Ջորջ Վեա

Ջորջ Վեա անգլ.՝ George Weah[1]
Անձնական տվյալներ
Ամբողջական անուն	George Manneh Oppong Ousman Weah
Քաղաքացիությունը	Լիբերիա,  Ֆրանսիա և  Ֆրանսիա
Ծննդյան ամսաթիվ	հոկտեմբերի 1, 1966 (58 տարեկան)
Ծննդավայր	Մոնրովիա,
Հասակ	1,84 մ.
Քաշ	83 կիլոգրամ
Դիրք	հարձակվող
Պարգևներ և Արթուր Աշի Արիության մրցանակ

Ջորջ Վեա (անգլ. George Weah, ամբողջական անունը՝ Ջորջ Մաննե Օպպոնգ Աւսման Վեա, անգլ. George Manneh Oppong Ousman Weah, հոկտեմբերի 1, 1966(1966-10-01)^{[2][3][4][…]}, Մոնրովիա, Լիբերիա^[1]), լիբերիացի քաղաքական գործիչ և նախկին ֆուտբոլիստ, 2017- թվականներին՝ Լիբերիայի նախագահ։ Երկրի ֆուտբոլի ազգային հավաքականի նախկին անդամ։ 1995 թվականին ճանաչվել է ՖԻՖԱ-ի վարկածով տարվա լավագույն ֆուտբոլիստ, Եվրոպայի լավագույն ֆուտբոլիստ («Ոսկե գնդակ») և տարվա աֆրիկացի լավագույն ֆուտբոլիստ։

Կենսագրություն

Վեան ֆուտբոլային կարիերան սկսել է իր հայրենի երկրում՝ խաղալով տեղի երկու ամենախոշոր ակումբներում, որից հետո տեղափոխվում է Կամերուն ՝ Յաունդեի Տոններ ֆուտբոլային ակումբ։ Մեկ տարի անց, երբ դառնում է 22 տարեկան, նրան նկատում են ֆրանսիական Մոնակո ֆուտբոլային ակումբի սելեկցիոներները։

Վեան Ֆրանսիայում

1988 թ. օգոստոսի 17-ին նա առաջին անգամ հանդես է գալիս Մոնակո ակումբում և պարտություն կրում Օսերից։ Սակայն 1991 թ. Արսեն Վենգերի գլխավորությամբ Մոնակոն դառնում է Ֆրանսիայի գավաթակիր ՝ հաղթելով Մարսելին։ 1992 թ. Վեան իր թիմակիցների հետ հասնում է մինչև Գավաթների գավաթի եզրափակիչ, որտեղ սակայն պարտվում են գերմանական Վերդերին։ Այդ ընթացքում Վեան իրեն դրսևորում է ՝ որպես արագ, հզոր և արդյունավետ ռմբարկու։ Սակայն հիասթափելով Վերդերից կրած պարտությունից՝ Վեան որոշում է միանալ Պարի Սեն-Ժերմենին։ 1992-1993 թթ. Վեան ՊՍԺ-ի կազմում դառնում է մրցաշրջանի լավագույն ռմբարկուն։ Այդ ընթացքում ՊՍԺ-ն հասնում է ՈւԵՖԱ-ի գավաթի կիսաեզրափակիչ, որտեղ պարտվում է Յուվենտուսին։ 1993-1994 թթ. Կրկին դառնում է Ֆրանսիայի չեմպիոն և հասնում Գավաթների գավաթի կիսաեզրափակիչ։ Հաջորդ մրցաշրջանում ՊՍԺ-ն Լուիզ Ֆերնանդեսի գլխավորությամբ անցկացնում է իր լավագույն մրցաշրջանը Չեմպիոնների Լիգայում (6 հանդիպում, 6 հաղթանակ)։ Այդ ընթացքում Վեան խփում է բազմաթիվ գնդակներ Մյունխենի Բավարիայի և Մոսկվայի Սպարտակի դարպասներին։ Բարսելոնայի դեմ խաղում Վեան գրավում է դարպասը Կամպ Նոուում։ Սակայն կրկին կիսաեզրափակիչում ՊՍԺ-ն զիջում է դիրքերը, այս անգամ Միլանին։ ՊՍԺ-ի հետ Վեան անցկացնում է 137 հանդիպում՝ խփելով 55 գնդակ։

