Во 1690 година тој започнал уште една кампања. Султанот му дал команда на војска од 16.000 луѓе (Османлии, Татари и некои Куруци) со која тој продрел во Трансилванија. Подоцна му се придружил влашкиот војвода Константин Бранковјану со неколку илјади војници.

Бранковјану бил вистинскиот главен ум на кампањата и успеал да ја помине османлиската војска низ Карпатите на едвај познати планински премини и така да го заобиколи Брановиот превој. Донат Хајслер како таков бил принуден да се бори во близина на градот Зернест.

Во битката што се водела во близина на овој град, здружената отоманска војска решително ја поразила обединетата хабсбуршко-трансилванска војска и го заробила Донат Хајслер. Трансилванскиот гроф Михаил Телеки бил убиен во акција.

По оваа победа, било свикано Собрание на кое Имрих Токоли бил избран за принц од Трансилванија. Сепак, тој можел да ја задржи својата позиција против војските на Хабсбург само со најголема тешкотија. Во 1691 година тој целосно се откажал од Трансилванија.

Ефект

Иако владеењето на Имрих Токоли било краткотрајно, владеењето ја принудило на Австрија да ги премести своите трупи од Србија за да ја врати Трансилванија, бидејќи од Трансилванија, Унгарија и царските линии за снабдување и комуникација можеле да бидат нападнати. Ова движење на војници им овозможило на Османлиите да ја турнат војската на Светата лига назад преку Дунав, па дури и да го вратат Банат. Како резултат на тоа, бил направен стабилен фронт на реката Дунав и на Карпатите.

Извори

Enciclopedia Romaniei Tudorduic Transsylvanica Архивирано на 19 март 2022 г.