Pentref a chymuned ym mwrdeistref sirol Pen-y-bont ar Ogwr, Cymru, yw Y Pîl (Saesneg: Pyle). Gwasanaethir y pentref mawr hwn gan ffordd yr A48, a gorwedda llai nag un filltir o Gyffordd 37 Traffordd yr M4, ac felly taith o hanner awr yn unig sydd i brifddinas Cymru, Caerdydd; mewn gwirionedd gorwedda bron yn gytbell rhwng y brifddinas (Caerdydd) a'r ail ddinas (Abertawe). Y gylchfan glan-môr Porthcawl yw'r dref agosaf. O fewn y gymuned, i ogledd-ddwyrain y Pîl, y mae'r pentref cyfagos Mynyddcynffig.
Cynrychiolir yr ardal hon yn Senedd Cymru gan Sarah Murphy (Llafur)[1] ac yn Senedd y DU gan Chris Elmore (Llafur).[2]
Enw
Mae'n debyg bod yr enw "Y Pîl" yn deillio o'r gair Cymraeg pil a olyga cilfach, term a geir ar hyd arfordir Môr Hafren ym Morgannwg a Sir Fynwy. Yn yr achos hwn, mae'n debyg y cyfeiria at aber Afon Cynffig sy'n llanw am ei filltir gyntaf o'r môr.
Cyfeiriadau
