PROFILBARU.COM

Македонија Ѓорче Петров
Македонија Ѓорче Петров
Целосно име	Фудбалски клуб Македонија Ѓорче Петров
Основан	1932; пред 92 години
Локација	Скопје, Македонија
Стадион	Ѓорче Петров
Капацитет	3.000
Лига	(I)
2022/23	7. од 11 екипи
Мреж. место	Официјално мрежно место
Домашни бои	Гостински бои

За современиот фудбалски клуб, кој порано го носел името Треска, видете ФК Македонија Ѓорче Петров 1932.

ФК „Македонија Ѓорче Петров“ ― македонски фудбалски клуб од Ѓорче Петров, оформен во 1932 година.

Историја

Клубот бил оформен во 1932 година под името „Ханриевски Аматерски Спортски Клуб“ (Х.А.С.К.), а подоцна ги носел и имињата „Победа“, „Рудар“, „Индустријалец“, „Локомотива“. Во сезоната 1970/1971 го добил името „Југококта“, сè до сезона 1989/1990 кога го добил сегашното име.^[1]

Македонија Ѓ.П. настапува на стадионот Ѓорче Петров, со капцитет од 3000 седишта. Во 2005 година била изградена западната трибина на стадионот, кој е познат и под името „Кокта“. По катастрофалниот земjотрес во Скопје во 1963 година, стадионот на тогашен ФК „Рудар“ бил одземен од државата за да бидат изградени монтажни бараки за настраданото население, и било доделено новото игралиште на сегашното место. Во 1970 година, ФК „Рудар“ (подоцна под името ФК „Југококта“) влегол во тогашната македонска фудбалска лига, и морало да бидат изградени трибина, соблекувални и други попратни елементи за да може да учествува во тоа натпреварување. Така во септември 1970 започнала изградбата на источната трибина. Екипата играла есента на стадионот на ФК Цементарница во Скопје. Трибината, поттрибинскот простор и соблекувалните биле предадени во употреба во март 1971, и првиот натпревар се одиграл на 12 март, со екипата на ФК Кожуф од Гевгелија, при што победила екипата на ФК Југококта со 2:0. Со изградбата на трибината бил направен и теренот, и била поставена трева (бусен). Во сезоната 2005/2006, со промената на раководниот тим, изградена била новата западна трибина, како и нови канцелариски простории, вежбалница со сите придружни справи за вежбање и нови соблекувални. Исто така реновирано било и помошното игралиште на кое била поставена вештачка трева.

Позначајни настани

1932: Оформен е клубот под името Х.А.С.К., а подоцна ќе ги носи и следниве имиња: Локомотива, Рудар, Победа, Индустријалец, Рудар итн.
1969/70: Рудар е победник во Скопскиот потсојуз, и во квалификациите изборува место Македонската Републичка Лига, 3 ранг на натпреварување.
1970: Клубот почнува професионално да се натпреварува, и го носи името Југококта.
1971: На 12 март 1971 година се одигрува првиот натпревар на стадионот Ѓорче Петров, кој завршува со победа на тогашната Југококта,
Југококта - Кожув 2:0.
1976/77: Првопласиран во Вардарски Фудбалски Регион (4 Лига).
1980/81: Младинците на Македонија Ѓ.П. го освојуваат Купот на Македонија по победата на Осогово од Кочани.
1989/90: Од оваа сезона клубот го носи името ФК Македонија.
1991/92: Младинците на Македонија Ѓ.П. го освојуваат Купот на Македонија.
1991/92: Клубот настапува во 3 Југословенска Лига-Исток.
1992/93: Со оформувањето на 1 М.Ф.Л. Македонија Ѓ.П. станува дел од првата лига.
1993/94: Испаѓа од првата македонска лига и се преселува во 2 македонска лига.
1994/95: Македонија Ѓ.П. го освојува првото место во 2 М.Ф.Л.-Запад и експресно се враќа во првата лига.
1997/98: Клубот го зазема третото место на табелата, и за првпат во својата историја изборува пласман во некое Европско натпреварување.
2003/04: Младинците на Македонија Ѓ.П. во младинското финале од купот на Македонија го декласираа кичевски Напредок, а Горан Наумовски-Пуле беше стрелец на сите четири гола за Македонија Ѓ.П.
2004/05: Македонија Ѓ.П. го освојува трето место во 2 М.Ф.Л., и изборува да игра бараж средба, во која ќе биде подобра од Маџари Солидарност. По три сезони играње во понизок ранг, клубот се враќа во елитата на Македонскиот фудбал.
2005/06: Македонија Ѓ.П. го освојува Купот на Македонија со победата над тетовска Шкендија во финалето со 3:2, а третиот гол што го постигна Филип Ивановски во судиското продолжение е вистинско ремек дело. А исто така завршува како второпласиран тим на табелата во 1 М.Ф.Л.
2008/2009: Македонија Ѓ.П. на крајот од ова првенство е на чело на табелата и ја освојува титулата "Фудбалски Шампион на Македонија".

