Magnesio

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Magnesio
Sodio ← Magnesio → Aluminio Be ↑ Mg ↓ Ca Tabla periodica
Información cheneral
Nombre, simbolo, numero	Magnesio, Mg, 12
Serie quimica	Metal alcalinoterrio
Grupo, periodo, bloque	2, 3, s
Color	Solido gris brillant
Peso atomico	24.3050(6) g·mol^−1
Configuración electronica	[Ne] 3s^2
Electrons por capa	2, 8, 2
Propiedaz fisicas
Fase	solido
Densidat (a t.a.)	1.738 g·cm^−3
Densidat en liquido en o p.f.	1.584 g·cm^−3
Punto de fusión	923 K (650 °C, 1202 °F)
Punto d'ebullición	1363 K (1091 °C, 1994 °F)
Entalpía de fusión	8.48 kJ·mol^−1
Entalpía de vaporización	128 kJ·mol^−1
Calor especifica	(25 °C) 24.869 J·mol^−1·K^−1
Presión de vapor P/Pa 1 10 100 1 k 10 k 100 k at T/K 701 773 861 971 1132 1361
Propiedaz atomicas
Estructura cristalina	hexagonal
Estaus d'oxidación	2, 1[1] (Oxido muit basico)
Electronegatividat	1.31 (escala de Pauling)
Enerchías d'ionización (mas)	1ª: 737.7 kJ·mol^−1
	2ª: 1450.7 kJ·mol^−1
	3ª: 7732.7 kJ·mol^−1
Radio atomico	160 pm
Radio covalent	141±7 pm
Radio de van der Waals	173 pm
Atra información
Ordenación magnetica	paramagnetico
Resistividat electrica	(20 °C) 43.9 nΩ·m
Conductividat termal	(300 K) 156 W·m^−1·K^−1
Dilatación	(25 °C) 24.8 µm·m^−1·K^−1
Velocidat d'o sonito	(t.a.) 4940 m·s^−1
Modulo d'elasticidat	45 GPa
Mod. elast. transversal	17 GPa
Modulo de compresión	45 GPa
Coeficient de Poisson	0.290
Dureza Mohs	2.5
Dureza Brinell	260 MPa
Numero CAS	7439-95-4
Isotopos mas estables
iso AN Vida MD ED (MeV) PD ^24Mg 78.99% ^24Mg ye estable con 12 neutrons ^25Mg 10% ^25Mg ye estable con 13 neutrons ^26Mg 11.01% ^26Mg ye estable con 14 neutrons

O magnesio (elemento quimico de simbolo: Mg, y numero atomico 12) ye un metal blanco brillant, d'aspecto parellán a lo de l'archent. Ye o ueiteno elemento mas abundant en a naturaleza. A suya densidat ye 1,74 y por tanto a menor de toz os metals, fueras d'o litio y o berilio. Se funde a 650 °C y se volatiliza a 1.120 °C.

En aire seco se mantiene inalterable pero en presencia d'humedat se cubre d'una capa d'oxido que evita a oxidación posterior. Con o fuego s'enciende con una flama blanca muit viva.

Ye dúctil y maleable, y resulta imprescindible ta a fabricación d'aliacions licheras, muit útils ta l'aviación.

Usos

Barra de magnesio

Os compuestos de magnesio, en primeras l'oxido de magnesio, son emplegatos mas que mas como material refractario en os furnos ta fabricar fierro y acero, metals no ferrosos, vidre, y cimento. L'oxido de magnesio chunto con atros components s'emplega tamién en l'agricultura, y en as industrias quimicas y d'a construcción. aliau con l'aluminio s'usa ta fabricar envases de lata. As aliacions de magnesio son usatas tamién en components estructurals d'os automobils y de maquinaria. Un uso d'iste metal ye tamién a eliminación d'os sulfuros en o fierro y l'acero.

