Yesterday (The Beatles-ის სიმღერა)

სხვა მნიშვნელობებისთვის იხილეთ Yesterday.
„Yesterday“
სინგლი — The Beatles
ალბომიდან Help!
B-მხარე „Act Naturally“
გამოსვლის თარიღი 13 სექტემბერი, 1965 (აშშ)
ჩაიწერა 14 ივნისი 1965
EMI-ს სტუდიები,
ლონდონი
ჟანრი ბაროკო-პოპი[1]
ხანგრძლივობა 2:03
ხმისჩამწერი ლეიბლი Capitol
ავტორ(ებ)ი ლენონი/მაკ-კარტნი
პროდიუსერი ჯორჯ მარტინი
The Beatles-ის ამერიკული სინგლების ქრონოლოგია
„Help!“
(1965) 		„Yesterday“
(1965) 		„We Can Work It Out“ / „Day Tripper“
(1965)
The Beatles-ის ბრიტანული სინგლების — ქრონოლოგია
„Let It Be“
(1970) 		„Yesterday“ „Back in the U.S.S.R.“
(1976)
აუდიომაგალითი
Yesterday
Help! — სიმღერების სია

„Yesterday“ — ინგლისელი მუსიკოს პოლ მაკ-კარტნის მიერ დაწერილი სიმღერა, რომელიც შესულია ჯგუფ The Beatles-ის მიერ 1965 წელს გამოშვებულ ალბომში Help!. სიმღერის ავტორებად მითითებულები არიან ლენონი–მაკ-კარტნი. „Yesterday“, b-მხარით „Act Naturally“, სინგლის სახით აშშ-ში 1965 წლის სექტემბერში გამოვიდა. მიუხედავად იმისა, რომ ადგილობრივი ჩარტის სათავეში მოექცა, ბრიტანეთშიც წარმატება იქონია, ოღონდ – მეტ მონროს მიერ შესრულებული ვერსიის სახით. იგი აგრეთვე გამოვიდა 1966 წელს, ამავე სახელწოდების EP-ზე და იმავე წლის ივნისში, ამერიკულ ალბომზე Yesterday and Today.

პირველად თანამედროვე მუსიკის ისტორიაში, ამ სიმღერაში გამოყენებულია სიმებიანი ორკესტრის კვარტეტი. მათ ახლავს მხოლოდ მაკ-კარტნის ვოკალი და აკუსტიკური გიტარა. სიმღერა დღესაც პოპულარულია. ცნობილია, რომ არსებობს მისი 2200 ვერსიაზე მეტი[2], შესრულებული სხვა მუსიკოსების მიერ. ამრიგად, იგი მსოფლიოში ინტერპრეტაციების მხრივ ერთ-ერთი ყველაზე პოპულარული თანამედროვე სიმღერაა.[შენ. 1]

1999 წელს BBC Radio 2-ს მიერ ექსპერტებს და მსმენელებს შორის ჩატარებულ გამოკითხვაში „Yesterday“ დასახელდა XX საუკუნის საუკეთესო სიმღერად. MTV-მ და ჟურნალმა Rolling Stone იგი შემდეგ წელს ყველა დროის #1 პოპულარულ სიმღერად დაასახელეს. 1997 წელს სიმღერა შეიტანეს გრემის დიდების დარბაზში. Broadcast Music Incorporated აღნიშნავს, რომ XX საუკუნის განმავლობაში მისი შესრულებების რაოდენობამ შვიდ მილიონს გადააჭარბა.[4]

„Yesterday“ არის მელანქოლიური ბალადა ურთიერთობების შეწყვეტის შესახებ. შემსრულებელი დასტირის წარსულ დღეს, როდესაც ის და მისი შეყვარებული ჯერ ერთად იყვნენ, სანამ უკანასკნელი მისი მისამართით ნათქვამი სიტყვების გამო მიატოვებდა. მაკ-კარტნი არის ჯგუფის ერთადერთი წევრი, რომელიც ამ სიმღერის ჩაწერაში მონაწილეობდა. უკანასკნელი ვერსია The Beatles-ის სიმღერებისგან იმდენად განსხვავდებოდა, რომ ჯგუფის სხვა წევრების ძალისხმევით, იგი ბრიტანეთში სინგლის სახით არასოდეს გამოცემულა. მიუხედავად ამისა, სხვა შემსრულებლებმა მისი საკუთარი ვერსიები იმავე წელს ჩაწერეს. სიმღერა სინგლზე პირველად აშშ-ში გამოვიდა, 1965 წლის სექტემბერში, ხოლო ბრიტანეთში – 1976 წელს.

წარმოშობა

მაკ-კარტნის და ჯგუფის ბიოგრაფების თანახმად, პოლმა მელოდია მოისმინა საკუთარ სიზმარში, როდესაც უიმპოლ სტრიტზე, თავისი შეყვარებულის, ჯეინ ეშერის სახლში სტუმრად იყო.[5] გაღვიძების შემდეგ იგი მივარდა პიანინოსთან და მელოდია სწრაფად დაუკრა, რათა არ დაევიწყებინა.[6] თავდაპირველად პოლი დარწმუნებული იყო, რომ რომელიმე ცნობილი ნამუშევრის მელოდია ააწყო. „ერთი თვის განმავლობაში მუსიკასთან დაკავშირებული პიროვნებები მოვიარე და ვეკითხებოდი, ჰქონდათ თუ არა მანამდე მოსმენილი. ბოლოს, ისე გამოიყურებოდა, თითქოს პოლიციას ანგარიშს ვაბარებდი. ვიფიქრე, რომ, ვინაიდან იგი ვერავინ იცნო, რამდენიმე კვირაში თავად გამოვიყენებდი.“[6]

დარწმუნდა რა, რომ მელოდია ორიგინალური იყო, პოლმა სცადა შესაბამისი ტექსტის შექმნა. მისი და ლენონის ტრადიციისამებრ, დაწერა დროებითი ტექსტი, რომელსაც „Scrambled Eggs“ (ქართ. ათქვეფილი კვერცხები) ეწოდებოდა. სამუშაო ვერსიაში პირველი სტრიქონები ასე ჟღერდა - „Scrambled eggs/Oh my baby how I love your legs/Not as much as I love scrambled eggs“ (ქართ. „ათქვეფილი კვერცხები, ო, საყვარელო, როგორც მომწონს შენი ფეხები, ოღონდ არა ისე, როგორც ათქვეფილი კვერცხები“). ავტობიოგრაფიაში Paul McCartney: Many Years from Now პოლი იხსენებს: „თავდაპირველად მელოდია მოვასმენინე. ყველა მეუბნებოდა - არა, ლამაზია, დარწმუნებული ვარ, შენი გამოგონილია. დრო დამჭირდა იმისთვის, რომ საკუთარი ავტორობა მიმენიჭებინა...ტექსტი არ ჰქონდა, მას „Scrambled Eggs“-ს ვუწოდებდი.“[7] ორიგინალურ ვერსიაში ფრაზირება და მუსიკა ერთად ჟღერდა.

