На лицето, во средината на монетата е претставен Грбот на Република Македонија. Околу монетата се претставени натписите: „РЕПУБЛИКА МАКЕДОНИЈА“ и „10 ДЕНАРИ“ на македонски јазик. Исто така, претставенa е масата на монетата „11,80g“, годината на издавање „2018“ и ознаката „Ag999,9“.[3]
Опачина
Опачината на монетата има облик на старо колско тркало. Во средината е претставена копија од опачината на златната римска монета ауреус со божицата ФортунаАвгуста со натписите: „ФОРТУНА“ и „АВГУСТА“. Околу монетата е претставен натписот: „ТРКАЛО НА СРЕЌАТА“ (на англиски и на руски јазик).[3]
