Fjölbrautaskóli Suðurlands

Fjölbrautaskóli Suðurlands (FSu) er íslenskur fjölbrautaskóli staðsettur á Selfossi. Hann var stofnaður árið 1981 og á rætur sínar að rekja til Iðnskólans á Selfossi, framhaldsdeildanna við Gagnfræðaskólann á Hvolsvelli, Selfossi, Skógum og í Hveragerði og til öldungadeildarinnar í Hveragerði. Núverandi skólameistari er Soffía Sveinsdóttir.

Kennsluhúsnæði

Oddi, aðalhúsnæði skólans

Kennsluhúsnæði skólans eru þrjú; Oddi, Hamar og Iða. Oddi er bóknámshús skólans og var tekinn í notkun 1987. Seinni hluti byggingarinnar var tekinn í notkun 1994. Hamar var tekið í notkun 1974 og hafði verið notað við Iðnskólann á Selfossi. Í Hamri eru kenndar húsasmíði, málmsmíði, raf- og bilvélavirkjanagrunnar. Iða er íþróttahús skólans og einnig eru nokkrar kennslustofur í henni. Iða var tekin í notkun haustið 2004 og var þá hætt að kenna íþróttir á framhaldsskólastigi í íþróttahúsi Árborgar við Sólvelli.

Skólinn var með nemendagarða við Eyrarveg sem hétu Fosstún en þeir voru teknir úr notkun 2016.

Körfubolta-akademía

Haustið 2005 var sett á laggirnar körfuboltaakademía við skólann og keppir lið skólans í þremur aldursflokkum undir merkjum FSu.

Fótbolta-akademía

Haustið 2006 var sett á laggirnar fótboltaakademía.

Handbolta-akademía

Sömu önn og fótboltaakademáin var stofnuð, eða haustið 2006, þá var sett á laggirnar handboltaakademía.

Tengill

• Vefsíða skólans
• Vefsíða nemendafélags skólans

Fyrri: Enginn

Sigurvegari Gettu betur 1986

Næsti: Fjölbrautaskólinn í Breiðholti