Bartzelonako Espainiar Herria (katalanez Poble Espanyol de Barcelona) Kataluniako Bartzelona hiriburuko Montjuïc mendian dagoen aire libreko museo bat da. 1929. urtean Nazioarteko Erakustaldia ospatzearekin batera ireki zen. Ideiaren bultzatzailea Josep Puig i Cadafalch kataluniar arkitektoa izan zen, bertan Espainiako eskualde guztietako herri eta arkitekturaren ezaugarri nabarmenenak irudikatu nahi izan ziren. Espainiar Herria Francesc Folguera eta Ramon Reventós arkitektoek eraiki zuten, eta bertan Xavier Nogués (arte kritikaria) eta Miquel Utrillo (margolaria) artistek lan egin zuten.