Junior Eurovision Abesti Lehiaketa edo Junior Eurovision (ofizialki ingelesez Junior Eurovision Song Contest eta frantsesez Concours Eurovision de la Chanson Junior) 2003an hasita Europako Irrati-Telebista Batasunak (EBU) urtero antolatzen duen abesti lehiaketa bat da, EBUren kide diren emisoreentzat zabalik dagoena. Urtero Europako hiri desberdin batean egiten da, baina hiri berean lehiaketa behin baino gehiagotan antolatu daiteke. Lehiaketak Eurovision Abesti Lehiaketarekin antzekotasun asko ditu, eta horren izena hartzen du. Parte hartzen duten telebista bakoitzak artista edo talde bat bidaltzen du, lehiaketaren egunean 9 eta 14 urte bitarteko kideak dituena, eta 2 minutu 45 segundo eta 3 minutu arteko abesti original bat abesten dute gainontzeko sarreren aurka lehiatzeko.
Historia
Lehiaketaren jatorria 2000 urtean datza, Danmarks Radio daniar irrati-telebista erakundeak haurrentzako antolatu zuen abesti lehiaketa batean. 2002an ideia Eskandinaviara zabaldu zen, MGP Nordic jaialdia eman zelarik: Danimarka, Norvegia eta Suedia izan ziren partaide. Europako Irrati-Telebista Batasunak ideia hartu eta Europa osora zabaldu zuen 2003an, Eurovision Abesti Lehiaketaren izenaz baliatuz. Lehen edizioa Danimarkak antolatu zuen Kopenhagen, ideia bertako telebistatik zetorrelako.
Partaideak
| Urtea
|
Herrialdeak, lehen agerraldiaren arabera
|
| 2003
|
 Belgika,  Bielorrusia,  Danimarka,  Erresuma Batua,  Errumania,  Espainia,  Grezia,  Herbehereak,  Ipar Mazedonia,  Kroazia,  Letonia,  Malta,  Norvegia,  Polonia,  Suedia,  Zipre
|
| 2004
|
 Frantzia,  Suitza
|
| 2005
|
 Errusia,  Serbia eta Montenegro
|
| 2006
|
 Portugal,  Serbia, Ukraina
|
| 2007
|
 Armenia,  Bulgaria,  Georgia,  Lituania
|
| 2010
|
 Moldavia
|
| 2012
|
 Albania,  Azerbaijan,  Israel
|
| 2013
|
 San Marino
|
| 2014
|
 Eslovenia,  Italia,  Montenegro
|
| 2015
|
 Australia,  Irlanda
|
| 2018
|
 Gales,  Kazakhstan
|
| 2020
|
 Alemania
|
| 2023
|
 Estonia
|
Jatorrizko Eurovision Abesti Lehiaketarekin ezberdintasunak
Ezberdintasun agerikoena, junior lehiaketan lehiakideek 9 eta 14 urte artekoak izan behar direla lehiaketaren egunean, helduen lehiaketan berriz 16 urte beteta izan behar dituztelarik lehiaketari dagokion urteko abenduak 31an. Junior lehiaketan, abesti partaideek ordezkatutako herrialdearen jatorrizko hizkuntzetan eduki behar dituzte hitzak nagusiki, helduen lehiaketan arau hau 1999an bertan behera utzi zen bitartean. Helduen lehiaketan, abestietako ahots guztiak zuzenean kantatu behar dira; junior lehiaketaren kasuan ahots nagusiak zuzenean kantatu behar dira, baina koristen ahotsentzako pista grabatua erabili daiteke. Junior lehiaketan, ordezkapen bakoitzeko gehienez 8 pertsona egon daitezke eszenatokian, helduen lehiaketan kopurua 6ra murrizten den bitartean.
Antolaketari dagokionez, helduen lehiaketan ez bezala, herrialde irabazleak ez du jasotzen hurrengo urteko lehiaketa antolatzeko gonbidapena automakikoki, posible eginez batzuetan egoitza aurreko urteko edizioa ospatu baino lehen erabakitzea.
Hizkuntzak
2003ko Junior Eurovision Abesti Lehiaketan erabili izan diren hizkuntzen zerrenda da, 2003an sortu zenetik, urtea, herrialdea, abestia eta artista horren bidez estreinatu zen hizkuntza bakoitzak. Arau bat dago, abestiak adierazten duen herrialdeko hizkuntza nazionaletako batean abestu behar diren abestiak zehazten dituela. Hala ere, abesti bat beste hizkuntzen letrak eduki ditzakete horren gainean.
Garaileak urtez-urte
Garaipenak herrialdeka
| Herrialdea |
Garaipenak |
Urteak
|
 Georgia |
4 |
2008, 2011, 2016, 2024
|
 Frantzia |
3 |
2020, 2022, 2023
|
 Bielorrusia |
2 |
2005, 2007
|
 Malta |
2 |
2013, 2015
|
 Errusia |
2 |
2006, 2017
|
 Polonia |
2 |
2018, 2019
|
 Armenia |
2 |
2010, 2021
|
 Kroazia |
1 |
2003
|
 Espainia |
1 |
2004
|
 Herbehereak |
1 |
2009
|
 Ukraina |
1 |
2012
|
 Italia |
1 |
2014
|
Ikus, gainera
Erreferentziak
Kanpo estekak
.svg){kind=small}
.svg){kind=small}
