PROFILBARU.COM

	Familia Real española; Casa de Borbón
	O Rei; A Raíña consorte A princesa de Asturias; A infanta Sofía; O rei Xoán Carlos; A raíña Sofía

A Súa Maxestade
Filipe VI de España
	; (2024)
Nome orixinal	(es) Felipe VI
Biografía
Nacemento	(es) Felipe Juan Pablo Alfonso de Todos los Santos de Borbón y Grecia ; 30 de xaneiro de 1968 (56 anos); Madrid, España
Monarca de España
	19 de xuño de 2014 – ; ← Xoán Carlos I de España
Xefe de Estado de España
	19 de xuño de 2014 –
Comandante en xefe Forzas Armadas de España
	19 de xuño de 2014 –
Gran Mestre da Orde de Santiago
	O suxeito ten un papel: ex officio; 19 de xuño de 2014 –
Príncipe de Asturias
	22 de xaneiro de 1977 – 17 de xuño de 2014 – Lionor de Borbón →
Datos persoais
Residencia	Palacio da Zarzuela ; Palacio Real de Madrid
Relixión	Catolicismo
Educación	Walsh School of Foreign Service - relacións internacionais (1993–1995); Universidade Autónoma de Madrid - dereito (1988–1993); Academia Xeneral do Aire (1987–1988); Escola Naval Militar de Marín (1986–1987); Academia Xeral Militar (1985–1986); Universidade de Georgetown ; Lakefield College School
Altura	1,97 m
Cor dos ollos	Azul
Actividade
Ocupación	monarca (2014–)
Período de actividade	1986 - 2014
Carreira militar
Lealdade	España
Rama militar	Exército do Aire e do Espazo de España, Armada Española e Exército de Terra de España
Rango militar	Capitán Xeneral do Exército (2014–); Capitán Xeneral da Real Armada Española; Capitán Xeneral do Exército do Aire; Capitán xeneral
Comandante de (OBSOLETO)	Forzas Armadas de España
Participou en
23 de xaneiro de 2018	Encontro Anual do Foro Económico Mundial de 2018
1992	Xogos Olímpicos de 1992
Outro
Título	Rei de España (2014–); Rei de Castela (2014–); Rei de Navarra (2014–); Rei de Aragón (2014–); Rei de Mallorca (2014–); Rei de Valencia (2014–); Rei de Córsega ; Conde de Habsburgo ; Rei de Sardeña ; Rei de Alxeciras ; Rei das Illas Canarias ; Rei de Córdoba ; Rei de Murcia ; Arquiduque ; Conde de Flandres ; Conde de Gocíano ; Duque de Brabante ; Conde de Cerdanya ; Conde de Rosellón ; Marqués de Oristán ; Señor de Molina ; Conde do Tirol ; Rei das Dúas Sicilias ; Rei de Granada ; Rei de Sevilla ; Rei de Toledo ; Rei de León ; Rei de Galicia ; Señor de Biscaia ; Rei de Xaén ; Rei de Xerusalén ; Duque de Borgoña ; Conde de Barcelona ; Rei de Xibraltar ; Duque de Milán ; Duque de Atenas ; Duque de Neopatria ; Rei das Indias Orientais e Occidentais e das Illas e Terra Firme do Mar Océano
Familia	Casa de Borbón-Anjou
Cónxuxe	Letizia Ortiz (2004–)
Fillos	Lionor de Borbón, Sofía de Borbón
Pais	Xoán Carlos I de España e Sofía de Grecia
Irmáns	Elena de Borbón e Grecia; Cristina de Borbón e Grecia
Parentes	Xoán de Borbón e Battenberg, avó paterno; Afonso XIII de España, bisavó; Afonso XII de España, tataravó; María das Mercés de Borbón-Dúas Sicilias, avoa paterna; Paulo I de Grecia, avó materno; Frederica de Hannover, avoa materna
Cronoloxía
19 de xuño de 2014	Proclamación de Filipe VI de España
Premios
	(2018) Gran Cruz da Lexión de Honra../... 35+ ;
	Sinatura

Filipe VI de España, de nome completo Felipe Juan Pablo Alfonso de Todos los Santos de Borbón y Grecia, nado en Madrid o 30 de xaneiro de 1968, é o rei de España, título polo que ostenta a xefatura do Estado e o mando supremo das Forzas Armadas.

É o fillo máis novo de Xoán Carlos I de España e Sofía de Grecia. Logo da abdicación do seu pai o 2 de xuño de 2014, ascendeu ao trono o 19 do mesmo mes e ano co nome de Filipe VI, ao ser proclamado perante as Cortes Xerais.^[1]

Está casado con Letizia Ortiz, raíña consorte de España, coa que ten dúas fillas, a princesa Lionor e a infanta Sofía.