Atros usos son:

• Aditivo en propelents convencionals.
• Obtención de fundición nodular (Fe-Si-Mg).
• Achent reductor en a obtención d'uranio y atros metals a partir d'as suyas sals.
• O hidroxido de magnesio(Mg(OH)₂, tamién dito leit de magnesia), o cloruro de magnesio (MgCl₂), o sulfato de magnesio (MgSO₄, u sals Epsom) y o citrato s'emplegan en Medicina pa la fabricación de medecinas.
• O polvo de carbonato de magnesio (MgCO₃) ye emplegato por os atletas, como chimnastas y debantadors de peso, ta amillorar l'adherencia d'os obchectos. Os escaladors lo fan servir ta amillorar l'adherencia d'as mans a la roca.
• Atros usos encluyen flaixes fotograficos, pirotecnia y bombas incendiarias.

Rol biolochico

O magnesio ye important ta a vida, tanto l'animal como a vechetal. A clorofila ye una substancia complexa de porfirina y magnesio que interviene en a fotosintesi.

Ye un elemento quimico esencial ta l'hombre; a mayor parti d'o magnesio se troba en os uesos y os suyos ions exercen papels d'importancia en l'actividat de muitas coenzimas y en reaccions que penden de l'ATP. Tamién exerce un papel estructural, o ión de Mg²⁺ tien una función estabilizadora d'a estructura de cadenas d'ADN y ARN.

En función d'o peso y l'altaria, a cantidat diaria recomendata ye de 300-350 mg, cantidat que puet obtener-se facilment ya que se troba en a mayoría d'os alimentos, estando as fuellas verdas d'as hortalicias especialment ricas en magnesio.

Contenito en magnesio de bel alimento;

• Espinayes (1/2 taza) = 80 mg (miligramos)
• Leit descremata (1 taza) = 40 mg

Historia

O nombre procede de magnesia, que en griego designaba una rechión de Tesalia. L'anglés Joseph Black, reconoixió o magnesio como un elemento quimico en 1755. En 1808 Sir Humphrey Davey obtenió metal puro por meyo d'electrolisi d'una mezcla de magnesia y Oxido de mercurio (II) (HgO)

Abundancia y obtención

O magnesio ye o seteno elemento mas abundant en a crosta terrestre, manimenos no se troba libre, encara que dentra en a composición de mas de 60 minerals, estando os mas importants industrialment os depositos de dolomía, magnesita, brueta, carnalita y olivina.

En os Estaus Unius o metal s'obtiene prencipalment por electrolisi d'o cloruro de magnesio (MgCl₂), obtenito de saleras y de l'augua d'a mar, metodo que ya emplegaba Bunsen;

En o catodo: Mg²⁺ + 2 e^- → Mg

En l'anodo: 2 Cl^- → Cl₂ (gas) + 2 e^-

Isotopos

O magnesio-26 ye un isotopo estable que s'emplega en a datación cheolochica, igual que l'Al-26. En as inclusions ricas en calcio y aluminio (CAI en anglés) de bel meteorito, os obchectos mas antigos d'o sistema solar, s'han trobat cantidaz de Mg-26 mayors d'as asperatas que s'atribuyen a la desintegración de l'Al-26. Istos obchectos, cuan s'han desprendito en etapas primerencas d'a formación d'as planetas y asteroides no han pasato por os procesos cheolochicos que fan desapareixer as estructuras condriticas (formatas a partir d'as inclusions) y por tanto alzan información sobre a edat d'o sistema solar.

En os estudios se compararoron os ratios Mg-26/Mg-24 y Al-27/Mg-24, ta determinar asinas, de forma indirecta, a relación Al-26/A-27 d'a muestra inicial en o momento en que ista se deseparó d'as rechions de polvo d'a nebulosa presolar, a partir d'a que se formó o nuestro sistema solar.

Precaucions

O magnesio ye extremadament inflamable, mas que mas si ye polvorizato. Reacciona exotermicament y a escape en contacto con aire u augua por o que ha de manipoliar-se con precaución. O fuego, de producir-se, no s'habrá de mirar d'amortar con augua; nomás un extintor ta fuegos de tipo D (sodio, aluminio, reactivos,...) u sía extintors de polvo especifico u CO₂.

Referencias

1. Bernath, P. F., Black, J. H., & Brault, J. W. (1985). "The spectrum of magnesium hydride". Astrophysical Journal 298.

Vinclos externos

Commons

Se veigan as imáchens de Commons sobre magnesio.

• (en) webelements.com - magnesio
• (en) environmentalchemistry.com - magnesio
• (en) Dietary Magnesium

• Datos: Q660
• Multimedia: Magnesium / Q660