Վեան Միլանում

1995 թ. Ջորջը պայմանագիր է ստորագրում Միլանի հետ։ Նույն տարում արժանանում է «Ոսկե գնդակ» մրցանակին։ Նա առաջին ոչ եվրոպացի ֆուտբոլիստն է, և միաժամանակ միակ աֆրիկացին, որ արժանացել է նման պարգևի։ Ավելի քան 4 մրցաշրջանների ընթացքում Վեան Միլանի կազմում դառնում է Իտալիայի կրկնակի չեմպիոն 1996 թ և 1999 թ. ։ 2000 թ. Վեան պայմանագիր է ստորագրում Չելսիի հետ, և չնայած Անգլիայի գավաթի նվաճմանը՝ Վեան չի ցանկանում մնալ թիմում և որոշում է իրեն նվիրել միայն հայրենի երկրի ազգային հավաքականին։ Սակայն հավաքականը չի որակավորվում 2002 թ. աշխարհի առաջնությանը։ Այնուամենայնիվ, կես տարի Մանչեսթեր Սիթի ակումբում խաղալուց հետո, Վեան վերադառնում է Ֆրանսիա ՝ Մարսելի Օլիմպիկ։ Այնուհետև լքում է նաև Օլիմպիկը և միանում Արաբական Միացյալ Էմիրությունների Ալ Ջազիրա թիմին մինչև իր կարիերայի ավարտը։

Քաղաքականություն

2005 թ. Վեան որոշում է զբաղվել քաղաքականությամբ և իր թեկնածությունն է առաջադրում Լիբերիայի նախագահական ընտրություններում։ Մի քանի տարի քաղաքացիական պատերազմի մեջ գտնվող երկիրը կառավարելու Վեայի փորձերն ապարդյուն են անցնում։ Նա հավաքում է քվեների 40.4 տոկոսը՝ պարտվելով մի շարք բարձր պաշտոններ զբաղեցնող Էլլեն Ջոնսոն-Սերլիֆին։

Ակումբը	Մրցաշրջանը	Առաջնություն		Գավաթ		Լիգայի գավաթ		Սուպերգավաթ		Եվրոգավաթ		Ընդհանուր
		Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր	Խաղեր	Գոլեր
Մոնակո	1988–89	23	14	10	1	-	-	-	-	5	2	38	17
	1989–90	17	5	-	-	-	-	-	-	7	3	24	8
	1990–91	29	10	6	5	-	-	-	-	5	3	40	18
	1991–92	34	18	4	1	-	-	-	-	9	4	47	23
Պարի Սեն-Ժերմեն	1992–93	30	14	6	2	-	-	-	-	9	7	45	23
	1993–94	32	11	3	2	-	-	-	-	5	1	40	14
	1994–95	34	7	5	2	3	1	-	-	11	8	53	18
Միլան	1995–96	26	11	3	1	-	-	1	0	6	3	36	15
	1996–97	28	13	2	0	-	-	-	-	5	3	35	16
	1997–98	24	10	8	3	-	-	-	-	-	-	32	13
	1998–99	26	8	4	1	-	-	-	-	-	-	30	9
	1999–00	10	4	2	0	-	-	1	0	1	1	14	5
Չելսիի	1999-00	11	3	4	2	-	-	-	-	-	-	15	5
Մանչեսթեր Սիթի	2000–01	7	1	-	-	2	3	-	-	-	-	9	4
Օլիմպիկ	2000–01	19	5	1	0	-	-	-	-	-	-	20	5
Ընդհանուր		350	134	58	20	5	4	2	0	63	35	478	193

Ծանոթագրություններ

1. https://www.britannica.com/biography/George-Weah
2. Transfermarkt.com(բազմ․) — 2000.
3. Բրոքհաուզի հանրագիտարան (գերմ.)
4. Արգենտինական ֆուտբոլի տվյալների շտեմարան (իսպ.)

Արտաքին հղումներ

1. Weah(չաշխատող հղում)

Վիքիպահեստն ունի նյութեր, որոնք վերաբերում են «Ջորջ Վեա» հոդվածին։