ფილმის „მიშველე!“ გადაღებისას ერთ-ერთ გადასაღებ მოედანზე იდგა პიანინო. მაკ-კარტნი ერთხელ მას მიუჯდა და სიმღერას დაუბრუნდა. რიჩარდ ლესტერისთვის თავდაპირველად ამის მოთმენა შეუძლებელი იყო - მან პოლს უბრძანა, დაესრულებინა სიმღერა, წინააღმდეგ შემთხვევაში კი იგი საკრავს პავილიონიდან მოაშორებდა.[8] ჯორჯ ჰარისონის მოთმინების ფიალაც აივსო - იგი ამბობდა: „სულ ამ სიმღერაზე საუბრობს. გეგონება, ბეთჰოვენი იყო ან ვინმე ეგეთი!“.[9]

მაკ-კარტნი თავდაპირველად ამბობდა, რომ „Yesterday“ The Beatles-ის 1964 წლის საფრანგეთის ტურნეს დროს დაწერა, თუმცა 1965 წლის ზაფხულამდე სიმღერა არ გამოცემულა. „Yesterday“-ს ოფიციალურ გამოსვლამდე A Hard Day's Night და Beatles for Sale გამოვიდა - და სიმღერა არც ერთ მათგანში არ შესულა, ამიტომ მკვლევარები ვარაუდობენ, რომ იგი დაუსრულებელი იყო. ვარაუდობენ, რომ სიმღერის ბოლომდე მიყვანა გადაიდო არანჟირების თაობაზე ჯორჯ მარტინის და პოლის უთანხმოების ან იმის გამო, რომ ჯგუფი თვლიდა, რომ იგი არ ჯდებოდა მათ საერთო სტილში.[6]

მოგვიანებით ლენონი ამბობდა:

„სანამ დავასრულებდით, სიმღერა უკვე თვეების განმავლობაში არსებობდა. ყოველთვის, როდესაც ვიკრიბებოდით ხმისჩამწერი სესიისთვის სიმღერების მოსამზადებლად, ესეც იქვე ტრიალებდა. თითქმის მზად იყო. იგი თითქმის მთლიანად პოლმა დაწერა, მაგრამ კარგი სახელწოდება ვერ შევურჩიეთ. „Scrambled Eggs“-ს ვუწოდებდით და ვხუმრობდით ამ თემაზე. ვიცოდით, რომ მას მხოლოდ ერთსიტყვიანი სახელწოდება მოერგებოდა, უბრალოდ კარგი ვერ ვიპოვეთ. ერთ დღეს კი, პოლმა გაიღვიძა და სიმღერაც და სახელწოდებაც მზად იყო. რაღაც მხრივ, ვწუხვარ, რომ ამდენს დავცინოდით“.[10]

მაკ-კარტნი ამბობდა, რომ ყოველივე მაშინ შეიცვალა, როდესაც 1965 წლის მაისში პორტუგალიაში იმყოფებოდა:

„მახსოვს, როგორ ვღიღინებდი მელოდიას და მოულოდნელად ეს სამსიტყვიანი შესავალი მოვიფიქრე. დავიწყე ამ იდეის განვითარება ...da-da da, yes-ter-day, sud-den-ly, fun-il-ly, mer-il-ly, შემდეგ Yes-ter-day, კარგი ჩანს. მარტივია ამ a-ების გარითმვა: say, nay, today, away, play, stay, ბევრი რითმი არის, რომელიც მარტივად ჯდება, ასე რომ, საბოლოოდ, ამ მოგზაურობის დროს შევადგინე. Sud-den-ly, შემდეგ ისევ b, კიდევ ერთი რითმი - e, me, tree, flea, we და ასე ჩამოყალიბდა საწყისი.“[11]

1965 წლის 27 მაისს მაკ-კარტნი და ეშერი ალბუფეირაში დასასვენებლად ჩავიდნენ. იქ პოლმა ბრიუს უელჩისგან (რომელსაც სტუმრობდნენ) ითხოვა აკუსტიკური გიტარა და დაასრულა მუშაობა „Yesterday“-ის კომპოზიციურ მხარეზე[12]. დემოვერსია კრის ფარლოუსაც მოასმენინეს, მაგრამ მან არ ისურვა საკუთარი ვერსიის ჩაწერა - მისი აზრით, იგი ზედმეტად „ნაზი“ ჩანდა.[13]

1967 წლის მარტში, ბრაიან მეთიუსთან ინტერვიუს დროს პოლმა აღნიშნა, რომ სწორედ ლენონმა მოიფიქრა სიტყვა, რომელიც „scrambled eggs“-ს ჩაანაცვლებდა - „Yesterday“.[14]

ბრაიანი: გვიამბეთ „Yesterday“-ს შექმნის ისტორია.

ჯონი: მოკლედ, მე ჯონი ვარ და გეუბნებით, ამის შესახებ არაფერი ვიცი. პოლი გიპასუხებთ.

პოლი (იცინის): მე პოლი ვარ. ყველაფერი მოხდა კორსიკაზე, ვილაში. ძველ გიტარაზე დაკვრისას გავიფიქრე „Scrambled Egg“. მაგრამ ვერა და ვერ დავასრულე და საბოლოოდ, უკან წავიღე. აღმოსავლური უძველესი სიბრძნის გამოყენებით, ჯონმა მოიფიქრა [მღერის] „Yesterday“.

მსგავსება სხვა სიმღერებთან

2001 წელს იენ ჰემონდმა ივარაუდა, რომ მაკ-კარტნიმ სიმღერა ქვეცნობიერად დაწერა რეი ჩარლზის მიერ შესრულებული ჰოგი კარმაიკლის „Georgia on My Mind“-ის შთაგონებით. თუმცა, სტატიის ბოლოს, იგი წერდა, რომ მიუხედავად მსგავსებებისას, „Yesterday“ არის „მთლიანად ორიგინალური და ინდივიდუალური [ნამუშევარი].“[10]

2003 წლის ივლისში ბრიტანელმა მუსიკის მკვლევარებმა აღმოაჩინეს „Yesterday“-ს და ნატ კინგ კოულის და ფრენკი ლეინის „Answer Me, My Love“-ს შორის რითმების მსგავსებები. მეორე შექმნილია გერჰარდ ვინკლერის და ფრედ რაუხის გერმანული სიმღერის „Mütterlein“ მიხედვით. 1953 წელს იგი იყო ლეინის #1 ჰიტი ბრიტანეთის ჩარტებში - როგორც „Answer Me, O Lord“. ამის გამო ვარაუდობენ, რომ სწორედ ამ სიმღერამ შთააგონა პოლი. თუმცა, მისმა პრეს-აგენტებმა უარყვეს მსგავსი ვარაუდები.[15]

კომპოზიცია და სტრუქტურა

მეტად მარტივი, მხოლოდ მაკ-კარტნის ვოკალის და Epiphone Texan-ის აკუსტიკურ გიტარაზე[16] შესრულებული „Yesterday“, პირველად ჯგუფის ისტორიაში სიმებიანი კვარტეტის გამოყენებით, შეიცავს რიტმით და მელოდიით ორ ერთმანეთისგან განსხვავებულ ნაწილს[17].

