Bernardo Penabade
Bernardo Penabade Rei, nado nas Grañas do Sor (Mañón) o 12 de xullo de 1964, é un profesor e escritor galego.
Traxectoria
É licenciado en Filoloxía Galego-Portuguesa pola Universidade de Santiago de Compostela. Traballou na área audiovisual en empresas vinculadas á TVG no momento en que esta comezaba as súas emisións. Ademais do sincronizado e da dobraxe de filmes e series televisivas, ocupouse da tradución de guións (especialmente de programas destinados ao público infantil). Tamén desenvolveu un importante labor de dinamización cultural na Residencia Universitaria do Burgo das Nacións,[1] foi un dos impulsores do colectivo de estudantes que organizou numerosos cursos e conferencias e que convocou o Certame Literario.
Despois dun breve período de docencia no Colexio Paulo VI da Rúa, foi profesor no IES Otero Pedrayo de Ourense, no Johan Carballeira de Bueu, no de Ortigueira[2] e no IES Vilar Ponte de Viveiro. Desde 2003 deu clases de Lingua e Literatura Galegas no IES Perdouro de Burela[3] ata a súa xubilación en 2024.[4]
Entre 1997 e 1998 foi colaborador habitual de Volvoreta, o suplemento do xornal El Correo Gallego para a comunidade universitaria de Compostela, publicando noticias de libros e entrevistas a escritores galegos[5].
Ten participado en numerosos congresos con relatorios publicados sobre lingüística, sociolingüística e didáctica. Traballos seus poden lerse nas revistas Agália, A Nosa Terra e Novas da Galiza, ben como nas actas de diversas reunións de carácter científico.
Dende 1983 é membro da Associaçom Galega da Língua, colectivo a prol do reintegracionismo e entre xullo de 2001 e 2007 foi o seu presidente. Co seu acceso á presidencia rompeuse unha traxectoria máis culturalista da AGAL e o grupo reintegracionista deu pasos na súa dimensión pública, como a participación na constitución da Assemblia da Língua, ensaio de plataforma de traballo conxunto de todos os grupos reintegracionistas, ou como a inauguración dun local de seu. Tamén se impulsaron o Portal Galego da Língua e o dicionario e-Estraviz.
Desde 2008 impulsa o Modelo Burela,[6][7][8] primeiro proxecto de planificación lingüística aprobado por unanimidade nunha vila galega e orientado á comunidade procedente de Cabo Verde. Desde 2012 coordina en Radio Burela[9] o programa radiofónico Proxecto Neo,[3][10][11][12][13] centrado nas experiencias de persoas neofalantes do noso idioma. Este programa (posteriormente reemitido polas emisoras comunitarias Cuac FM e Rádio Filispim) está realizado polo alumnado do IES Perdouro.
Desde 2021 é membro da Comisión Técnica do Centro de Documentación Sociolingüística de Galicia do Consello da Cultura Galega.[14]
Tamén realizou a revisión lingüística, entre outros, de dous libros do profesor Antón Niñe.[15][16]
Obra publicada
- Penabade Rei, Bernardo (2000). "Alguns usos conflitivos da preposiçom 'a' nos complexos verbais". En Rodríguez Fernández, José Luis. Estudos dedicados a Ricardo Carvalho Calero. 1. A obra de Ricardo Carvalho Calero; Lingüística. Universidade de Santiago de Compostela. pp. 743–757. ISBN 84-8121-827-8.
- Penabade Rei, Bernardo; Fraga Celeiro, Xoan Carlos (1 de xuño de 2003). Lingua e Literatura. 3º ESO. A Nosa Terra. p. 248. ISBN 8496203026.
- Penabade Rei, Bernardo (1 de junio de 2003). Lingua e Literatura. 4º ESO. A Nosa Terra. p. 204. ISBN 8496203034.
- Penabade Rei, Bernardo (2004). "Estratégias para a recuperaçom lingüística no ensino". En Marco López, Aurora; Aradas Carollo, Elva; Vieito Carollo, Fernando; Couto-Cantero, Pilar. Actas del VII Congreso Internacional de la Sociedad Española de Didáctica de la Lengua y la Literatura 1. Deputación da Coruña. pp. 435–446. ISBN 84-95950-92-8.
- Martins Estévez, Higinio; Gonçalves Vicente, Ângelo; Penabade Rei, Bernardo (2008). Orgulho galego na diáspora: conversa com Higino Martins Estêvez. Fundación Comarcal O Baixo Miño. p. 73.
- Penabade Rei, Bernardo (2013). Conversas con Isaac Alonso Estraviz [Conversaciones con Isaac Alonso Estraviz]. Através Editora. p. 239. ISBN 978-84-87305-75-7.
- Outra voz na procura da emancipaçom nacional: Ricardo Flores, Educaçom e informaçom objectivas: dous direitos lingüísticos e As relaçons transfronteiriças no currículo académico in «Agália. Revista de Humanidades e Ciências Sociais».[17]
Obras colectivas
Premios
- 2023: Premio Meendinho: “são muitas as razões para Bernardo Penabade levar este prémio, a começar pelo facto de ser com certeza, um exemplo de reintegracionismo coerente para todas as galegas e galegos, com o seu compromisso com a Galiza e a sua língua”.[18]
Notas
- ↑ Penabade, Bernardo (2013). Conversas con Isaac Alonso Estraviz. Através Editora. p. 239. ISBN 978-84-87305-75-7.
