Maikammer estas la administra centro de samnoma komunumaro, do administra ligo de pluraj najbaraj, formale sendependaj politikaj komunumoj, germane nomata Verbandsgemeinde Maikammer, kiu kovras la plej nordan parton de la distrikto.
Esperanto en la komunumo
Dum multaj jaroj la esperantisto Hans-Dieter Platz, kiu de la 1980-aj jaroj ĝis la jaro 2015 organizis la Internaciajn Festivalojn en diversaj urboj de Germanio dum la silvestra semajno, loĝis en Maikammer, kiel multaj aliaj lokuloj estis vinkultivisto tie kaj en la najbara komunumo Sankt Martin (Palatinato), kaj produktis vinojn kun esperantlingvaj botelaj etikedoj.
La Rotsohlberg, ankaŭ skribata Rothsohlberg, estas 607,1 m alta monto en la Meza Palatinata Arbaro. Ĝi situas sur la teritorio de la komunumo Maikammer en la rejnlando-palatinata distrikto Südliche Weinstraße.
