Ջիննի Ռոմետի

Ջիննի Ռոմետի
Ծնվել է	հուլիսի 29, 1957(1957-07-29) (67 տարեկան)
Ծննդավայր	Չիկագո
Քաղաքացիություն	ԱՄՆ
Կրթություն	Robert R. McCormick School of Engineering and Applied Science? և Հյուսիսարևմտյան համալսարան
Մասնագիտություն	ձեռնարկատեր, գործարար և համակարգչային գիտնական
Աշխատավայր	IBM և Kettering University?
Զբաղեցրած պաշտոններ	systems engineer?, փոխնախագահ, գլխավոր գործադիր տնօրեն, խորհրդի անդամ, խորհրդի անդամ, նախագահ և գործադիր տնօրեն և տնօրենների խորհրդի անդամ
Պարգևներ և մրցանակներ	Թայմ 100 50 Most Influential? և
Անդամություն	Kappa Kappa Gamma?
Ginni Rometty Վիքիպահեստում

Վիրջինիա Մարի «Ջիննի» Ռոմետի (անգլ.՝ Virginia Marie "Ginni" Rometty, ի ծնե՝ անգլ.՝ Virginia Marie Nicosia, հուլիսի 29, 1957(1957-07-29), Չիկագո)^[1][2], ամերիկացի բարձր դասի ղեկավար, բիզնես-լեդի։ IBM ընկերության տնօրենների խորհրդի նախագահ, նախագահ և գլխավոր գործադիր տնօրեն, ընկերության առաջին կին-ղեկավար^[3][4]։ Մինչև 2012 թվականի հունվարին նախագահի և գլխավոր գործադիր տնօրենի պաշտոնն զբաղեցնելը եղել է IBM ընկերության ավագ փոխնախագահ և վաճառքի, մարքեթինգի ու ռազմավարության գծով գործադիր տնօրեն։ IBM ընկերությունում աշխատանքն սկսել է 1981 թվականին՝ որպես Դետրոյթի գրասենյակի համակարգային ինժեներ։

10 տարի շարունակ ներառված է եղել Fortune պարբերականի «Բիզնեսի 50 ամենաազդեցիկ կանանց» ցանկում՝ 2012^[5], 2013 և 2014 թվականներին^[6] զբաղեցնելով առաջին հորիզոնականը։ Արժանացել է մի շարք հրատարակությունների ճանաչմանը՝ ընդգրկվելով նմանատիպ ցուցակներում^[7][8][9], ինչպես նաև քննադատական գնահատական է ստացել իր աշխատանքի համար^[10][11][12]։

2017 թվականին «Forbes» ամսագրի վարկանշավորման մեջ Ջիննի Ռոմենտին առաջին անգամ աշխարհի 100 ամենաազդեցիկ կանանց ցանկում զբաղեցրել է 10-րդ տեղը^[13]։

Վաղ կյանք և կրթություն

1979 թվականին գերազանցությամբ ավարտել է Հյուսիսարևմտյան համալսարանի Ռոբերտ Մաքքորմիկի անվան ինժեներական և կիրառական գիտությունների դպրոցը՝ ստանալով համակարգչային գիտությունների և էլեկտրատեխնիկայի բակալավարի աստիճան^[14]։ Եղել է Kappa Kappa Gamma քույրության անդամ, հետագայում դարձել է դրա նախագահ^[15]։

Կարիերա

1979 թվականին՝ համալսարանն ավարտելուց հետո, Ռեմետին սկսել է աշխատել «Ջեներալ Մոթորս» ընկերությունում։ 1981 թվականին միացել է IBM ընկերությանը որպես նրա Դետրոյթի գրասենյակի համակարգային ինժեներ^[16]։ 1991 թվականին սկսել է աշխատել IBM Consulting Group-ում։ 2002 թվականին նա «պաշտպանել է 3,5 միլիարդ դոլարով PricewaterhouseCoopers Consulting խոշոր բիզնես-խորհրդատվական ընկերությունը գնելը»^[17]։ 2009 թվականին Ռոմետին դարձել է ավագ փոխնախագահ և վաճառքի, մարքեթինգի ու ռազմավարության գծով գործադիր տնօրեն^[16], նրան «վերագրվում է ամպային հաշվների և վերլուծական շուկա մուտք գործելու ճանապարհով IBM ընկերության աճի ռազմավարության իրականացման առաջատար դերը»։ Գլխավորելով թիմը, որը նախապատրաստել է Jeopardy! խաղին մասնակցած Watson համակարգիչը կոմերցիոն օգտագործման համար^[18]։

