Hermóður ríður til Heljar á Sleipni í myndskreytingu í íslensku handriti frá 18. öld.
Hermóður hinn hvati er persóna í norrænni goðafræði. Hann er einn ása og er talinn sonur Óðins og sendiboði hans.[1] Sú saga fer af Hermóði að eftir dauða Baldurs var Hermóður sendur á Sleipni til Heljar til þess að freista þess að endurheimta hann. Hermóður dvaldist eina nótt í sal Heljar. Hel fól ásum það verkefni að fá alla lifandi hluti til að gráta Baldur til þess að endurheimta hann frá dauðanum.[1] Hermóður birtist ekki í öðrum sögum.