Traxectoria

O 8 de febreiro de 1968 foi bautizado no Palacio da Zarzuela polo Arcebispo de Madrid, recibindo os nomes de Filipe Xoán Paulo Afonso de Todos os Santos de Borbón e Grecia; Filipe, por Filipe V, o primeiro Borbón que ocupou o trono de España; Xoán, polo seu avó paterno, Xoán de Borbón, conde de Barcelona, Paulo polo seu avó materno, o rei Paulo de Grecia, Afonso polo seu bisavó, o rei Afonso XIII, nese momento, o último rei que reinara en España, e de Todos os Santos, por tradición da casa real española. Os seus padriños foron o conde de Barcelona, Xoán de Borbón, e a raíña viúva Vitoria Uxía de España.

Ostentou por Real Decreto entre 1977 e 2014 os títulos históricos dos herdeiros dos diferentes reinos hispanos: Príncipe de Asturias, Príncipe de Xirona, Príncipe de Viana, Duque de Montblanc, Conde de Cervera e Señor de Balaguer como herdeiro dos Reinos de Castela, Aragón, Navarra, Cataluña, Valencia e Mallorca. As súas orixes proveñen de 1388, 1351, 1424, 1387, 1351, 1413, respectivamente. Tamén podía ostentar o título de Príncipe de Xaén. Tiña o tratamento de Alteza Real.

Recibiu a formación militar na Academia Xeral Militar de Zaragoza, a Escola Naval Militar de Marín e a Academia Xeral do Aire de San Javier, exercendo agora os cargos de Comandante do Corpo Xeral das Armas do Exército de Terra de Infantaría, Capitán de Corveta do Corpo Xeral da Armada e Comandante do Corpo Xeral do Exército do Aire. Tras finalizar o seu período militar comezou a súa formación académica (Dereito na Universidade Autónoma de Madrid e mestrado en Relacións Internacionais na Edmund Walsh School of Foreign Service da Universidade de Georgetown).

O 1 de novembro de 2003 anunciou o seu compromiso matrimonial coa xornalista asturiana Letizia Ortiz Rocasolano. A voda celebrouse o 22 de maio de 2004 na catedral de Santa María a Real da Almudena de Madrid. O 31 de outubro de 2005 ás 1:45 horas, Letizia Ortiz deu a luz a unha nena, Lionor de Borbón, primoxénita do herdeiro do trono e segunda na liña sucesoria da Coroa española.

O 29 de abril de 2007, naceu a súa segunda filla, bautizada como Sofía de Borbón de Todos os Santos. A nova infanta naceu por cesárea como Lionor, pesou 3,310 quilos e mediu 50 centímetros. Ocupa o primeiro lugar na sucesión ó trono de España.

O 19 de xuño de 2014 foi proclamado Rei polas Cortes Xerais, logo da aprobación da Lei pola que se aceptaba a abdicación do seu pai o Rei Xoán Carlos I.

Títulos, honores e nomeamentos

A Constitución Española, no seu título II, artigo 56, parágrafo 2, designa que o rei pode facer uso doutros títulos e dignidades, polo xeral referidas a entidades históricas, e que estiveron tradicionalmente asociadas á Coroa española:^[2]

Rei de España, de Galicia, de Castela, de León, de Aragón, das Dúas Sicilias (referidas a Sicilia e Nápoles), de Xerusalén, de Navarra, de Granada, de Toledo, de Valencia, de Sardeña, de Córdoba, de Córsega, de Murcia, de Xaén, dos Algarves, de Alxeciras, das Illas Canarias, das Indias Orientais e Occidentais, das Illas e Terra Firme do Mar Océano
Arquiduque de Austria
Duque de Borgoña, de Brabante, de Milán, de Atenas e Neopatria
Conde de Habsburgo, de Flandres, do Tirol, do Rosellón, e de Barcelona
Señor de Biscaia e de Molina
Etc. ^[3]
Rei Católico (ou A súa Católica Maxestade)
Capitán Xeral das Forzas Armadas, das que ostenta o mando supremo;
Soberano Gran Mestre da Insigne Orde do Vélaro de Ouro;
Gran Mestre da Real e Distinguida Orde de Carlos III;
Gran Mestre da Real Orde de Isabel a Católica;
Gran Mestre da Orde do Mérito Civil;
Gran Mestre da Orde de Afonso X o Sabio;
Gran Mestre da Orde de San Raimundo de Peñafort;
Gran Mestre das ordes militares de Montesa, Alcántara, Calatrava e Santiago, así como doutras ordes militares menores ou condecoracións de España.
Cabaleiro da Orde de San Xavier, a Orde de San Xenaro, a Orde da Anunciación e a Orde da Xarreteira.

