Die Duif (Latyn: Columba) is ’n klein, dowwe sterrebeeld in die suidelike hemelruim wat laat in die 16de eeu geskep is. Dit lê net suid van die Groot Hond en die Haas.
Geskiedenis
Die sterrebeeld is in 1592 deur die Nederlandse sterrekundige Petrus Plancius geskep om die "ongevormde" sterre van die Groot Hond te onderskei. Hy het dit oorspronklik "Noag se Duif" genoem.[1]
Ruimtevoorwerpe
Die Duif is taamlik onopvallend; die helderste ster, Alpha Columbae (α Col), het ’n helderheid van 2,65 mag. Die enigste ander ster met ’n naam is Beta Columbae, wat Wazn of Wezn genoem word (Arabies vir ’n gewig).
Die Duif bevat die drosterster Mu Columbae, wat waarskynlik uit die Iota Orionis-stelsel gewerp is.
Verwysings
Eksterne skakels