პირველი არის მელოდია, რომელიც მიჰყვება სტრიქონებს „Yesterday, all my troubles seemed so far away ...“. იგი იწყება F აკორდით (მესამე სიმის გარეშე) და გადადის Em7-ზე[18], რასაც მოჰყვება ჯერ A7, შემდეგ - D-მინორი.[19] ამ მხრივ, პირველი აკორდი ერთგვარი მატყუარაა. როგორც მუსიკათმცოდნე ალან უ. პოლაკი აღნიშნავს, პირველი აკორდის ჟღერადობა ხანმოკლეა და იგი პირდაპირ D-ზე გადადის.[19] იგი ხაზს უსვამს, რომ ეს განსხვავება არის კომპოზიციური მეთოდი (რომელსაც ლენონი და მაკ-კარტნი ხშირად იყენებდნენ), რასაც თავად „დაგვიანებულ დაკმაყოფილებას“ უწოდებს.[19]

მეორე სექცია („Why she had to go I don't know ...“) ოფიციალური ნოტების მიხედვით, პოლაკის თქმით, ნაკლებად არის სავსე მოულოდნელობებით. იწყება რა Em7-ით,[18] ჰარმონიული განვითარება სწრაფად გადადის A-მაჟორზე, D-მინორზე და (უფრო ახლოს F-თან) - B♭-ზე, შემდეგ კი კვლავ F-ს უბრუნდება და ბოლოს მაკ-კარტნი აფერხებს F-ს, რითაც სიმების ნაწილი უბრუნდება ამ აკორდს და პირველი სექციის მელოდიას. ამის შემდეგ ჟღერს ხანმოკლე ღიღინი.[19]

პოლაკი სიმღერის წყობას უწოდებს „შთამბეჭდავს“, ამბობს რა, რომ ეს არის მომენტი, „როდესაც ლენონმა და მაკ-კარტნიმ ალღო აუღეს სტილისტური ჰიბრიდების შექმნას“.[19] იგი, კერძოდ, აღფრთოვანებულია „ირონიული დაძაბულობით, რომელიც სუფევს კვარტეტის მიერ დაკრულ მეტად სენტიმენტალურს და უფრო მსუბუქ და შეზღუდულ გარემოს შორის, რომელშიც იგი სრულდება.“

სიმღერა ძირითადად F-ტონალობაში სრულდება (თუმცა, ვინაიდან პოლს უყვარდა გიტარის ერთი ტონით გადაწყობა, შესაბამისად, იგი მასზე ისე უკრავდა, თითქოს G-ში ყოფილიყო დაწერილი), შემდგე კი D-მინორზე გადადის. სწორედ მინორის ამ ხშირი და ii-V7-ის თანმიმდევრობის გამოყენებით (ამ შემთხვევაში - Em და A7) იქმნება მელანქოლიური გარემო. A7 მეორეხარისხოვანი, კერძოდ, V/vi აკორდის დომინირების მაგალითია. მისამღერის წინ G7 აკორდი ასევე დომინირებს, ამ შემთხვევაში, ეს არის V/V აკორდი, მაგრამ განსხვავებით მანამდე არსებულ მოსალოდნელ აკორდზე გადასვლისგან (სტროფში ეს არის A7-იდან Dm-ზე გადასვლა), მაკ-კარტნი მას მიჰყვება IV აკორდით, B♭-ით. ასეთი თანმიმდევრობით იქმნება ქრომატული რიგი C–B–B♭–A, რაც ტექსტს მიჰყვება.

სიმებიანების არანჟირება უფრო მეტად აძლიერებს სევდიან განწყობას. აქ აღსანიშნავია ჩელოზე შესრულებული პარტია, რომელიც აერთიანებს ორ ბრიჯს, განსაკუთრებით - „ბლუზურ“ მეშვიდეს მეორე ბრიჯზე გადასვლისას (E♭, რომელიც სრულდება ვოკალური ნაწილის „I don't know / she wouldn't say“ შემდეგ) და ალტის კლებად ნოტებში, რაც ბრიჯს ისევ ძირითად სტროფებთან აერთიანებს. მაკ-კარტნი მას ვოკალურად იმეორებს მეორე ბრიჯზე გადასვლისას.[20][19] ალტის ეს ხაზი; „ბლუზური“ ჩელოს ფრაზა; ხმამაღალი A, შეყოვნებული ვიოლინოთი ფინალურ სტროფზე და ვიბრატოს მინიმალური გამოყენება - ყველა ერთად შეადგენს სიმებიანების არანჟირებას, რომელიც უფრო სახასიათოა მაკ-კარტნისთვის და არა ჯორჯ მარტინისთვის.[21]

როდესაც სიმღერა შესრულდა The Ed Sullivan Show-ში, იგი სრულდებოდა F-ტონალობაში. მაკ-კარტნი იყო ჯგუფის ერთადერთი წევრი, რომელიც მას მსმენელების წინაშე უკრავდა. მას ეხმარებოდა სტუდიური ორკესტრი. თუმცა, 1965 და 1966 წლებში ჯგუფი სიმღერას G-ში ასრულებდა.

The Howard Stern Show-ში გამოსვლისას პოლმა ახსენა, რომ ფლობდა სიმღერის ორიგინალურ ტექსტს, რომელიც კონვერტის უკანა მხარეს დაწერა. მოგვიანებით მან შეასრულა ორიგინალური „Scrambled Eggs“ ჯიმი ფელონთან და The Roots-თან ერთად, გადაცემაში Late Night with Jimmy Fallon.[22] საკუთარი ვერსია აგრეთვე ოფიციალურად გამოიცა The Brittles-ის, პაროდიული ჯგუფის მიერ.

ჩაწერა

სიმღერა ჩაიწერა ები-როუდის სტუდიებში, 1965 წლის 14 ივნისს, „I'm Down“-ის დასრულების შემდეგ, პოლის 23-ე დაბადების დღემდე ოთხი დღით ადრე. არსებობს თარიღის შესახებ ურთიერთგამომრიცხავი ფაქტები. ყველაზე პოპულარული ვერსიით, მაკ-კარტნიმ ნომერი ჩაიწერა თავად, ჯგუფის სხვა წევრების გარეშე.[23] სხვა წყაროების თანახმად, მან და The Beatles-მა სხვადასხვა საკრავი მოსინჯეს, მათ შორის - დოლი და ორგანი. ამავე წყაროების თანახმად, ჯორჯ მარტინმა The Beatles-ის სხვა წევრებს სთხოვა, მაკ-კარტნისთვის საშუალება მიეცათ, Epiphone Texan-ის აკუსტიკურ გიტარაზე დაეკრა, მოგვიანებით კი სიმებიანი კვარტეტის ჩანაწერი დაამატა. განურჩევლად ამა თუ იმ თეორიისა, პოლის გარდა ჯგუფის არც ერთი წევრი არ უკრავდა.[24][25] ამასთან, საკონცერტო გამოსვლებისას, მას ერთად ასრულებდნენ და, თანაც - G-ტონალობაში, F-ის სანაცვლოდ.

