El Ponte dei Scalsi a Venesia, el ze co'l Ponte de Rialto, el Ponte del'Academia, el Ponte de ła Costitusion, uno dei cuatro ponti che'l traversa el Canal Grando.
El ze dito anca ponte de ła Stasion feroviaria a cauza de ła visinansa de ła stasion feroviaria de Santa Łusia.
Un primo pónte el ze stà reałizà inte'l 1858 da l'architeto austriago Alfred Neville soto ła dominasion asbùrzega, par megiorar l'aceso a ła stasion feroviaria resentemente costruìa.
A se tratava de un pónte in ghiza a strutura retiłinea, da seno simiłe a cueło tirà su pochi ani prima da'l steso Neville a l'Academia. L'altésa łimitàda (4 metri) ła infirmava el pasagio de inbarcasion alberàe e el stil dichiaratamente "industriałe" mal el se abinàva esteticamente co łe struture sircostante. Ła ghiza inazonta daspò un fià de ani ła ga scominsià a dar senji de cedimento strutural in alguni ponti, par cui el Comun de Venesia el ze stà costrenzesto inte i primi ani trenta a tor na ràpida desizion revardo a ła so sostitusion.
El pónte in metało el ze stà cusì sostituìo da un novo ponte a singoła arcàda in piera d'Istria patòca, so progeto de l'inzenjer Eugenio Miozzi (1889-1979). I łaóri de costrusión i gà tacà el 4 magio 1932 e el ponte el ze stà inaugurà 'pena do ani drìo, el 28 otobre 1934.
Voxe łigàe
Altri progeti
.jpg)