- ↑ Cuba, Ana F. (4 de novembro de 2018). "El IES revolucionó Ortigueira en 1978". El País (Ortigueira). Consultado o 14 de maio de 2022.
- ↑ 3,0 3,1 Mandiá, Diana (8 de marzo de 2012). "Un micro para el ‘neofalante’". El País (Burela). Consultado o 14 de maio de 2022.
- ↑ Carrera, Juana (26 de xuño de 2024). "Trabaja 40 años en un colegio de Lugo y alucina por lo que hacen los alumnos cuando se jubila: "Abre puertas"". COPE (Burela). Consultado o 30 de xuño de 2024.
- ↑ "Bernardo Penabade Rei (Biografía)". GaliciaDigital. Consultado o 14 de maio de 2022.
- ↑ Cerra, María José (11 de outubro de 2017). "‘Modelo Burela’ pide apoyo para sobrevivir". Cadena SER (Viveiro). Arquivado dende o orixinal o 14 de maio de 2022. Consultado o 14 de maio de 2022.
- ↑ Montenegro, Eva (27 de xaneiro de 2010). "El proyecto «Modelo Burela, en galego» interesa en Vigo e incluso en Madrid". La Voz de Galicia. Consultado o 14 de maio de 2022.
- ↑ Rey, Carlos (18 de maio de 2019). "Burela (Lugo), una Torre de Babel mirando al Cantábrico". Agencia EFE (Burela). Consultado o 14 de maio de 2022.
- ↑ Penabade Rei, Bernardo (16 de febreiro de 2018). "A Dádiva da Vida : Grandes Vozes do Nosso Mundo". PGL.gal (en portugués). Consultado o 14 de maio de 2022.
- ↑ Penabade, Bernardo (20 de outubro de 2017). "The Neo Project: An Educational Radio Program to Promote Social Cohesion" [O Proxecto Neo: un programa de radio educativo para promover a cohesión social]. En DePalma, R.; Pérez-Caramés, A. Galician Migrations: A Case Study of Emerging Super-diversity. Migration, Minorities and Modernity [Migracións galegas: un caso de estudo de superdiversidade emerxente. Migración, minorías e modernidad] (en inglés) 3. ISBN 978-3-319-66304-3. Consultado o 14 de maio de 2022.
- ↑ Rey, Lucía (11 de maio de 2018). "Profesores nativos se ofrecen para «tirar» de los jóvenes caboverdianos". La Voz de Galicia (Viveiro). Consultado o 14 de maio de 2022.
- ↑ Rey, Lucía (19 de xuño de 2018). "Solicitan al Gobierno de Cabo Verde que ayude a su comunidad en Burela". La Voz de Galicia (Viveiro). Consultado o 14 de maio de 2022.
- ↑ Mariño, Moncho (30 de xaneiro de 2022). "Bernardo Penabade, Proxecto Neo: “Somos o resultado dun enfoque que é a pedagoxía comunicativa”". Xornal da Mariña. Consultado o 16 de maio de 2022.
- ↑ Asociación Nordés (13 de abril de 2021). "Bernardo Penabade no Consello da Cultura Galega". La Voz de Galicia (A Mariña). Consultado o 14 de maio de 2022.
- ↑ Niñe, Antón (2018). Navegando a bordo do San Lorenzo de Foz. Lugo: Deputación de Lugo. p. 238. ISBN 9788481925579.
- ↑ Niñe, Antón (2023). Xosé Rivas e fillos: unha familia de escultores. De Riotorto camiño a Compostela. Burela: Xunta Cofradías Semana Santa de Viveiro 2023. p. 192. ISBN 978-84-09-49443-9.
- ↑ "Bernardo Penabade". catalogo.bne.es. Consultado o 22 de xullo de 2017.
- ↑ "Bernardo Penabade consegue o Prémio Meendinho 2023". Nós Diario. 5 de maio de 2023. Consultado o 6 de maio de 2023.
Véxase tamén
Ligazóns externas
|
---|
Comisión executiva | |
---|
Plenario | Presidencia | |
---|
Representativos/as | |
---|
Electivos/as | |
---|
|
---|
Seccións | Artes Escénicas, Musicais e Audiovisuais | |
---|
Ciencia, Tecnoloxía, Natureza e Sociedade | |
---|
Creación e Artes Visuais Contemporáneas | |
---|
Lingua, Literatura e Comunicación | |
---|
Patrimonio e Bens Culturais | |
---|
Pensamento | |
---|
|
---|
Arquivos | Arquivo da Emigración Galega | |
---|
Arquivo Sonoro de Galicia | |
---|
Centro de Documentación en Igualdade e Feminismos | |
---|
Centro de Documentación Sociolingüística de Galicia | |
---|
|
---|
|
|