Играчи

Во фудбалската сезона 2008/2009 Македонија Ѓорче Петров настапуваше во следниот состав:

Играч	Позиција	Националност
Марјан Маџaровски	голман	Македонија
Бојан Павловиќ	голман	Србија
Даниел Јовановски	одбрана	Македонија
Благоја Милевски	одбрана	Македонија
Даниел Мојсов	одбрана	Македонија
Ненад Јовановиќ	одбрана	Македонија
Александар Бошковски	одбрана	Македонија
Жорж Амбуруе	одбрана	Габон
Милан Илиевски	одбрана	Македонија
Васко Митрев	среден ред	Македонија
Тони Брњарчевски	среден ред	Македонија
Душан Симовски	среден ред	Македонија
Гуобадија Ајс Крим Оса	среден ред	Нигерија
Боби Божиновски	среден ред	Македонија
Данташ де Брито Сезар Роберто	среден ред	Бразил
Филип Колеќески	напаѓач	Македонија
Горан Силјановски	напаѓач	Македонија
Мирко Ивановски	напаѓач	Македонија
Самир Фазли	напаѓач	Македонија
Јовица Столевски	напаѓач	Македонија

Постигнувања

Домашни првенства

Постигнувања на ФК Македонија Ѓорче Петров во првата и втората лига- сезона по сезона:

Сезона	Нат.	Поб.	Нер.	Пор.	+	-	Бод.	Поз.	Лига
1992/93	34	10	12	12	31	51	32	14	Македонска Прва Лига
1993/94	30	2	6	22	17	55	10	16	Македонска Прва Лига
1994/95	32	23	5	4	75	25	74	1	Македонска Втора Лига
1995/96	28	10	7	11	35	37	37	7	Македонска Прва Лига
1996/97	26	10	4	12	38	30	34	7	Македонска Прва Лига
1997/98	25	12	5	8	34	25	42	3	Македонска Прва Лига
1998/99	26	10	7	9	44	40	37	6	Македонска Прва Лига
1999/00	26	10	6	10	29	28	36	7	Македонска Прва Лига
2000/01	26	9	4	13	46	42	31	10	Македонска Прва Лига
2001/02	20	7	3	10	29	28	24	11	Македонска Прва Лига
2002/03	36	17	6	13	57	44	57	7	Македонска Втора Лига
2003/04	32	15	6	11	48	46	51	7	Македонска Втора Лига
2004/05	33	22	5	6	76	34	71	3	Македонска Втора Лига
2005/06	33	21	6	6	55	23	69	12	Македонска Прва Лига
2006/07	33	18	10	5	65	29	64	3	Македонска Прва Лига
2007/08	33	13	5	15	34	42	44	7	Македонска Прва Лига
2008/09	33	17	10	3	46	15	61	1	Македонска Прва Лига
2011/12	30	14	6	10	48	31	48	4	Македонска Втора Лига
2012/13	30	21	4	5	60	21	67	1	Македонска Втора Лига

Еврокупови

Сезона	Натппеварување	Рунда	Клуб	Резултат
1998	УЕФА Интертото Куп	Прва рунда	НК Олимпија - Љублјана	4-2, 1-1
		Втора рунда	СЦ Бастија - Бастија	1-0, 0-7
2006-07	УЕФА Куп	Прва квалификациска рунда	ПФК Локомотив - Софија	0-2, 1-1
2007	УЕФА Интертото Куп	Прва рунда	Етникос Ахнас ФЦ - Ахнас	0-1, 2-0
		Втора рунда	ПФК Черно Море - Варна	0-4, 0-3
2009/10	Лига на Шампиони	Втора квалификациска рунда	БАТЕ Борисов	0-2, 0-2

Tитули

Македонска прва лига: 1

2008/09

Куп на Македонија: 3

2005/06, 2021/22, 2022/23

Познати играчи

Навивачи

Македонија Ѓ.П. отсекогаш имала навивачи зад себе, главно во жителите на тогашно Ханриево (сега Ѓорче Петров). Зачетоците на организираното навивање биле во 1988 година кога за првпат се појавиле транспаренти на Кокта, како што популарно се нарекува стадионот Ѓорче Петров. Сегашните навивачи, познати како Лавови се оформени во 1992 година. Во 2008 година формирана е првата а воедно и единствена подгрупа на навивачката група Лавови - Division Hanrievo. Идејата за формирање на подгрупата потекнува од желбата за подобрување на квалитетот и менталитетот на членовите на матичната група – Лавови, при што сите вистински навивачи на ФК Македонија Ѓорче Петров се обединија во една подгрупа. Името на подгрупата, доаѓа од старото име на населбата Ѓорче Петров, Ханриево.

Надворешни врски

Официјално мрежно место на Македонија Ѓ.П. Архивирано на 5 јуни 2022 г.
Мрежно место на лавовите Архивирано на 24 јули 2009 г.
Официјално мрежно место на Фудбалската федерација на Македонија
Трансфери Архивирано на 13 март 2008 г.
Мрежно место на лавовите
Информации за клубот Архивирано на 10 септември 2009 г.

Наводи

↑ „Официјално мрежно место на ФК Македонија Ѓ.П“. Архивирано од изворникот на 2009-06-14. Посетено на 2009. Укажано повеќе од еден |accessdate= и |access-date= (help); Проверете ги датумските вредности во: |access-date= (help)