1965 წლის 14 ივნისს მაკ-კარტნიმ „Yesterday“-ს ორი დუბლი დაუკრა.[26][27] დუბლი 2 უფრო მეტად მოეწონათ და სწორედ იგი გამოიყენეს, როგორც ძირითადი. 17 ივნისს პოლმა დამატებითი ვოკალური დუბლი ჩაწერა, ხოლო ორკესტრი დაემატა მეორე დუბლს და გამოიცა სწორედ ეს ვერსია.[27]

დუბლი 1, სიმებიანების გარეშე, მოგვიანებით გამოვიდა Anthology 2-ზე. ამ დუბლში ისმის, რომ მაკ-კარტნი ჰარისონს ესაუბრება აკორდების ცვლილებაზე და შემდეგ ასრულებს ნომერს. ჰარისონი თავად არ უკრავს, მაგრამ აშკარაა, რომ იგი სტუდიაში იმყოფებოდა, ვინაიდან მისი ხმა ჟღერს სესიურ ფირებზე. მეორე დუბლში, პირველისგან განსხვავებით ორი სტრიქონის თანმიმდევრობა შეცვლილია და ჟღერს „There's a shadow hanging over me"/"I'm not half the man I used to be“[28], თუმცა აშკარაა, რომ ამ დუბლში თანმიმდევრობა თავდაპირველად სწორი იყო, ვინაიდან პირველ დუბლში გაისმის პოლის სიცილი საკუთარი შეცდომის გამო.

2006 წელს, Love-ის გამოსვლამდე, ჯორჯ მარტინმა ისაუბრა სიმღერის ჩაწერის შესახებ[29]:

„პოლმა დაუკრა გიტარაზე და პირდაპირ იმღერა, ერთი მიკროფონით გიტარასთან, ერთით – ვოკალზე. მაგრამ, რა თქმა უნდა, ერთის ჟღერადობა მეორეში იჭრება და იწერება ორივე მიკროფონზე. ასე, რომ, იპარება. შემდეგ გადავწყვიტე სიმებიანი კვარტეტის დამატება. მუსიკოსებმა ყურსასმენებით დაკვრაზე უარი თქვეს, ამიტომ რეპროდუქტორებში პოლის ხმა და გიტარა ჩავურთე. ასე მოხდა, რომ მათ ჩანაწერზე პოლი და გიტარა ჟღერს“.

პერსონალი

მოცემულია მარკ ლუისონის[26] და იენ მაკდონალდის[30] თანახმად:

  • პოლ მაკ-კარტნი – წამყვანი ვოკალი, აკუსტიკური გიტარა
  • ტონი გილბერტი – ვიოლინო
  • სიდნი საქსი – ვიოლინო
  • კენეთ ესექსი – ალტი
  • პიტერ ჰელინგი/ფრანსისკო გაბარო – ჩელო
  • ჯორჯ მარტინი – პროდიუსერი
  • ნორმან სმითი – ხმის ინჟინერი

Love-ის ვერსია

ვოკალის გიტარის მიკროფონზე ჩაწერამ და, პირიქით, გიტარაზე დაკრულის ვოკალისთვის განკუთვნილ მიკროფონზე ასახვამ უფრო მეტი პრობლემა წარმოშვა, როდესაც სიმღერა ალბომისთვის Love მზადდებოდა როგორც მოცულობითი ჟღერადობის ჩანაწერი. გადაწყდა, რომ სიმღერას მაინც შეიტანდნენ. მარტინი ალბომის ანოტაციებში აღნიშნავს:[31]

„Yesterday“-ს ამ შოუში [Love] შეტანაზე აგონია წარმოიშვა. იმდენად ცნობილი სიმღერაა, თავისი დროის სიმბოლო, მაგრამ ძალიან დიდი რაოდენობით ხომ არ მოუსმენიათ? ორიგინალური სიმებიანი ორკესტრის დამატების ამბავი ცნობილია, მაგრამ ცოტამ თუ იცის, რამდენად შეზღუდულები ვიყავით ტექნიკურად, ასე, რომ სიმღერის არშეტანის შანსი დიდი იყო, მაგრამ ასეთ შესანიშნავ ნამუშევარს როგორ გამოვტოვებდით? ჯერ იწყება პოლის გიტარით „Blackbird“-იდან. ახლა ვისმენ და ვხვდები, რომ მისი შეტანა სწორი ნაბიჯი იყო. იმდენად პირდაპირი სიმარტივეა, რომ გულის ყველა სიმს ეხება.

გამოცემა

აშშ-ში გამოცემიდან 11 წლის შემდეგ EMI-მ „Yesterday“ ბრიტანეთში სინგლზე გამოუშვა.

სიმღერის გამოცემის გამო დავის შესახებ მარტინი ამბობდა:

[Yesterday] ნამდვილად არ იყო The Beatles-ის ჩანაწერი. ბრაიან ეპსტაინს ვესაუბრე ამის შესახებ: „ხომ იცი, ეს არის პოლის სიმღერა ... იქნებ უბრალოდ პოლ მაკ-კარტნი ვუწოდოთოთ. მითხრა: „არა, რა არ უნდა მოხდეს, Beatles-ს ცალ-ცალკე არ ვუთითებთ“.“[32]

ვინაიდან სიმღერა The Beatles-ის სხვა ნაშრომებს არ ჰგავდა და, ასე თუ ისე, სოლოჩანაწერი იყო, ჯგუფმა მისი ბრიტანეთში სინგლზე გამოცემისგან თავი შეიკავა. მიუხედავად ამისა, მეტ მონრომ საკუთარი ვარიანტი ჩაწერა, რომელიც იყო პირველი „Yesterday“-ს შემდგომში უამრავი ინტერპრეტაციიდან. სინგლი 1965 წლის შემოდგომაზე მოხვდა ბრიტანეთის ათეულში.[25]

ამასთან, The Beatles-ის გავლენა ამერიკულ ლეიბლ Capitol-ზე არ იყო ისეთივე დიდი, როგორც ბრიტანეთში EMI-ს Parlophone-ზე. სინგლი 1965 წლის 13 სექტემბერს გამოიცა აშშ-ში, b-მხარეზე „Act Naturally“-ს (რინგო სტარის ვოკალით) დამატებით[33]. იგი Billboard Hot 100-ის პირველ პოზიციაზე 9 ოქტომბრიდან მოყოლებული ოთხი კვირის განმავლობაში დარჩა. ჩარტში სიმღერა სულ 11 კვირის განმავლობაში იმყოფებოდა და პირველ ხუთ კვირაში მილიონი ასლის სახით გაიყიდა.[34] იმავე წელს სინგლი აგრეთვე იყო #1 სამი კვირის განმავლობაში, ამჯერად - აშშ-ის Cash Box-ის პოპულარული სინგლების ჩარტში.

