Musker-Hiriberri beste hizkuntza batzuetan ere ezagutzen da, hala nola:
gaztelaniaz: Muzqui-Iriberri ("múzzki iribérri" ahoskatua) edo Musqueriberri ("muskeribérri" ahoskatua)
Gainera, toponimoa hainbat modutan agertu da historian zehar:[2]
Iriberri (1085)
Iriverri (1104)
Musquer-Yriberri (1534)
Musquer-Iriberri (1802)
Musquer-Iriberri (1919)
Musker-Iriberri (1997)
Historia
Santsoaingo etxaldea eta jaurerri zaharra, Leotz udal-barrutian, Orbaibarraan, Erriberriko merindadean. 1858 (7 biztanle), 1887 (14), 1930, 1940 eta 1950 (9), 1960 (11) eta 1970 (bat ere ez) biztanle-izendegietan agertzen da.
XIII. mendearen erdialderako, Musker Hiriberrira gehitu zen seguruenik. Jaurerriaren menpe egon zen, XIX. mendearen lehen erdian jurisdikzio mota hori desagertu zen arte. Orduan, Gendulaingo kondeetakoa zen, eta zortzi arima zituen auzoko bat baino ez zuen (1847an).