2011 թվականի հոկտեմբերի 25-ին IBM ընկերությունը հայտարարել է, որ Ռոմետին կդառնա ընկերության հաջորդ նախագահն ու գլխավոր գործադիր տնօրենը՝ փոխարինելով Սեմ Պալմիզանոյին, որը շարունակել է զբաղեցնել նախագահի պաշտոնը^[16]։ Ռոմետին դարձել է առաջին կինը, որը նշանակվել է IBM ընկերության գլխավոր գործադիր տնօրեն^[3]։ Պալմիզանոն նրա առաջընթացի մասին հայտարարել է, որ «Ջիննին այս տեղն ստացել է, որովհետև նա դա վաստակել է... Դա ոչ մի կապ չունի առաջադեմ սոցիալական քաղաքականության հետ (կանանց համար)»^[17]։

2012 թվականի սեպտեմբերի 26-ին IBM ընկերությունը հայտարարել է, որ Ռոմետին լրացուցիչ ստանձնում է IBM ընկերության նախագահի պաշտոնը՝ հաշվի առնելով այն, որ Սեմ Պալմիզանոն որոշել է 2012 թվականի վերջին հրաժարական տալ։ 2012 թվականի սեպտեմբերի 1-ից Ռոմետին սկսել է կատարել IBM ընկերության նախագահի և գլխավոր գործադիր տնօրենի պարտականությունները^[4]։

Նրա նպատակնրից մեկն այն է, որ ընկերության ջանքերը կենտրոնացնեն ամպային և ճանաչողական հաշվարկային համակարգերի վրա, ինչպիսին է Watson համակարգիչը^[19]։

Պարգևներ և ձեռքբերումներ

Ռոմետին Միջազգային հարաբերությունների խորհրդի, նրա ալմա մատեր Հյուսիսարևմտյան համալսարանի հոգաբարձուների խորհրդի, Սլոուն-Քետերինգի անվան ուռուցքաբանության կենտրոնի հոգաբարձուների խորհրդի և տնօրենների խորհրդի^[20], The Nature Conservancy ստորաբաժանման՝ Լատինական Ամերիկայի պահպանման խորհրդի^[21] անդամ է։ 2006-2009 թվականներին եղել է AIG տնօրենների խորհրդի անդամ^[22]։

2014 թվականին Ռոմետին նկարահանվել է PBS-ի «The Boomer List» վավերագրական ֆիլմում^[23]։ Նույն թվականին դարձել է Augusta National Golf Club գոլֆ-ակումբի երրորդ կին-անդամը^[24]։ Ռենսսելերի պոլիտեխնիկական ինստիտուտի (2014) և Հյուսիսարևմտյան համալսարանի (2015) պատվավոր դոկտոր է^[25][26]։

Fortune ամսագրի 2015 թվականի սեպտեմբերի 15-ի թողարկման մեջ Ռոմետին ամենաազդեցիկ կանանց ցանկում զբաղեցրել է 3-րդ տեղը^[19]։

Անձնական կյանք

Ռոմետին ամուսնացած է Bam Oil ընկերության հիմնական ներդրող Մարկ Էնթոնի Ռոմետիի հետ։ Ամուսինները երեխա չունեն^[27]։

