Flaach situas je 360 m super la marnivelo je norda deklivo de la montoĉeno Irchel, kiu apartenas al la Ĵuraso. Okcidente la komunumo estas limigita per la rivero Rejno kaj en ĝia nordo trafluas ĝin la Turo, kiu en la nordokcidenta angulo de la komunumo alfluas la Rejnon. La teritorio de la komunumo estas 10,16 km², el kiu 3,45 km² estas arbaro. 2,48 km² de ĉi-tiu arbara areo estas posedaĵo de la komunumo.
Unua dokumenta mencio de Flaach kiel Flacha datiĝas de la jaro 1044 en kunteksto de la loka nobelulo Berchtold de Flacho, kiu en la 11-a jarcento donacis sian havaĵon al la Monaĥejo Rejnaŭo.