„Yesterday“ აღსანიშნავია, როგორც ჯგუფისთვის აშშ-ში ზედიზედ გამოცემული #1 სინგლებიდან რიგით მეხუთე, რაც იმ დროისთვის რეკორდული მაჩვენებელი იყო[35]. წინა სინგლები იყო „I Feel Fine“, „Eight Days a Week“, „Ticket to Ride“, „Help!“ და „We Can Work It Out“[36]. „Yesterday“-ს შემდეგ შეიცვალა მდგომარეობა იმ მხრივ, თუ ვინ წერდა ჯგუფისთვის სიმღერებს, რომლებმაც შემდგომში ჩარტში პირველი ადგილები დაიკავეს. „Help!“-ამდე ლენონმა ასეთი სულ ხუთი მოამზადა, ხოლო „Yesterday“-თი დაწყებული, პოლმა რვა შექმნა.

1966 წლის 4 მარტს „Yesterday“ ბრიტანეთში გამოვიდა EP-ის სახით. A-მხარეზე აგრეთვე იყო „Act Naturally“ ხოლო B-მხარეზე – „You Like Me Too Much“ და „It's Only Love“. 12 მარტისთვის EP ჩარტში მოხვდა. 26 მარტს იგი #1 იყო და ეს პოზიცია ორი თვის განმავლობაში ეკავა.[34] იმავე წელს „Yesterday“ შევიდა მხოლოდ აშშ-ში გამოსულ Yesterday and Today-ში (ორიგინალურ გარეკანზე გამოტანილი იყო ჯგუფის წევრების ფოტოსურათი, რომელზეც ისინი ყასბებს განასახიერებდნენ).

„Yesterday“/„Act Naturally“ Apple Records-ზე აგრეთვე 1971 წელს გამოიცა - ამრიგად, პირველს A-მხარე ეკავა, მეორეს - B-მხარე, რაც განსხვავდებოდა ორიგინალური, 1965 წლის ვერსიისგან, რომელზეც რინგოს სიმღერა A-ზე იყო, რაც Capitol-ის დოკუმენტებში სწორედ ასე არის აღნიშნული.

ათი წლის შემდეგ, 1976 წლის 8 მარტს, „Yesterday“ Parlophone-მა ბრიტანეთში სინგლზე გამოუშვა, „I Should Have Known Better“-ით b-მხარეზე. იგი 13 მარტს ჩარტში შევიდა და შვიდი კვირის განმავლობაში იმყოფებოდა. სინგლის მაქსიმალური პოზიცია #8 იყო (თუმცა, თავად სიმღერა ამ დროისთვის სულ მცირე, ხუთეულებში შესულ სამ ალბომზე იყო წარმოდგენილი და EP-ზეც, რომელიც ჩარტის სათავეებს იკავებდა). ეს გამოცემა გამოჩნდა EMI-სთან, Parlophone-ის მფლობელთან კონტრაქტის ამოწურვის შემდეგ. ამრიგად, EMI-ს უფლება ჰქონდა, ჯგუფის ჩანაწერები ხელახლა გამოეცათ, შეუზღუდავი რაოდენობით. მან ერთ დღეს გამოუშვა 22 სინგლი, „Yesterday“-ს ჩათვლით. ამას მოჰყვა ექვსის ბრიტანეთის ჩარტში მოხვედრა.[34]

2006 წელს სიმღერის ვერსია შევიდა Love-ში. იგი იწყება აკუსტიკური გიტარით სიმღერიდან „Blackbird“, თუმცა, შემდეგ თავად „Yesterday“ ჟღერს, მაგრამ – ერთი ტონით დაბლა, F-მაჟორში.

გამოხმაურება

„Yesterday“ პოპულარული მუსიკის ისტორიაში ერთ-ერთი ყველაზე ხშირად ინტერპრეტირებული სიმღერაა. „გინესის მსოფლიო რეკორდებში“ მითითებულია, რომ 1986 წლის იანვრისთვის არსებობდა მისი 1600-ზე მეტი ვერსია[2] მას შემდეგ, რაც 1990-იანებში რადიოსადგურების ნაწილი გადავიდა კომერციულ ჩანაწერებზე აგებულ გადაცემებზე, არქივში დაგროვდა სიმღერის 500-მდე ვარიანტი[37].

„Yesterday“ აივორ ნოველოს ორი ჯილდოს მფლობელია – 1965 წლის გამორჩეული სიმღერისთვის და წლის ყველაზე ხშირად შესრულებული სიმღერისთვის (მას კონკურენციას კვლავ ლენონის და მაკ-კარტნის „Michelle“ უწევდა). წლების შემდეგ სიმღერა ასევე აღიარებული იქნა სხვადასხვა გამოცემის თუ ავტორის მიერ. Rolling Stone-ის სიაში „ყველა დროის 500 საუკეთესო სიმღერა“ (2004) მან #13 ადგილი დაიკავა[38] და მეოთხე - ამავე გამოცემის „The Beatles-ის 100 უდიდეს სიმღერაში“ (2010).[39][40] 1999 წელს Broadcast Music Incorporated-მა (BMI) „Yesterday“ დაასახელა ამერიკულ რადიოეთერსა და ტელევიზიაში ყველაზე ხშირად შესრულებული სიმღერების სიის მესამე ადგილზე - დაახლოებით შვიდი მილიონი შესრულებით. „Yesterday“-ს წინ მხოლოდ The Association-ის „Never My Love“ და The Righteous Brothers-ის „You've Lost That Lovin' Feelin'“ უსწრებდნენ.[41] 1999 წელს, BBC Radio 2-ის გამოკითხვაში მან ადგილი მეოცე საუკუნის საუკეთესო სიმღერის სათავეში დაიკავა.[42]

სიმღერა 1997 წელს შეიტანეს გრემის დიდების დარბაზში. მიუხედავად იმისა, რომ 1966 იგი იყო ნომინირებული გრემიზე, როგორც წლის სიმღერა, გაიმარჯვა ტონი ბენეტის „The Shadow of Your Smile“-მა[43][44]

ერთ-ერთ ინტერვიუში ჩაკ ბერიმ, მაკ-კარტნისადმი პატივისცემის ნიშნად ახსენა, რომ ისურვებდა, „Yesterday“ მის მიერ დაწერილიყო.[45] თუმცა, გარდა დადებითი შეფასებებისა, სიმღერას უარყოფითიც ხვდა წილად. მაგალითად, ზოგიერთი მას „საზიზღარსაც“ უწოდებდა. თავისი უარყოფითი პოზიცია ბობ დილანმაც დააფიქსირა: „...აბა, შედით კონგრესის ბიბლიოთეკაში და მასზე ბევრად უკეთესს იპოვით. არის მილიონობით სიმღერა, „Michelle“-ის და „Yesterday“-ს მსგავსი, დაწერილი ამერიკაში“. ამასთან, „Yesterday“-ს საკუთარი ვერსია დილანმა ამ ინტერვიუდან სულ ოთხი წლის შემდეგ ჩაწერა - მაგრამ ვერსია ოფიციალურად არ გამოცემულა.[24]