Ծանոթագրություններ

1. «America's 10 Most Powerful Female CEOs». 2012 թ․ մայիսի 10. Վերցված է 2014 թ․ հուլիսի 10-ին.
2. Buffett goes big in Big Blue(անգլ.) // Fortune : magazine. — 2011.
3. «IBM Names Rometty to Succeed Palmisano as First Female CEO». Bloomberg BusinessWeek. 2011 թ․ հոկտեմբերի 25. Վերցված է 2011 թ․ հոկտեմբերի 25-ին.
4. IBM’s Ginni Rometty Completes Her Ascent by Adding Chairman Role
5. «Ginni Rometty». Fortune. 2012 թ․ սեպտեմբերի 20. Վերցված է 2012 թ․ սեպտեմբերի 20-ին.
6. «Ginni Rometty». Fortune. Արխիվացված է օրիգինալից 2015 թ․ հոկտեմբերի 11-ին. Վերցված է 2019 թ․ հուլիսի 17-ին.
7. Forbes magazine’s «World’s 100 Most Powerful People» in 2014.«The world's 100 most powerful». Forbes.
8. Time 100 in 2012,Mayer, Marissa (2012 թ․ ապրիլի 18). «The 100 Most Influential People in the World». Time. Արխիվացված է օրիգինալից 2013 թ․ օգոստոսի 21-ին. Վերցված է 2012 թ․ ապրիլի 18-ին.
9. 50 Most Influential list of Bloomberg Markets magazine in September 2012
10. «CEO's who have to go».
11. «Fortune Magazine».
12. «Business Insider».
13. «The World's Most Powerful Women 2017». Forbes. 2017 թ․ նոյեմբերի 23. Վերցված է 2017 թ․ նոյեմբերի 23-ին.
14. «NU appoints 5 new members to Board of Trustees». Northwestern University. 2010 թ․ հունիսի 25. Արխիվացված է օրիգինալից 2012 թ․ մարտի 30-ին. Վերցված է 2011 թ․ հոկտեմբերի 26-ին.
15. Hempel, Jessi IBM's Ginni Rometty looks ahead(անգլ.) // Fortune : magazine. — 2012. Архивировано из первоисточника 15 Մայիսի 2013.
16. «IBM Names Virginia Rometty as First Female CEO». Wired. 2011 թ․ հոկտեմբերի 25. Վերցված է 2011 թ․ հոկտեմբերի 26-ին.
17. «I.B.M. Names Virginia Rometty as New Chief Executive». The New York Times. 2011 թ․ հոկտեմբերի 25. Վերցված է 2011 թ․ հոկտեմբերի 26-ին.
18. «IBM CEO Sam Palmisano to step down». CNN. 2011 թ․ հոկտեմբերի 25. Վերցված է 2011 թ․ հոկտեմբերի 25-ին.
19. Bellstrom, Kristen Fortune's Most Powerful Women List (und) // Fortune. — 2015.
20. «2010 Annual Report» (PDF). Memorial Sloan Kettering Cancer Center. Վերցված է 2011 թ․ հոկտեմբերի 26-ին.
21. «LACC Members». Latin America Conservation Council website. The Nature Conservancy. Արխիվացված է օրիգինալից 2014 թ․ մարտի 18-ին. Վերցված է 2014 թ․ ապրիլի 25-ին.
22. IBM’s Rometty Breaks Ground as Company’s First Female Leader.
23. «The Boomer List». PBS. էջեր Rometty starting at 1 hr 6 min. Վերցված է 2014 թ․ հոկտեմբերի 9-ին.
24. «Virginia Rometty becomes 3rd female member of Augusta National - ESPN». ESPN.com. Վերցված է 2014 թ․ նոյեմբերի 17-ին.
25. «Rensselaer Polytechnic Institute Graduates 1,613 in 208th Commencement Ceremony». Վերցված է 2015 թ․ ապրիլի 4-ին.
26. «IBM executive, Northwestern alumna Virginia Rometty to speak at 2015 commencement». Վերցված է 2015 թ․ ապրիլի 4-ին.
27. Stewart, James B. (2011 թ․ նոյեմբերի 5). Mark Rometty «A C.E.O.'s Support System, a k a Husband». The New York Times. Վերցված է 2013 թ․ մայիսի 3-ին. {{cite web}}: Check |url= value (օգնություն)

Արտաքին հղումներ

• "Ginni Rometty - Chairman, President, and CEO", IBM

Վիքիպահեստն ունի նյութեր, որոնք վերաբերում են «Ջիննի Ռոմետի» հոդվածին։