Вадуц (ням.: Vaduz) — горад у Ліхтэнштэйне, сталіца краіны. Размешчаны ў даліне ракі Рэйн каля падножжа хрыбта Рэтыкон. Горад з’яўляецца месцам знаходжання нацыянальнага парламента.
У горадзе жывуць 5100 жыхароў (2009), большасць з якіх католікі. Кафедральны сабор горада з’яўляецца рэзідэнцыяй архіепіскапа Рымска-каталіцкай царквы.
Хоць Вадуц і з’яўляецца сталіцай княства, ён не самы вялікі горад краіны і саступае суседняму Шану, у якім на 700 чалавек больш.
У Вадуцы базуецца мясцовы аднайменны футбольны клуб, які, як і іншыя ў Ліхтэнштэйне, гуляе ў швейцарскай футбольнай лізе.