श्रीलंका क्रिकेट संघाने फेब्रुवारी १९८८ दरम्यान एक कसोटी सामना खेळण्यासाठी ऑस्ट्रेलियाचा दौरा केला. श्रीलंकेने पहिल्यांदाच ऑस्ट्रेलियामध्ये कसोटी सामना खेळला. एकमेव कसोटी सामन्याव्यतिरिक्त श्रीलंकेने ऑस्ट्रेलिया आणि न्यू झीलंडसोबत एकदिवसीय तिरंगी मालिकेत देखील भाग घेतला. रंजन मदुगलेने एकमेव कसोटी सामना आणि तिरंगी मालिकेत श्रीलंकेचे नेतृत्व केले.
तिरंगी मालिकेत श्रीलंकेने निराशाजनक कामगिरी गेली. गट फेरीच्या ८ सामन्यांपैकी श्रीलंकेला फक्त एका सामन्यात विजय मिळवता आला. वाका मैदानावर खेळवला गेलेला एकमेव कसोटी सामना यजमान ऑस्ट्रेलियाने १ डाव आणि १०८ धावांनी जिंकला.