PROFILBARU.COM

Зорныя войны. Эпізод VI: Вяртанне джэдая
Зорныя войны. Эпізод VI: Вяртанне джэдая;
	Star Wars: Episode VI - Return of the Jedi
Жанр	касмічная опера, прыгоды, фантастыка
Рэжысёр	Рычард Маркуанд
Прадзюсар	Джордж Лукас; Ховард Казанян; Рык Мак-Калум (спец. выданне 1997 года)
Сцэнарыст	Сюжэт:; Джордж Лукас; Сцэнарый:; Лоўрэнс Кэздан; Джордж Лукас
У галоўных; ролях	Харысан Форд[…]; Кэры Фішэр[…]; Дэвід Проўз[d][…]; Марк Хэміл[…]; Іэн Мак-Даярмід[d][…]; Білі Дзі Уільямс[d][…]; Энтані Дэніэлс[…]; Кені Бейкер[d][…]; Пітэр Мэйх'ю[d][…]; Алек Гінес[…]; Sebastian Shaw[d][…]; Denis Lawson[d][…]; Jeremy Bulloch[d]; Femi Taylor[d]; Caroline Blakiston[d][…]; Deep Roy[d]; Хэйдэн Крыстэнсен[d]; Kenneth Colley[d][…]; Уорык Дэвіс[d][…]; Michael Pennington[d][…]; Mike Quinn[d]; Фрэнк Оз[d]; Рычард Маркуанд[d]; Debbie Lee Carrington[d]; Paul Brooke[d]; Tony Cox[d]; Felix Silla[d]; Richard Driscoll[d]; Phil Fondacaro[d]; Michael Gilden[d]; Dermot Crowley[d]; Hilton McRae[d]; Michael Carter[d]; Ernie Fosselius[d]; Timothy M. Rose[d]; Jack Purvis[d];
Аператар	Алан Х'юм
Кампазітар	Джон Уільямс
Кінакампанія	Lucasfilm; 20th Century Fox
Працягласць	134 хвіл
Бюджэт	$32 500 000
Зборы	$475 106 177
Краіна	ЗША
Мова	англійская
Год	1983
Папярэдні фільм	Імперыя наносіць удар у адказ
Наступны фільм	Абуджэнне сілы (па храналогіі падзей у сазе) ; Уяўная пагроза (па даце рэлізу)
IMDb	ID 0086190
Афіцыйны сайт
	Медыяфайлы на Вікісховішчы

«Зорныя войны. Эпізод VI: Вяртанне джэдая» (англ.: Star Wars Episode VI: Return of the Jedi) — эпічны навукова-фантастычны фільм рэжысёра Рычарда Маркуанда. Гэта трэці фільм па ліку з першай трылогіі кінасагі «Зорныя войны» і шосты храналагічна. Прэмьера фільму адбылася 25 мая 1983 года. Бюджэт фільму склаў $32,5 млн. А па свеце фільм сабраў каля $475,1 млн.

Сюжэт

На шостым фільме скончваецца кінасага «Зорныя Войны», а таксама першая і арыгінальная трылогія. Дзея ў апошнім фільме адбываецца недзе праз адзін год пасля падзей пятага эпізоду. Сябры Хана Сола накіроўваюцца на планету Татуін, каб уратаваць свайго сябра з палону Джабы Хата. Люк Скайуокер дасылае нібы ў падарунак Джабе двух дроідаў: R2-D2 і C-3PO з мэтай памяняць іх на Хана.

