Andrés Santiago Suárez Suárez

Para outras páxinas con títulos homónimos véxase: Andrés Suárez.

Andrés Santiago Suárez Suárez

Biografía
Nacemento	6 de outubro de 1939 Luaña, España
Morte	22 de outubro de 2005 (66 anos) Madrid, España
Educación	Universidade Complutense de Madrid
Actividade
Ocupación	economista
Descrito pola fonte	Gran Enciclopedia Galega Silverio Cañada Gallegos Diccionario da literatura galega

Andrés Santiago Suárez Suárez, nado en Luaña (Brión) o 6 de outubro de 1939 e finado en Madrid o 22 de outubro de 2005,^[1] foi un economista e escritor galego, membro da American Economic Association e da American Finance Association.

Traxectoria

Cursou Peritaxe e Profesorado Mercantil na Escola Superior de Comercio da Coruña e Ciencias Políticas, Económicas e Comerciais na Universidade Complutense de Madrid, na que se doutorou con premio extraordinario en 1969. Foi catedrático da Universidade de Alacant, catedrático e decano da Facultade de Economía da Universidade de Málaga e conselleiro do Tribunal de Contas do Reino (1982-1991) por designación das Cortes. Desde 1973 foi catedrático de Ciencias Económicas e Empresariais da Universidade Complutense de Madrid. Dirixiu o Departamento de Economía da Empresa da Universidade Nacional de Educación a Distancia.

Obra escrita publicada

Publicou máis de dúas ducias de libros e numerosos artigos en revistas sobre temas relacionados coa economía e a administración de empresas.

Entre as súas obras máis coñecidas están:

• Decisiones óptimas de inversión y financiación en la empresa, 1976.
• Curso de introducción a la economía de la empresa, 1986.
• Diccionario de economía y administración, 1992.
• Diccionario terminológico de economía, administración y finanzas, 2000.
• Nueva economía y nueva sociedad. Los grandes desafíos del siglo XXI, 2001.
• Capitalismo y multinacionales, 2004.

Obra en galego

• O problema económico e humán de Galicia, Caixa Vigo, 1978.
• Luaña. Mitos, costumes e creencias dunha parroquia galega, Editorial Galaxia, 1979.
• A regueifa, Edicións Castrelos, 1982
• O raposo Careto, Ediciós do Castro. 1983, literatura infantil.

Recoñecementos

• Foille concedido o título de doutor honoris causa polas universidades de Sevilla, Santiago de Compostela (en 2001)^[2] e Rey Juan Carlos.

Notas

1. Necrolóxica en La Voz de Galicia, 23-10-2005, p, 61.
2. "El economista gallego Andrés Santiago Suárez, nuevo doctor Honoris Causa" (22/6/2001). La Voz de Galicia (en castelán).

Véxase tamén

Bibliografía

• "Suárez Suárez, Andrés Santiago". Diccionario enciclopédico galego universal 56. La Voz de Galicia. 2003-2004. p. 74. ISBN 84-7680-429-6. 
• "Suárez Suárez, Andrés Santiago". Enciclopedia Galega Universal 15. Ir Indo. 1999-2002. p. 410. ISBN 84-7680-288-9. 
• "Suárez Suárez, Andrés Santiago". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8. 
• Barrera, F., ed. (2002). Gallegos. Quién es quien en la Galicia del siglo XXI (en castelán). El Correo Gallego. p. 554. ISBN 84-8064-113-4. 
• Vilavedra, Dolores, ed. (1995). Diccionario da literatura galega. Autores I. Vigo: Editorial Galaxia. p. 567. ISBN 84-8288-019-5. 

Ligazóns externas

• Páxina web de Andrés Suárez Arquivado 31 de outubro de 2021 en Wayback Machine. no sitio web da Universidade Complutense de Madrid (en castelán).