ул. Ѓорче Петров, бул. Партизански одреди, ул. Гоце Делчев, бул. Крсте Мисирков, бул. Александар Македонски
Минува крај знаменитостите
Пазар Ѓорче Петров, Парк Ѓорче Петров, мост „Обединети Нации“, Општина Карпош, Поликлиника „Букурешт“, Градежен факултет, Соборна црква, мост „Гоце Делчев“, Скопско кале, црква Св. Димитрија, Основен суд, „Поликлиника Битпазар“, Скопски саем, хотел „Континентал“, споменик на Филип II, Шумарски факултет
Линијата 2 е редовна дневна и ноќна автобуска линија во Скопје, управувана од претпријатието ЈСП Скопје. Оваа автобуска линија сообраќа од населбата Автокоманда до селото Сарај и обратно, минува низ 26 автобуски постојки и е во времетраење од околу 90 минути. Слична на оваа е линијата 2А која дополнително минува низ населбата Железара.
Траса
Линијата застанува на автобуската постојка 419 во близина на Скопско Кале
Автобуската линија 2 започнува од Автокоманда односно селото Сарај. Од Автокоманда таа сообраќа низ булеварот „Александар Македонски“, застанува на постојка кај парк-шумата Гази Баба, потоа продолжува долж булеварот „Никола Карев“, свртува лево на булеварот „Крсте Петков Мисирков“ и овде застанува кај трговскиот центар „Мавровка“.
Линијата потоа продолжува на раскрсницата и се приклучува десно на булеварот „Гоце Делчев“ каде што застанува на постојка во близина на Скопско Кале. Линијата потоа минува низ мостот „Гоце Делчев“ и се приклучува на булевар „ВМРО“, продолжувајќи по булеварот „Партизански одреди“ на кој застанува на 10 постојки меѓу кои кај Соборен храм, поликлиниката „Букурешт“ и трговскиот центар Скопје Сити мол, а минува и низ мостот „Обединети Нации“.
На кружниот тек кај Порта Влае се приклучува на улицата „Ѓорче Петров“ и продолжува по истата сè до бензинската станица на Макпетрол кај мостот кој води кон селото Сарај. Од таму го преминува мостот и влегува во селото Сарај каде застанува на три постојки долж патот P402 по што линијата повторно се враќа по истата траса назад кон Автокоманда.
