L’arrondiment de Vilafranca de Roergue es una division administrativa e una anciana division electorala [1] francesa situada dins la region d'Occitània, ancianament de Miègjorn-Pirenèus e lo departament francés d'Avairon. Lo capluòc es la vila roergassa de Vilafranca de Roergue. L'arrondiment s'espandís en Roergue. La lenga autoctòna es l'occitan lengadocian roergàs.
L'arrondiment se creèt en 1800 dins lo departament d'Avairon. A partir de 2017, l'arrondiment s'espandiguèt a un grand nombre de comunas prèpas de Rodés. L'arrondiment passèt aital de 1293 km² a 2 123,7 km². La populacion es de 87 877 abitants en 2018 (63 808 en 2014).
L'arrondiment se compausava de 8 cantons:
Dempuèi 2015, los limits dels cantons novèls pòdon èsser acavalats sus dos arrondiments e lo nombre de comunas pòt variar en seguida de la creacion de comunas novèlas : 64 en 2015 e 62 en 2016 per l'arrondiment. Pr'amor de la modificacion dels limits de l'arrondiment de 2017, conten 96 comunas (en 2020).