Аляксандр Віктаравіч Чарвякоў

Аляксандр Віктаравіч Чарвякоў
міністр эканомікі Рэспублікі Беларусь^[d] 4 студзеня 2020 — 20 лістапада 2023
Папярэднік	Дзмітрый Мікалаевіч Крутой
Пасол Беларусі ў Кітаі^[d] з 20 лістапада 2023
Папярэднік	Юрый Аляксеевіч Сянько
Нараджэнне	15 верасня 1966(1966-09-15) (58 гадоў) Бабінічы, Панізоўскі сельсавет, Аршанскі раён, Віцебская вобласць, БССР, СССР
Адукацыя	Беларуская дзяржаўная сельскагаспадарчая акадэмія (1988)
Навуковая ступень	кандыдат тэхнічных навук (1996)
Навуковае званне	дацэнт
Месца працы	Беларуская дзяржаўная сельскагаспадарчая акадэмія НДЭІ Міністэрства эканомікі Рэспублікі Беларусь
Узнагароды	Ганаровая грамата Савета Міністраў Рэспублікі Беларусь
Медыяфайлы на Вікісховішчы

Аляксандр Віктаравіч Чарвякоў (нар. 1966, в. Бабінічы, Аршанскі раён, Віцебская вобласць) — беларускі дзяржаўны дзеяч, міністр эканомікі Рэспублікі Беларусь (2020—2023).

Біяграфія

Нарадзіўся 16 верасня 1966 года ў в. Бабінічы Аршанскага раёна Віцебскай вобласці. Бацька Віктар працаваў кінамеханікам, маці Раіса Нікіфараўна (пам. 2018) працавала бухгалтарам на мясцовай сельгасхіміі. Мае сястру Ларысу^[1].

У 1988 годзе скончыў Беларускую дзяржаўную сельскагаспадарчую акадэмію (БДСГА). У 1988—1991 гадах — інжынер, вядучы інжынер-механік саўгаскамбіната «Юбілейны» Аршанскага раёна. У 1991—1994 гадах вучыўся ў аспірантуры БДСГА.

Кандыдат тэхнічных навук (1996), дацэнт (2001). У 1994—2010 гадах — асістэнт, выкладчык, старэйшы выкладчык, дацэнт, дактарант кафедры механізацыі жывёлагадоўлі і электрыфікацыі сельскагаспадарчай вытворчасці БДСГА.

У 2010—2017 гадах — дырэктар НДЭІ Мінэканомікі Рэспублікі Беларусь.

Са студзеня 2017 года — намеснік, з лістапада 2018 года — першы намеснік Міністра эканомікі Рэспублікі Беларусь.

4 студзеня 2020 года прызначаны Міністрам эканомікі Рэспублікі Беларусь.

У чэрвені 2022 года трапіў пад санкцыі Канады^[2].

20 лістапада 2023 года прызначаны паслом Беларусі ў Кітаі^[3].

Навуковая дзейнасць

Аўтар і суаўтар 7 манаграфій, навучальных і даведачных дапаможнікаў, звыш 90 навуковых прац і 4 вынаходак.

Узнагароды

Узнагароджаны медалём «За працоўныя заслугі» (2021)^[4], падзякай Прэзідэнта Рэспублікі Беларусь, ганаровай граматай Савета Міністраў Рэспублікі Беларусь.

Сям’я

У шлюбе. Жонка Святлана працуе намеснікам галоўнага інжынера па навуцы ў праектным інстытуце Белдзіпразем. Мае дзвюх дочак Яўгенію і Лізавету. Яўгенія з’яўляецца суіскальніцай аддзела планавання і рэгулявання развіцця сельскай і лясной гаспадарак НДЭІ Міністэрства эканомікі. Лізавета скончыла Інстытут кіравання і сацыяльных тэхналогій БДУ^[1].

Зноскі

1. Што вядома пра сям’ю і бацькоў новага міністра эканомікі Аляксандра Чарвякова (нявызн.). Наша Ніва.
2. Regulations Amending the Special Economic Measures (Belarus) Regulations: SOR/2022-167 (англ.). Canada Gazette (25 чэрвеня 2022). Праверана 10 красавіка 2023.
3. Лукашэнка назначыў паслоў у Кітай, Зімбабвэ, ПАР, Сербію і Інданезію
4. Указ Прэзідэнта Рэспублікі Беларусь ад 17 жніўня 2021 г. № 311 «Аб узнагароджанні» Архівавана 23 жніўня 2021.

Спасылкі

• Біяграфія на сайце Міністэрства эканомікі Рэспублікі Беларусь (бел.)