PROFILBARU.COM

Варшаўка
Краіна	Беларусь
Вобласць	Мінская
Раён	Пухавіцкі
Сельсавет	Рудзенскі
Каардынаты	53°35′17″ пн. ш. 27°50′20″ у. д.HGЯO
Насельніцтва	▲66 чал. (2019);
Часавы пояс	UTC+3
Тэлефонны код	+375 1713
Аўтамабільны код	5
	Варшаўка на Вікісховішчы

Варша́ўка^[1] (трансліт.: Varšaŭka, руск.: Варшавка) — вёска ў Пухавіцкім раёне Мінскай вобласці. Уваходзіць у склад Рудзенскага сельсавета. Месціцца за 25 км на паўночны захад ад Мар’інай Горкі, на аўтамабільнай дарозе Смалявічы — Шацк, за 3 км ад чыгуначнай станцыі Рудзенск.

Гісторыя

У XIX стагоддзі гэтыя землі адносіліся да маёнтка Цітва. У сярэдзіне XIX стагоддзя, па смерці Людвіга Янішэўскага і размеркаванні яго ўласнасці паміж сынамі, гэты кавалак земляў разам з фальваркам Ліпск дастаўся Ануфрыю Янішэўскаму. Ануфрый Янішэўскі заклаў тут фальварак з рэзідэнцыяй і назваў Варшаўка^[2]. У другой палове XIX стагоддзя Варшаўка ў Цітвянскай воласці Ігуменскага павета Мінскай губерні. У 1889 годзе ў валоданні двараніна рыма-каталіцкага веравызнання Ануфрыя Людвігавіча Янішэўскага ў маёнтку Варшаўка была 101 дзесяціна зямлі^[3].

З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай абвешчана часткай Беларускай Народнай Рэспублікі. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (Мінская акруга ГУУЗ).

З 31 ліпеня 1920 года ў Беларускай ССР. Маёнтак нацыяналізаваны, створаны пасёлак.

У Другую сусветную вайну з канца чэрвеня 1941 года да пачатку ліпеня 1944 года пад акупацыяй Германіі. Каля вёскі было расстраляна больш за 300 ваеннапалонных і мірных жыхароў.

Насельніцтва

1897 год — 1 двор, 7 жыхароў
1908 год — 1 двор, 6 жыхароў
1917 год — 1 двор, 26 жыхароў, усе беларусы^[4]
2002 год — 18 двароў, 37 жыхароў
2009 год — 48 жыхароў
2019 год — 66 жыхароў^[5]

Страчаная спадчына

Сядзіба (другая палова XIX ст.).

Мемарыялы

Брацкая магіла (1941—1944).

Крыніцы

↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
↑ SgKP 1893, s. 100.
↑ Памяць 2003, с. 98.
↑ Список населенных мест Б.С.С.Р. (б. Минской губернии) 1924, с. 123.
↑ Belarus (нявызн.). pop-stat.mashke.org. Праверана 7 кастрычніка 2024.

Літаратура

Варшаўка // Гарады і вёскі Беларусі: Энцыклапедыя. Т. 8: Мінская вобласць, кн. 4 / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2013. — С. 123—124. — 2 000 экз. — ISBN 978-985-11-0735-9.
Памяць: Пухавіцкі раён: Гісторыка-дакументальныя хронікі гарадоў і раёнаў Беларусі / Укл. А. А. Прановіч; Рэдкал.: А. М. Карлюкевіч і інш.. — Мінск: Беларусь, 2003. — 749 с. — ISBN 985-01-0251-9.
Jelski A. Warszawka // Słownik geograficzny Królestwa Polskiego i innych krajów słowiańskich. Tom XIII: Warmbrun — Worowo (польск.). — Warszawa, 1893. — S. 100.
Список населенных мест Б.С.С.Р. (б. Минской губернии) / Центральное Статистическое Бюро Б.С.С.Р.. — Минск: Белтрестпечать, 1924.