Ursins

Ursins
Blazono de Ursins
Blazono de Ursins
Preĝejo de Ursins
Preĝejo de Ursins
komunumo en Svislando
Kantono	Vaŭdo
Distrikto	Vaŭda Nordĵuraso
Koordinatoj	46° 44′ 5″ N 6° 40′ 6″ O (mapo)Koordinatoj: 46° 44′ 5″ N 6° 40′ 6″ O (mapo)
Nombro de loĝantoj	205
Areo	3,35 km²
Alteco	645 m super marnivelo
Poŝtkodo	1412
Komunumkodo	5932
Mapo de Ursins
Situa mapo de Ursins

Ursins estas komunumo en la distrikto Vaŭda Nordĵuraso en Kantono Vaŭdo, Svislando. Ĝi havis 205 loĝantojn je la 31-a de decembro 2012.

Geografio

La komunumo Ursins situas sur la molasaj montetoj de la Vaŭda Mezlando 5 kilometrojn sude de la sudokcidenta fino de la Lago de Neŭŝatelo kaj 6 kilometrojn sudsudoriente de la distriktĉefurbo Yverdon-les-Bains. La komunumo konsistas el la vilaĝo Ursins kaj kelkaj izolitaj bienoj.^[1]

La teritorio de la komunumo etendiĝas sur areo de 3,35 km², de kiuj 19,4% estas kovritaj de arbaro, 76,2% servas por agrikulturo kaj 3,5% por setlado. ^[2]

Najbaraj komunumoj

La komunumo Ursins limas en nordo al Pomy, en nordoriento al Cronay, en sudoriento al Orzens, en sudokcidento al Essertines-sur-Yverdon, kaj en nordokcidento al Valeyres-sous-Ursins.

Trafiko

Ursins situas flanke de la gravaj trafikvojoj. Tra la komunumo pasas konekta vojo de Orzens al Yverdon-les-Bains kaj alia vojo de Pomy al Essertines-sur-Yverdon. La plej proksima alveturejo al la svisa aŭtovojo A1 situas proksimume 5 kilometrojn nordnordokcidente de la komunumo apud Yverdon-les-Bains. Pere de la poŝtaŭtolinio de Yverdon-les-Bains al Bercher la komunumo estas konektita al la publika transportreto.

Historio

La unua dokumenta mencio de Ursins datiĝas el la jaro 1008 kiel Ursingio. En Ursins estis post aerbilda esplorado trovitaj restaĵoj de temploj el la romia kaj gaŭla epokoj, kio indikas ke la loko estis en la tempo 50 antaŭ Kristo ĝis 250 post Kristo grava kultura kaj religia centro. Dum mezepoko ekzistis mencio pri kavlira familio en Ursins. La patrona rajto pri la preĝejo Sankta Marteno en Ursins estis koncedita de la episkopo Amadeo al la Laŭzana Katedrala Kapitolo. En la jaro 1415 en Ursins estis menciita vilaĝo komunumo. Ursins apartenis al la Senjorujo Belmon kaj ek de 1536 sub la berna regado al la Subvoktejo Belmont de la Kamparvoktejo Yverdon. Post la Helveta Revolucio ĝi estis atribuita al la Distrikto Yverdon, kiu kun efiko de la 1-a de januaro 2008 surbaze de la administra reformo de 2006 estis integrita al la nova Distrikto Vaŭda Nordĵuraso.^[3]

Notoj kaj referencoj

1. Fonto: Reta mapo 1:20000 de Swisstopo^{[rompita ligilo]}
2. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
3. Fonto: Olivier Dessemontet: Ursins en Historia Leksikono de Svislando (2013-02-19)

Eksteraj ligiloj

• Oficiala retejo de la komunumo Ursins

•  Vidu ankaŭ en la Vikimedia Komunejo la kategorion Ursins – (Kolekto de bildoj kaj plurmediaj dosieroj)