Але ж Джаба Хат кантрабандыст і злодзей, ён не збіраецца выконваць патрабаванні Люка і забірае дроідаў сабе. Праз нейкі час у палацы Джабы з’яўляецца прынцэса Лея, пераапранутая ў тамтэйшую пачвару. Лея пад выглядам найміта прыводзіць да Джабы Чубаку. Джаба сквапны і зусім не кемлівы кантрабандыст, ён нават і не падазрае, што з ім гуляюць у гульню, якую прыдумаў Люк. Сам Люк не прымусіў сябе доўга чакаць і прыйшоў на наступны дзень, каб вярнуць сваіх сяброў і забіць Джабу. Але ж і Люк трапляе ў пастку Джабы. Апошні ўпэўнены ў сваёй перамозе над Ханам і яго сябрамі, Джаба загадвае забіць іх. І гэтая воля Хата становіцца апошняй для яго. Бясслаўнае жыццё вялікага кантрабандыста скончваецца пад час здзяйснення яго ж загаду: Лея, скарыстаўшыся момантам, накідвае на шыю Джабе ланцуг і забівае яго. Люк вяртаецца на планету Дагоба да магістра Ёды, каб працягнуць навучанне. Ёда перад смерцю распавядае Люку пра яшчэ аднаго Скайуокера. Гэта, напэўна, адзін з самых кранальных момантаў у фільме нароўні з момантам, калі Дарт Вейдэр у пятым эпізодзе прызнаецца Люку ў бацькоўстве. Адразу пасля смерці Ёды Люк чуе голас Обі-Вана. Обі-Ван кажа Люку, што Ёда меў на ўвазе яго сястру Лею.

А тым часам Паўстанцы рыхтуюць атаку на новую і яшчэ больш моцную Зорку Смерці. Частка паўстанцаў разам з Люкам, Леяй, Ханам і дзвюма дроідамі накіроўваецца на лясную планету Эндар, побач з якой на арбіце будуецца новая Зорка Смерці. На планеце Люк распавядае Леі праўду, якую даведаўся сам, і адлучаецца ад іх групоўкі, каб сустрэцца з сваім бацькам і Імператарам. Паўстанцы на планеце атакуюць бункер, у якім знаходзіцца ўстаноўка для энергетычнага шчыта Зоркі Смерці, а Адмірал Акбар разам з флотам паўстанцаў атакуе Зорку Смерці з космасу. Пачынаецца бой як на планеце, так і ў космасе. Люк, спрабуючы забіць Імператара на Зорцы Смерці, ізноў скрыжаваў мечы з Дартам Вейдэрам. Малады джэдай у парыве гневу перамагае Дарта Вейдэра і чуе ад Імператара прапанову забіць бацьку і самім заняць яго месца побач з ім. Адмовіўшыся ад прапановы, Люк выракае сябе на пакутніцкую смерць ад рук сітха, але ў гэты момант Дарт Вейдэр вяртаецца на Светлы бок Сілы і забівае Дарта Сідыуса. Старое вяшчунства спраўджваецца: Энакін Скайуокер знішчае сітхаў.

Персанажы

Люк Скайуокер (Марк Хэміл, вучань-джэдай Обі-Вана Кенобі і Ёды, сын Энакіна Скайуокера, адзін з самых лепшых пілотаў паўстанцкага флоту)
Лея Аргана (Кэры Фішэр, прынцэса і сенатар, знішчанага імператарам, галактычнага сенату)
Чубака (Пітэр Мейх'ю, вукі, былы ўдзельнік вайны клёнаў, сябр Хана і другі пілот «Сокала Тысячагоддзя»)
Хан Сола (Харысан Форд, кантрабандыст, адзін з лепшых пілотаў галактыкі, сябр Люка Скайуокера і Чубакі)
Дарт Вейдэр (Дэвід Проўз, ўладар сітхаў, камандзір войска імперскіх клёнаў)
Обі-Ван Кенобі (Алек Гінес, дух настаўніка-джэдая)
Ёда (Фрэнк Оз, настаўнік усіх джэдаяў, у тым ліку і Люка)
Дарт Сідыус (Іэн Мак-Даярмід і Клайв Рывел, магутны ўладар сітхаў, імператар)
Боба Фет (Джэрэмі Булак, найміт і забойца, клён Джанга Фета)
Лэнда Калрысіян (Білі Дзі Уільямс, кіраўнік Воблачнага горада на Беспіне, сябр Хана Сола і былы ўласнік «Сокала Тысячагоддзя»)
R2-D2 (Кені Бэйкер, дроід, які суправаджае і дапамагае героям Зорных войнаў на працягу ўсіх 6 эпізодаў)
C-3PO (Энтані Дэніэлс, пацешны дроід-сябр R2-D2, якога зрабіў Энакін)