Ascendencia

16. Afonso XII, Rei de España

8. Afonso XIII, Rei de España

17. Arquiduquesa María Cristina de Austria

4. Infante Xoán, Conde de Barcelona

18. Príncipe Henrique de Battenberg

9. Princesa Vitoria Uxía de Battenberg

19. Princesa Beatriz do Reino Unido

2. Xoán Carlos I, Rei de España

20. Príncipe Afonso, Conde de Caserta

10. Príncipe Carlos de Borbón-Dúas Sicilias

21. Princesa Antonieta das Dúas Sicilias

5. Princesa María das Mercedes de Borbón-Dúas Sicilias

22. Filipe, Conde de París

11. Princesa Luísa de Orleáns

23. Princesa María Isabel de Orleáns

1. Filipe VI, Rei de España

24. Xurxo I, Rei de Grecia

12. Constantino I, Rei de Grecia

25. Gran Duquesa Olga Constantinovna de Rusia

6. Paulo I, Rei de Grecia

26. Frederico III, Emperador de Alemaña

13. Princesa Sofía de Prusia

27. Vitoria, Princesa Real

3. Princesa Sofía de Grecia e Dinamarca

28. Ernesto Augusto, Príncipe herdeiro de Hanover

14. Ernesto Augusto III, Duque de Brunswick

29. Princesa Tyra de Dinamarca

7. Princesa Frederica de Hannover

30. Guillerme II, Emperador de Alemaña

15. Princesa Vitoria Luísa de Prusia

31. Princesa Augusta Vitoria de Schleswig-Holstein

Notas

↑ Axencia Estatal Boletín Oficial do Estado (19 de xuño de 2014). "Ley Orgánica 3/2014, de 18 de junio, por la que se hace efectiva la abdicación de Su Majestad el Rey Don Juan Carlos I de Borbón". Boletín Oficial del Estado (148): 46396. ISSN 0212-033X.
↑ Royal Styles Spain. En heráldica.org
↑ Debido á gran cantidade de títulos asociados á Monarquía Hispánica, só se escribían os máis importantes, terminando a lista cun «etc.» Referíndose así a títulos secundarios e en desuso. Estes son: Rei de Hungría, Dalmacia e Croacia Duque de Limburgo, Lotaringia, Luxemburgo, Güeldres, Estiria, Carniola, Carintia e Württemberg Landgrave de Alsacia Príncipe de Suabia Conde Palatino de Borgoña Conde de Artois, Hainaut, Namur, Gorizia, Ferrete e Kyburgo Marqués de Oristán e Gocíano Margrave do Sacro Imperio Romano e Burgau Señor de Salins, Malinas, a Marca Eslovena, Pordenone e Trípoli.

Véxase tamén

Outros artigos

Familia real española

Predecesor: Xoán Carlos de Borbón (como Príncipe de España)	Príncipe de Asturias 1977 - 2014	Sucesor: Lionor de Borbón
Predecesor: Xoán Carlos I de España	Rei de España 2014 -	Sucesor: No cargo
Predecesor: Cristina de Borbón e Grecia Seúl 1988	Abandeirado de España nos Xogos Olímpicos de verán Barcelona 1992	Sucesor: Luis Doreste Atlanta 1996

[1] Axencia Estatal Boletín Oficial do Estado (19 de xuño de 2014). "Ley Orgánica 3/2014, de 18 de junio, por la que se hace efectiva la abdicación de Su Majestad el Rey Don Juan Carlos I de Borbón". Boletín Oficial del Estado (148): 46396. ISSN 0212-033X.

[2] Royal Styles Spain. En heráldica.org

[3] Debido á gran cantidade de títulos asociados á Monarquía Hispánica, só se escribían os máis importantes, terminando a lista cun «etc.» Referíndose así a títulos secundarios e en desuso. Estes son: Rei de Hungría, Dalmacia e Croacia Duque de Limburgo, Lotaringia, Luxemburgo, Güeldres, Estiria, Carniola, Carintia e Württemberg Landgrave de Alsacia Príncipe de Suabia Conde Palatino de Borgoña Conde de Artois, Hainaut, Namur, Gorizia, Ferrete e Kyburgo Marqués de Oristán e Gocíano Margrave do Sacro Imperio Romano e Burgau Señor de Salins, Malinas, a Marca Eslovena, Pordenone e Trípoli.

[1]

[2]

[3]