Ta’m-e gīlās (en persa: طعم گيلاس) é un filme iraniano de 1997 escrito, producido, editado e dirixido por Abbas Kiarostami, e protagonizado por Homayoun Ershadi. Conta a historia dun home de mediana idade de Teherán que conduce polos suburbios da cidade na procura de alguén disposto a enterralo logo de que el cometa suicidio. O filme gañou a Palma de Ouro no Festival Internacional de Cinema de Cannes de 1997, a cal compartiu co filme xaponés Unagi.[1]