Uxío Carré Alvarellos

Para outras páxinas con títulos homónimos véxase: Uxío Carré e Carré Alvarellos.

Uxío Carré Alvarellos

Biografía
Nacemento	(es) Eugenio Ernesto Justiniano Carré y Alvarellos 5 de setembro de 1885 A Coruña, España
Morte	18 de setembro de 1967 (82 anos) A Coruña, España
Actividade
Ocupación	escritor
Membro de	Real Academia Galega (membro correspondente)
Familia
Cónxuxe	Margarida Naya Silva
Fillos	Uxío Carré Naya
Pai	Uxío Carré Aldao
Irmáns	Gonzalo Carré Alvarellos Leandro Carré Alvarellos Lois Carré Alvarellos

Uxío Carré Alvarellos, nado na Coruña o 5 de setembro de 1885 e finado o 18 de setembro de 1967 na mesma cidade, foi un escritor galego.

Traxectoria

Foi o segundo dos once fillos de Uxío Carré Aldao. Foi profesor mercantil da Escola Superior de Comercio da Coruña en 1904; renunciou e formou despois parte da Universidade Popular da Coruña. En 1906 foi nomeado académico non numerario da Real Academia Galega. O 20 de abril de 1919, publicou en "¡Terra a Nosa!" (suplemento literario do diario coruñés El Noroeste) un conxunto de poemas titulado xenericamente Da raza. En 1921 publicou A tentación e Macías o Namorado. En 1954 e 1964 publicou en Buenos Aires Escolma de poesías e arelas.

Escribiu co seu irmán Leandro unha biografía de Galo Salinas premiada polo Centro Galego de Madrid en 1954, e deixou inéditas varias novelas (O milagre, Volverá, Un episodio en la retaguardia), ademais dunha serie de diálogos reunidos baixo o título común Críticas e pasatempos.

Casou en novembro de 1914 con Margarida Naya Silva. O seu fillo máis vello, Uxío Carré Naya, foi asasinado durante a represión que seguiu á sublevación do 18 de xullo de 1936.

Obra

A tentación, 1921.

• Da raza, 1919 (versos)
• Macías, o namorado, monólogo en verso, 1921 (teatro)
• A tentación, ensaio de poema representabre en dúas xeiras, 1921, ilustrado por Camilo Díaz Baliño.^[1]
• Escolma de poesías, 1954 (versos)
• Desalento: Monólogo curto, 1960 (teatro)
• A miña viaxe ás Grañas do Sor, 1993 (póstumo, inclúe o poemario Arela e as novelas O milagre e Volverá) ^[2]

Notas

1. Bangueses Vázquez, Mercedes (2010). Ilustradores galegos de preguerra (1880-1936). IEV. ISBN 978-84-89599-44-4. 
2. A miña viaxe ás grañas do Sor Arquivado 20 de decembro de 2016 en Wayback Machine. na páxina da Editorial Galaxia.

Véxase tamén

Wikimedia Commons ten máis contidos multimedia na categoría:  Uxío Carré Alvarellos

Bibliografía

• Dicionario biográfico de Galicia. Ir Indo Edicións. 2010-2011. 
• "Carré Alvarellos, Uxío" en Enciclopedia Galega Universal 4. Ir Indo. 1999-2002. p. 485. ISBN 84-7680-288-9. 
• Gran Enciclopedia Galega (DVD). El Progreso. 2005. ISBN 84-87804-88-8. 
• Couceiro Freijomil, Antonio (1951-53). Diccionario bio-bibliográfico de escritores (en castelán). Bibliófilos Gallegos. 
• Fernández del Riego, F. (1992) [1990]. Diccionario de escritores en lingua galega (2ª ed.). Do Castro. ISBN 84-7492-465-0.