БинкБенк Тур (холандски: BinckBank Tour; до 2016 година позната како Енеко Тур) — годишна друмска велосипедска етапна трка, која се одржува во Белгија и Холандија. Нејзиното име го претставува главниот спонзор на настанот, енергетската компанија Eneco Energie. Трката била дел од календарите на UCI ProTour и Светскиот ранкинг на UCI, а моментално е дел од Светската турнеја.
Трката била основана во 2005 година под името Енеко Тур, именувана по првичниот спонзор. Со промената на спонзорот во 2017 година, името на трката било променето во БинкБенк Тур.
Историја
Возачите на изданието во 2006 година
Трката околу Холандија започнала на 6 мај 1948 година, но станала редовна годишна трка во 1975 година. Од 2000 година започнала да се вози под името БинкБенк Тур. Почетокот на новиот систем на натпреварување ProTour во 2005 довел до големи промени во самата трка.
Организација
БинкБенк Тур бил продолжение на несигурната Трка околу Холандија, кој претседателот на UCI Хајн Вербруген ја сметал за неопходна од маркетиншки причини.[1] Холандската трка добила подобар спонзор (ENECO Energie). Но, бидејќи трката не била доволно тешка, не можела да биде прифатена во новиот систем на натпреварување ProTour. Тогаш, организацијата на трката побарала помош од организаторите на Трката околу Белгија и Трката околу Луксембург. Тие планирале Трката околу Бенелукс да ги замени останатите три трки. Ова довело Трката околу Белгија да биде коорганизатор. Сепак, Трките околу Белгија и Луксембург, продолжиле да се одржуваат и понатаму. Коорганизацијата или спојувањето на Трката околу Луксембург не се случило, па поради тоа БинкБенк Тур повеќе не поминува низ територијата на Луксембург. Во иднина името треба да биде Трка околу Бенелукс.
Маички
Боите на маичките за водечките во пласманите се менувале низ годините.
