Astérix et Obélix : Mission Cléopâtre é un filme francés dirixido por Alain Chabat que se estreou no 2002. Baséase no libro da serie Astérix e Cleopatra de René Goscinny e Albert Uderzo e é a secuela do filme de 1999 Astérix et Obélix contre César. Foi o máis caro filme de tódolos tempos.
Cleopatra quere demostrar a Xulio César que os exipcios son quen de construír mellor que os romanos e, para iso, encárgalle a Numerobis, o arquitecto real, que proxecte un pazo e o constrúa nun prazo de tres meses. Numerobis séntese incapaz de facelo, polo que pide axuda ó seu amigo o druída Panorámix. Os galos partirán cara a Alexandría para axudar a Cleopatra a gañar a súa aposta.