1980 წელს, გარდაცვალებამდე მცირე ხნით ადრე, ლენონი ამბობდა: „მართალია, ტექსტი უაზროა, მაინც კარგია. მაინც უხდება, გესმით? კარგია, ოღონდ, თუკი მთელ სიმღერას გადახედავთ, აზრს კარგავს“. იგი აგრეთვე ამბობდა: „...მშვენიერია და არასოდეს მქონია სურვილი, მე ვყოფილიყავი მისი ავტორი“.[46] საკუთარ სიმღერაში „How Do You Sleep?“, ალბომიდან Imagine იგი „Yesterday“-ს სიტყვების თამაშით ახსენებს, როდესაც მაკ-კარტნის სარკაზმით მიმართავს: „The only thing you done was yesterday, but since you've gone you're just another day“ (ქართ. შენი ერთადერთი კარგი რამ გუშინ გააკეთე, მაგრამ აღარ ხარ და მხოლოდ მორიგი დღე ხარ) - აქ იგი აგრეთვე უთითებს თავად პოლის სოლოსიმღერაზე „Another Day“.

2012 წელს BBC-მ გამოაცხადა, რომ „Yesterday“ კვლავ იყო ყველა დროის ყველაზე წარმატებული სიმღერების სიაში მეოთხე - მისი გაყიდვიდან შემოსავლების მხრივ, რაც 19.5 მილიონ გირვანქა სტერლინგს აღემატებოდა[47]

საკონცერტო ვერსიები

პოლი სიმღერას საკუთარ კონცერტებზე ასრულებდა Wings-ის Wings Over the World-იდან მოყოლებული. საკონცერტო ვერსიები შესულია ალბომებში Wings over America, Tripping the Live Fantastic, Back in the U.S., Back in the World Live, Good Evening New York City და ვიდეოში Paul Is Live. მაკ-კარტნი სიმღერას ასრულებდა სხვა კონცერტებზეც.

გრემის 2006 წლის დაჯილდოებაზე პოლმა „Yesterday“ შეასრულა ლინკინ პარკთან და ჯეი-ზისთან ერთად, სიმღერასთან „Numb/Encore“ აღრევით.

ჩარტები და სერტიფიცირებები

შენიშვნები

  1. ↑ „გინესის მსოფლიო რეკორდებმა“ ერთ დროს დაასახელეს, რომ არსებობდა „Yesterday“-ს 2200-ზე მეტი ვერსია. თუმცა, „Summertime“, არია, ჯორჯ გერშვინის მიერ დაწერილი ოპერიდან „პორგი და ბესი“ სინამდვილეში არსებობს 30 000 სხვადასხვა ინტერპრეტაციის სახით - 1600-ჯერ მეტი, ვიდრე „Yesterday“.[3]

რესურსები ინტერნეტში

ლიტერატურა

სქოლიო

  1. ↑ ჰოლი 1965, p. 40.
  2. ↑ 2.0 2.1 Guinness World Records 2009.
  3. ↑ The Summertime Connection. დაარქივებულია ორიგინალიდან — 2011-09-07. ციტირების თარიღი: 31 აგვისტო 2011.
  4. ↑ BMI Announces Top 100 Songs of the Century. BMI (დეკემბერი 13, 1999). ციტირების თარიღი: ივნისი 26, 2016.
  5. ↑ ტერნერი 2005, p. 83.
  6. ↑ 6.0 6.1 6.2 კროსი 2005, pp. 464–465.
  7. ↑ მაილზი 1997, pp. 201–202.
  8. ↑ მაილზი 1997, p. 203.
  9. ↑ კოულმენი 1995, p. 11.
  10. ↑ 10.0 10.1 Hammond 2001.
  11. ↑ მაილზი 1997, p. 204.
  12. ↑ მაილზი 1997, pp. 204–205.
  13. ↑ ნეიპირ-ბელი 2001, p. 100.
  14. ↑ ჰაულეტი, კევინ (2013). The Beatles: The BBC Archives: 1962–1970. Harper Design. ISBN 0-06-228853-9. 
  15. ↑ BBC News 2003.
  16. ↑ ევერეტი 1999, p. 12.
  17. ↑ ევერეტი 1999, p. 15.
  18. ↑ 18.0 18.1 პოლაკი მას უწოდებს უბრალოდ E-ს, მაგრამ გამოქვეყნებულ ნოტებში Em7 წერია.
  19. ↑ 19.0 19.1 19.2 19.3 19.4 19.5 Pollack 1993.
  20. ↑ კეჰილი 2005, p. 162.
  21. ↑ რეი კოლმენი, McCartney: Yesterday & Today, 'A String Quartet' http://www.wingspan.ru/bookseng/coleman/coleman03.html
  22. ↑ Paul McCartney sings "Scrambled Eggs" (the original "Yesterday") დაარქივებული 26 December 2010 საიტზე Wayback Machine.
  23. ↑ ორტიზი 2005.
  24. ↑ 24.0 24.1 მალიკი 2000.
  25. ↑ 25.0 25.1 უნტერბერგერი 2006.
  26. ↑ 26.0 26.1 ლუისონი 1994, p. 10.
  27. ↑ 27.0 27.1 ლუისონი 1988, p. 59.
  28. ↑ The Beatles 2000, pp. 2–10.
  29. ↑ რისი 2006.
  30. ↑ მაკდონალდი 2008, p. 157.
  31. ↑ Love-ის ანოტაციები, Apple/Parlophone 094638078920.
  32. ↑ The Beatles 2000, p. 175.
  33. ↑ უოლგრენი 1982, p. 43.
  34. ↑ 34.0 34.1 34.2 კროსი 2004. sfn error: multiple targets (2×): CITEREFკროსი2004 (help)
  35. ↑ Billboard Magazine – Buy Mag – Billboards Charts – Top 10 20 40 100 Music Chart – Singles – Albums. Music.us. დაარქივებულია ორიგინალიდან — 7 თებერვალი 2012. ციტირების თარიღი: 9 იანვარი 2012.
  36. ↑ უოლგრენი 1982, pp. 38–45.
  37. ↑ ოუენი 2006.
  38. ↑ Rolling Stone 2007.
  39. ↑ Rolling Stone 2010.
  40. ↑ 4. Yesterday. 100 Greatest Beatles Songs. Rolling Stone. ციტირების თარიღი: 21 მაისი 2013.
  41. ↑ BMI 2007.
  42. ↑ BBC News 1999.
  43. ↑ GRAMMY Hall of Fame. დაარქივებულია ორიგინალიდან — 22 იანვარი 2011. ციტირების თარიღი: 27 იანვარი 2014.
  44. ↑ The Beatles. Grammy.com. ციტირების თარიღი: 27 იანვარი 2014.
  45. ↑ FOX 2 Exclusive: An Interview With Chuck Berry. ციტირების თარიღი: 28 დეკემბერი 2013.
  46. ↑ შეფი, დევიდ (1981) The Playboy Interviews with John Lennon and Yoko Ono გვ. 118
  47. ↑ The Richest Songs in the World, BBC Four, review
  48. ↑ 48.0 48.1 კენტი, დევიდ (2005). Australian Chart Book (1940–1969). ტურამურა: Australian Chart Book. ISBN 0-646-44439-5. 
  49. ↑ "Austriancharts.at – The Beatles – Yesterday" (გერმანულად). Ö3 Austria Top 40. წაკითხვის თარიღი: 16 მაისი 2016.
  50. ↑ "Ultratop.be – The Beatles – Yesterday" (ჰოლანდიურად). Ultratop 50. წაკითხვის თარიღი: 16 მაისი 2016.
  51. ↑ 51.0 51.1 "Dutchcharts.nl – The Beatles – Yesterday" (ჰოლანდიურად). Single Top 100. წაკითხვის თარიღი: 16 მაისი 2016.
  52. ↑ "Norwegiancharts.com – The Beatles – Yesterday". VG-lista. წაკითხვის თარიღი: 16 მაისი 2016.
  53. ↑ "The Beatles – Chart history" Billboard Hot 100 - The Beatles. წაკითხვის თარიღი: 16 მაისი 2016.
  54. ↑ ჰოფმანი, ფრენკ (1983). The Cash Box Singles Charts, 1950-1981. მეტაჩენი, ნიუ-ჯერსი; ლონდონი: The Scarecrow Press, Inc, გვ. 32–34. 
  55. ↑ Offizielle Deutsche Charts გერმანულად (Enter "Beatles" in the search box). GfK Entertainment Charts. ციტირების თარიღი: 16 მაისი 2016.
  56. ↑ "The Irish Charts – Search Results – Yesterday". Irish Singles Chart. წაკითხვის თარიღი: 16 მაისი 2016.
  57. ↑ "Archive Chart: 1976-04-03" ბრიტანეთის სინგლების ჩარტი. წაკითხვის თარიღი: 16 მაისი 2016.
  58. ↑ "Spanishcharts.com – The Beatles – Yesterday" Canciones Top 50. წაკითხვის თარიღი: 17 მაისი 2016.
  59. ↑ "Listy bestsellerów, wyróżnienia :: Związek Producentów Audio-Video". Polish Airplay Top 100. წაკითხვის თარიღი: 10 დეკემბერი 2011.
  60. ↑ American single certifications – The Beatles – Yesterday. ამერიკის ხმისჩამწერი კომპანიების ასოციაცია. საჭიროების შემთხვევაში, უნდა აირჩიოთ Advanced, შემდეგ Format, შემდეგ Single, და ბოლოს - SEARCH
ხ • გ • რ
სიმღერები
მხარე 1
მხარე 2
სიმღერები ალბომის გარეშე
გამოუყენებელი სიმღერები
EP-ები
ტურნეები
დაკავშირებული სტატიები
ხ • გ • რ
ისტორია
კონცერტები
დაკავშირებული
ადგილები
კომპანიები
შთაგონება
სიები
სხვა მედიაში
სხვა თემები

