უორენ გამალიელ ჰარდინგი (ინგლ. Warren Gamaliel Harding; დ. 2 ნოემბერი, 1865 — გ. 2 აგვისტო, 1923) — აშშ-ის სახელმწიფო მოღვაწე. 1921-1923 წლებში აშშ-ის 29-ე პრეზიდენტი რესპუბლიკური პარტიიდან. გავლენიანი გაზეთის გამომცემელი. 1900-1904 წლებში ოჰაიოს შტატის სენატის წევრი, 1904-1906 წლებში ოჰაიოს შტატის ლეიტენანტ-გუბერნატორი. 1914 წელს წამოაყენა თავი აშშ-ის სენატორობის კანდიდატად და ნოემბრის არჩევნებში დაამარცხა თავისი მოწინააღმდეგე დემოკრატიული პარტიიდან. ერთა ლიგაში აშშ-ის შესვლის წინააღმდეგი იყო. არ დაუშვა საბჭოთა წარმომადგენლები ვაშინგტონის კონფერენციაზე (1921-1922). 1923 წელს გულის შეტევით ან ინსულტით გარდაიცვალა. ამის შემდეგ პრეზიდენტის პოსტი კალვინ კულიჯმა დაიკავა.
ლიტერატურა
