PROFILBARU.COM

Anton LaVey
Nome orixinal	(en) Anton Szandor LaVey
Biografía
Nacemento	(en) Howard Stanton Levey ; 11 de abril de 1930 ; Chicago, Estados Unidos de América
Morte	29 de outubro de 1997 (67 anos); San Francisco, Estados Unidos de América
Causa da morte	edema pulmonar
Grupo étnico	Asquenací
Relixión	Satanismo LaVey (pt)
Educación	Globe High School (pt) ; Tamalpais High School (en)
Actividade
Campo de traballo	Filosofía
Ocupación	músico, actor, escritor, filósofo
Instrumento	Órgano
Familia
Cónxuxe	Diane Hegarty ; Blanche Barton
Fillos	Karla LaVey; () ; Zeena Schreck; () Diane Hegarty; Satan Xerxes Carnacki LaVey; () Blanche Barton
	Sinatura
Descrito pola fonte	Obálky knih,
Sitio web	churchofsatan.com

Anton Szandor LaVey,^[1] nado como Howard Stanton Levey en Chicago (Illinois) o 22 de febreiro de 1930 e finado en San Francisco (California) o 29 de outubro de 1997, foi un escritor, músico e ocultista^[2] de ascendencia estadounidense e xudía, fillo dun reverendo cristián protestante. Fundou a Igrexa de Satán e escribiu varios libros, entre eles a Biblia Satánica, The Satanic Witch, The Devil's Notebook e Satan Speaks! e fundou o satanismo, un sistema sintetizado da súa comprensión da natureza humana e das ideas dos filósofos que avogaban polo materialismo e o individualismo, polo que non se reivindica ningunha inspiración sobrenatural ou teísta.

Afirmou que hai tres datas especiais para os satánicos: o propio aniversario de cada un, o Walpurguisnatch e halloween, celebrado o 31 de outubro, considerado día de triunfo para os satánicos, xa que é a data en que se fragmentou a igrexa católica, considerada como a igrexa fundada por Cristo.

Traxectoria

Anton Lavey era fillo de Gertrude Augusta Levey e de Michael Joseph Levey un pastor protestante, de antepasados xeorxianos e, segundo contaba el, xitanos e romaneses. O seu verdadeiro nome era Howard Stanton Levey, e máis tarde chamouse Anton Szandor LaVey. Cando estaba no instituto comezaron a xurdir nel as bases dos seus ideais satánicos.

LaVey era amigo dunha serie de escritores asociados á revista Weird Tales; unha foto del con George Haas, Robert Barbour Johnson (que coñeceu no circo como domador de animais e pintor de escenas do entroido) e Clark Ashton Smith aparece na biografía de Blanche Barton, The Secret Life of a Satanist.

En 1950, LaVey coñeceu a Carole Lansing e casaron o ano seguinte, cando Lansing tiña quince anos. Lansing deu a luz a primeira filla de LaVey, Karla LaVey en 1952. En 1960 separáronse despois de que LaVey se relacionase con Diane Hegarty. Hegarty e LaVey nunca casaron, mais foron compañeiros moitos anos e tiveron unha filla, Zeena Galatea Schreck, en 1963.^[3]

Acabou por se tornar nunha celebridade local a través das súas actuacións paranormais e como organista, mesmo tocando o Wurlitzer no salón de cocktails Lost Weekend,^[4] atraendo moitos famosos de San Francisco para as súas festas. Entre os convidados estaban Carin Plessin, Michael Harner, Chester A. Arthur III, Forrest J. Ackerman, Fritz Leiber, Cecil E. Nixon e Kenneth Anger. LaVey formou un grupo chamado a Orde do Trapecio (Order of the Trapezoid), que posteriormente evolucionou ao cadro directivo da Igrexa de Satán.^[5]

Anton LaVey finou en 1997 por mor dun edema pulmonar no St. Mary's Medical Center.^[6]

Igrexa de Satán

A Igrexa de Satán foi fundada o 30 de abril de 1966 por Anton LaVey,^[7] e foi a primeira organización na historia que abertamente está dedicada á profesión do que os seus adeptos din que é a verdadeira natureza do ser humano: unha besta carnal que vive nun cosmos, o cal está permeado e motivado por forzas escuras, as que chaman Satán. Este grupo afirma que a través do transcurso do tempo, o ser humano chamou a esta forza por nomes diferentes e foi rexeitada por aqueles aos que a súa propia natureza os incita a apartarse da fonte da existencia.^[7]

Obras

Bibliografía

The Satanic Bible. (Avon, 1969, ISBN 0-380-01539-0)
The Compleat Witch ou What to do When Virtue Fails (Dodd, Mead, 1971, ISBN 0-396-06266-0); reeditado como The Satanic Witch (Feral House, 1989, ISBN 0-922915-00-8)
The Satanic Rituals (Avon, 1972, ISBN 0-380-01392-4)
The Devil's Notebook. Kenneth Anger e Anton Szandor LaVey (Feral House, 1992, ISBN 0-922915-11-3)
Satan Speaks!, introdución de Blanche Barton e prólogo de Marilyn Manson (Feral House, 1998, ISBN 0-922915-66-0)

Gravacións

«The Satanic Mass», LP (Murgenstrumm Records, 1968; CD remasterizado cunha pista extra, «Hymn of the Satanic Empire, or The Battle Hymn of the Apocalypse» (Amarillo Records, 1994); Mephisto Media, 2001)
«Answer Me/Honolulu Baby», sinxelo de 7" (Amarillo Records, 1993)
«Strange Music», 10" EP (Amarillo Records, 1994)
Satan Takes A Holiday, CD (Amarillo Records, 1995)