Read other articles:

UFC Fight Night: Joanna vs. Waterson

UFC Fight Night: Joanna vs. Waterson Detalhes Promoção Ultimate Fighting Championship Data 02019-10-12 12 de outubro de 2019 Local Amalie Arena Cidade Tampa, Flórida Público 10.597 Cronologia UFC 243: Whittaker vs. Adesanya UFC Fight Night: Joanna vs. Waterson UFC on ESPN: Reyes vs. Weidman UFC Fight Night: Joanna vs. Waterson (também conhecido como UFC Fight Night 161 ou UFC on ESPN+ 19) foi um evento de MMA produzido pelo Ultimate Fighting Championship no dia 12 de outubro de 2019, na ...

 

Fertility and religion

Demeter, the greek goddess of fertility Fertility was often mentioned in many mythological tales. In mythology, fertility deities exist in different belief systems or religions. Fertility deities A fertility deity is a god or goddess in mythology associated with fertility, pregnancy, and birth. In some cases these deities are directly associated with sex, and in others they simply embody related attributes. Fertility rites Main article: Fertility rite Sao Goncalo Pastries. Erotic pastry from ...

 

Степан Решетило

о. Степан Решетило, ЧСВВ Ім'я при народженні СеменНародився 26 січня 1889(1889-01-26)Угнів, Австро-УгорщинаПомер 26 грудня 1950(1950-12-26) (61 рік)Досон, Фаєтт, Пенсільванія, СШАПоховання Український цвинтар святого МиколаяДіяльність священик-василіянинВідомий завдяки церковний діяч, п...

MRF (perusahaan)

Artikel ini sebatang kara, artinya tidak ada artikel lain yang memiliki pranala balik ke halaman ini.Bantulah menambah pranala ke artikel ini dari artikel yang berhubungan atau coba peralatan pencari pranala.Tag ini diberikan pada Oktober 2022. MRF LimitedJenisPublikKode emitenBSE: 500290NSE: MRFISININE883A01011IndustriBanDidirikanTiruvottiyur, Madras, Tamil Nadu, India (1946; 76 tahun lalu (1946))PendiriK. M. Mammen MappillaiKantorpusatChennai, Tamil Nadu, IndiaWilayah operasiWorld...

 

العلاقات السورية الناميبية

العلاقات السورية الناميبية سوريا ناميبيا   سوريا   ناميبيا تعديل مصدري - تعديل   العلاقات السورية الناميبية هي العلاقات الثنائية التي تجمع بين سوريا وناميبيا.[1][2][3][4][5] مقارنة بين البلدين هذه مقارنة عامة ومرجعية للدولتين: وجه المقارنة سوري...

 

Political symbolism

This article needs additional citations for verification. Please help improve this article by adding citations to reliable sources. Unsourced material may be challenged and removed.Find sources: Political symbolism – news · newspapers · books · scholar · JSTOR (January 2021) (Learn how and when to remove this template message) Circle-A, associated with anarchism. Political symbolism is symbolism that is used to represent a political standpoint or party...

Bira Station

This article does not cite any sources. Please help improve this article by adding citations to reliable sources. Unsourced material may be challenged and removed.Find sources: Bira Station – news · newspapers · books · scholar · JSTOR (October 2011) (Learn how and when to remove this template message) Bira Station比良駅Station site in 2017General informationLocationAnamizu, Hōsu District, Ishikawa Prefecture JapanOperated byNoto RailwayLine(s...

 

Olak Kemang, Danau Teluk, Jambi

Olak KemangKelurahanPuskesmas Olak KemangNegara IndonesiaProvinsiJambiKotaJambiKecamatanDanau TelukKodepos36262Kode Kemendagri15.71.06.1003 Kode BPS1571060004 Luas6.83 Km2Jumlah penduduk4.649 JiwaKepadatan681 Jiwa/Km2Jumlah RT13 RT Olak Kemang adalah kelurahan di Kecamatan Danau Teluk, Kota Jambi, Provinsi Jambi, Indonesia. Sejarah Singkat Asal Usul Nama Olak Kemang berasal dari bahasa Melayu. Olak berarti Pusaran Air, dan Kemang adalah nama pohon yang tumbuh di wilayah tersebut. Sehingg...

