Feuerthalen estas komunumo en la distrikto Andelfingen. Je la 31-a de decembro 2007 ĝi havis 3324 loĝantojn. Feuerthalen konsistas el la municipoj Feuerthalen kaj Langwiesen.
Geografio
Feuerthalen situas je la norda limo de la distrikto rekte ĉe la rejnbordo vidalvide de la urbo Ŝafhaŭzo kun belega rigardo al la fama kastelo Munot. Al Feuerthalen apartenas ankaŭ la municipo Langwiesen (poŝtkodo 8246).
Nomo
Feuerthalen (alemane Füürtale) devenas de la alemana kaj germana vorto Furt, kiu signifas travadejo. Ekzistis inter Feuerthalen kaj Ŝafhaŭzo en mezepoko ĉe tiu loko travadejo tra la Rejno.
Trafiko
Feuerthalen apartenas kaj al la Zurika Trafik-Unio kaj al la Ŝafhaŭza Tarif-Unio Flextax. La komunumo troviĝas sur la fervojlinio de la Svisaj Federaciaj Fervojoj de Ŝafhaŭzo al Rohrschach.
Historio
Unue dokumente menciita estis la municipo Langwiesen en la jaro 876 kiel Langewisa en letero, per kiu la abato Wolvene de Rejnaŭo transdonis la bienojn al la grafo Gozbert. En la 10-a jarcento la posedaĵo transiris al la Episkopejo Konstanco.
La unua dokumenta mencia de Feuerthalen mem okazis nur en la jaro 1318 kiel Furtal an dem Rine. Ek de 1528 Feuerthalen posedas la merkatrajto.
La 13-an de aprilo 1799 la trupoj de Napoléon Bonaparte bruligis la konatan lignoponton konstruitan en la jaroj 1754 ĝis 1756 de la arkitekto Johann Ulrich Grubenmann. Dum tiu milito en Feuerthalen estis lokita dum 14 monatoj regimento de 10'000 francaj soldatoj.
Vidu ankaŭ
Eksteraj ligiloj
