Ігар Аляксандравіч Леднік

Ігар Аляксандравіч Леднік
Род дзейнасці	журналіст, актывіст
Дата нараджэння	1960[1]
Дата смерці	20 лютага 2024(2024-02-20)[2][1]^[…]
Месца смерці	Беларусь[2]
Грамадзянства	Беларусь
Партыя	Беларуская сацыял-дэмакратычная партыя (Народная Грамада)[2]

Ігар Аляксандравіч Леднік (1960^[1] — 20 лютага 2024(2024-02-20)^[2][1][…], Беларусь^[2]) — беларускі палітычны актывіст, палітычны зняволены ў Беларусі. У 2022 годзе асуджаны на тры гады пазбаўлення волі за «паклёп на прэзідэнта» Аляксандра Лукашэнку ў артыкуле ў газеце БСДП пра тое, што саўдзел рэжыму Лукашэнкі ў расійскай агрэсіі супраць Украіны пагражае суверэнітэту Беларусі. У турме здароўе Ігара Ледніка сур’ёзна пагоршылася, ён памёр у зняволенні пасля аперацыі на страўнікава-кішачнага тракце.

Біяграфія

Сябра Беларускай сацыял-дэмакратычнай партыі (БСДП)^[3]. Затрыманы 12 красавіка 2022 года і асуджаны на тры гады пазбаўлення волі за «паклёп на прэзідэнта» Аляксандра Лукашэнку ў артыкуле ў партыйным часопісе БСДП^[4][5], дзе сцвярджаў, што саўдзел рэжыму Лукашэнкі ў расійскай агрэсіі супраць Украіны пагражае суверэнітэту Беларусі. У маі 2022 года праваабарончы цэнтр «Вясна» і іншыя беларускія праваабарончыя арганізацыі прызналі яго палітычным зняволеным^[6].

Паводле сяброў БСДП, Леднік выступаў за скасаванне Саюзнай дзяржавы Беларусі і Расіі і лічыў, што Беларусь парушае Будапешцкі мемарандум. Ён таксама лічыў, што разагнанне Вярхоўнага Савета Беларусі 13-га склікання прывяло да ўсталявання ў Беларусі дыктатуры і падарвала бяспеку ў рэгіёне.^[4]

Паведамляюць, што ў турме ён рэгулярна падвяргаўся жорсткаму абыходжанню, яго здароўе сур’ёзна пагоршылася. Леднік меў слабае здароўе, праблемы з сэрцам і памёр у зняволенні пасля аперацыі на страўнікава-кішачным тракце. 20 лютага 2024 года стала вядома, што ён памёр ад спынення сэрца ў мінскім раённым шпіталі, куды быў дастаўлены з калоніі ў Бабруйску. Дакладная дата яго смерці была нявызначаная. «Вясна» паведаміла, што Леднік стаў пятым палітвязнем, які памёр у беларускай турме менш чым за два гады. Яшчэ адзін апазіцыянер Вадзім Храсько памёр у студзені 2024 года ад пнеўманіі ў калоніі, дзе яму не аказалі неабходнай медыцынскай дапамогі, паводле праваабаронцаў.^[3][7][8][4]

Беларуская прэзідэнтка-элект у выгнанні Святлана Ціханоўская абвінаваціла ў смерці Ледкіна ўлады Беларусі. Яна заявіла, што ўлады ведалі пра яго інваліднасць, калі адправілі ў калонію, а яго прозвішча было ўнесена ў спіс людзей, якія павінны быць вызваленыя па стане здароўя або ўзросту. Пра смерць Ледніка Ціханоўская напісала ў Telegram, назваўшы яе «несправядлівасцю і неймавернай трагедыяй», а таксама «рэжым забівае ў турмах беларусаў, якія хацелі змяніць жыццё ў сваёй краіне да лепшага».^[4][3]

Крыніцы

1. https://www.rfi.fr/fr/en-bref/20240220-bi%C3%A9lorussie-le-militant-de-l-opposition-igar-lednik-meurt-en-d%C3%A9tention
2. https://www.lemonde.fr/international/article/2024/02/20/bielorussie-un-prisonnier-politique-meurt-en-prison_6217503_3210.html
3. Biélorussie : un prisonnier politique meurt en prison (фр.) (20 лютага 2024). Праверана 16 лістапада 2024.
4. Яшчэ адна сьмерць палітвязьня за кратамі: у зьняволеньні памёр Ігар Леднік (нявызн.). svaboda.org (20 лютага 2024). Архівавана з першакрыніцы 20 лютага 2024. Праверана 16 лістапада 2024.
5. Nie żyje białoruski więzień polityczny Ihar Lednik. Miał 64 lata (польск.). Onet Wiadomości (20 лютага 2024). Праверана 16 лістапада 2024.
6. Fifteen people recognized as political prisoners (англ.). spring96.org (27 мая 2022). Праверана 16 лістапада 2024.
7. Former Political Prisoner: Ihar Lednik Told Me He Would Most Likely Die In Prison - Belarusian News - Charter'97 (нявызн.)(недаступная спасылка). web.archive.org (21 лютага 2024). Архівавана з першакрыніцы 21 лютага 2024. Праверана 16 лістапада 2024.
8. Service, RFE/RL's Belarus. Ihar Lednik Is Latest Political Prisoner To Die In Belarusian Custody (англ.). RadioFreeEurope/RadioLiberty. Праверана 16 лістапада 2024.