Чырвонае Поле

Вёска Чырвонае Поле Краіна Беларусь Вобласць Гомельская Раён Брагінскі Сельсавет Буркоўскі Каардынаты 51°52′50″ пн. ш. 30°10′28″ у. д.^HGЯO Першая згадка 1920-я Вышыня цэнтра 126 м Насельніцтва 25 чалавек (2004) Часавы пояс UTC+3 Тэлефонны код 2344 Паштовы індэкс 247635 Аўтамабільны код 3 Чырвонае Поле на карце Беларусі ±

Чырвонае Поле — вёска ў Буркоўскім сельсавеце Брагінскага раёна Гомельскай вобласці Беларусі.

Да 2009 года вёска ўваходзіла ў склад Мікуліцкага сельсавета^[1].

Геаграфія

Размяшчэнне

У 17 км на паўночны захад ад Брагіна, 22 км ад чыгуначнай станцыі Хойнікі (на галінцы Васілевічы — Хойнікі ад лініі Калінкавічы — Гомель), 135 км ад Гомеля.

Транспартная сетка

Транспартныя сувязі па прасёлкавай, затым аўтамабільнай дарозе Брагін-Хойнікі.

Планіроўка складаецца з кароткай просталінейнай мерыдыянальнай вуліцы, забудаванай драўлянымі хатамі сядзібнага тыпу.

Гісторыя

Заснавана напачатку 1920-х гадоў перасяленцамі з суседніх вёсак на былых памешчыцкіх землях. У 1930 годзе арганізаваны калгас «Чырвонае поле», працавала гамарня. Падчас Вялікай Айчыннай вайны ў маі 1943 года фашысты цалкам спалілі вёску і забілі 3 жыхароў. У 1959 годзе ў складзе калгасу «Чырвоны Кастрычнік» (цэнтр — вёска Мікулічы).

Насельніцтва

Колькасць

• 2004 год — 10 гаспадарак, 25 жыхароў.

Дынаміка

• 1940 год — 14 двароў, 98 жыхароў.
• 1959 год — 122 жыхара (паводле перапісу).
• 2004 год — 10 гаспадарак, 25 жыхароў.
• 2006 год — 10 гаспадарак, 24 чалавек, з якіх 6 ва ўзросце да 16 гадоў, 5 — у працаздольным і 13 — старэйшым за працаздольны.

Зноскі

1. Решение Гомельского областного Совета депутатов от 01.12.2009 N 276 Об изменении административно-территориального устройства Брагинского района Гомельской области Архівавана 5 сакавіка 2016.

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0