 

الشبكات الصناعية الخاصة

هذه المقالة يتيمة إذ تصل إليها مقالات أخرى قليلة جدًا. فضلًا، ساعد بإضافة وصلة إليها في مقالات متعلقة بها. (أبريل 2010) الشبكات الصناعية الخاصة الشبكات الصناعية الخاصة (تدعى أحيانا التبادل التجاري الخاص أو PTXs وهو يعتبر الواجهة التجارية للشركة على العالم الخارجي عن طريق الإنت...

Network Rail

State-owned company that manages rail infrastructure in Great Britain Not to be confused with National Rail. Network Rail LimitedTypeGovernment-owned company/non-departmental public body[1](incorporated as a private company limited by guarantee without share capital)IndustryRail infrastructure and asset managementPredecessorRailtrackFoundedOctober 2002; 21 years ago (2002-10)SuccessorGreat British Railways (from 2024)Headquarters1 Eversholt Street London NW1 2DN...

 

Star Hero

Tabletop role-playing game Star HeroCover of Star Hero for Hero System fifth editionDesignersJames Cambias, Steve LongPublishersHero GamesPublication1989, 2002, 2011GenresScience fictionSystemsHero System Star Hero is a science fiction role-playing game published by Hero Games and Iron Crown Enterprises (ICE) in 1989. The game uses the Hero System rules also used in other Hero Games publications such as Champions and Danger International. Description Players take on the role of space adventur...

 

Peter, Sue and Marc

This biography of a living person needs additional citations for verification. Please help by adding reliable sources. Contentious material about living persons that is unsourced or poorly sourced must be removed immediately from the article and its talk page, especially if potentially libelous.Find sources: Peter, Sue and Marc – news · newspapers · books · scholar · JSTOR (June 2011) (Learn how and when to remove this template message) 1970s Swiss mus...

Jalak Harupat Stadium

Stadium in Bandung, West Java, Indonesia Stadion Si Jalak HarupatLocationSoreang, Bandung Regency, West Java, IndonesiaCoordinates6°59′47″S 107°31′47″E / 6.99639°S 107.52972°E / -6.99639; 107.52972OwnerGovernment of Bandung RegencyCapacity27,000SurfaceManila grassConstructionOpened26 April 2005Renovated2009, 2020–2023TenantsPersikab Kabupaten Bandung (2005–present)Persib Bandung (2009–present)Pelita Bandung Raya (2012–2015)PSKC Cimahi (2022–presen...

 

Brown Canyon

Brown Canyon Di Indonesia, Brown Canyon adalah sebuah bekas penambangan tanah di Meteseh, Tembalang, Semarang.[1][2] Lokasi ini menjadi salah satu lokasi (bukan tempat wisata) yang populer di Semarang dan dianggap mirip dengan Grand Canyon di Amerika Serikat. Kemiripan ini terletak pada bukit-bukit yang berubah menjadi tebing-tebing curam.[3] Referensi ^ Brown Canyon Semarang, Destinasi Baru dengan Panorama Memukau. MerahPutih News. Diakses tanggal 8 Desember 2016....

 

Kabupaten Toba

Untuk kegunaan lain, lihat Toba. Kabupaten Toba Toba Samosir (Tobasa)KabupatenTranskripsi bahasa daerah • Surat Batak TobaᯖᯬᯅDanau Toba dari Dolok Tolong, Tampahan LambangMotto: Tampakna do rantosna, rimni tahi do gogona(Batak Toba) Dengan persatuan dan kesatuan serta rasa kebersamaan untuk saling membantu dan bekerja sama, apa pun yang diharapkan akan dapat dicapai[1]PetaKabupaten TobaPetaTampilkan peta SumatraKabupaten TobaKabupaten Toba (Indonesia)Tampil...

Rehab (band)

This article is about the American rap rock group. For the Dutch-Moroccan DJ, see R3hab. American band RehabThe duo most known for being Rehab. Brooks Buford on the left and Danny Boone on the rightBackground informationOriginWarner Robins, Georgia, U.S.Genres Southern hip hop[1] rap metal[1] country rap nu metal Years active 1998–2002 2005–2014 2017–present Labels Epic Rehab/Atticasound Universal Republic Average Joe's Entertainment BooneBox Records ONErpm Members Danny...

 

Robert Fowler (diplomat)

Canadian diplomat Robert Fowler Robert R. Fowler OC (born 18 August 1944[1]) is a Canadian diplomat and was the special envoy of UN Secretary-General Ban Ki-moon to Niger from mid-2008 to 2009, to find a solution to the conflict in Agadez region.[2] On 14 December 2008 he was reported missing and was last seen about 45 kilometres (28 mi) northwest of the capital Niamey.[3][4] Fowler was, along with several Westerners, eventually freed on 21 April 2009.[...

 

Jimmy Scott

Questa voce sull'argomento cantanti statunitensi è solo un abbozzo. Contribuisci a migliorarla secondo le convenzioni di Wikipedia. Segui i suggerimenti del progetto di riferimento. Jimmy ScottJimmy e Jeanie Scott nel 2004 Nazionalità Stati Uniti GenereJazz Periodo di attività musicale1945 – 2014 Strumentovoce EtichettaSavoy, Decca, Roost, Regal, Tangerine, King, Atlantic, J's Way, Sire, Warner Bros., Artists Only, Milestone, Venus Sito ufficiale Modifica dat...

Patrick Space Force Base

U.S. Space Force base near Cocoa Beach, Florida Patrick Space Force BaseNear Cocoa Beach, Florida in the United StatesHC-130 Hercules of the 920th Rescue Wing based at Patrick SFBEmblem of Space Launch Delta 45Patrick SFBShow map of FloridaPatrick SFBShow map of the United StatesPatrick SFBShow map of North AtlanticCoordinates28°14′06″N 80°36′36″W / 28.23500°N 80.61000°W / 28.23500; -80.61000TypeUS Space Force BaseSite informationOwnerDepartment of Def...

 

Latihan anaerobik

Latihan kekuatan termasuk dalam latihan anaerobik Seorang model sedang memperagakan latihan beban Latihan anaerobik adalah jenis latihan fisik yang memecah glukosa dalam tubuh tanpa menggunakan oksigen; anaerobik berarti “tanpa oksigen”.[1] Secara praktis, latihan anaerobik lebih intens, tetapi durasinya lebih pendek dibandingkan latihan aerobik.[2] Latihan ini dapat dilakukan oleh pemula yang baru memulai olahraga dalam 2-3 kali tiap seminggu dengan durasi waktu 5-10 meni...

 

Strategi Solo vs Squad di Free Fire: Cara Menang Mudah!