ნუკატლის ქედი (რუს. Хребет Нукатль) — ქედი რუსეთში, დაღესტანში. აღმოსავლეთ კავკასიონის შემადგენლობაში. მდინარეების ავარიის ყოისუსა და ყარაყოისუს აუზების წყალგამყოფი.[1] სიგრძე დაახლოებით 50 კილომეტრი. მაქსიმალური სიმაღლე 3932 მ (მთა ბუტნუშუერი). მაღალი მთებია: ტერმირგოხი (3925 მ), ოცორლაკი (3915 მ) და ნუკატლი (3903 მ). გეოლოგიურ აგებულებაში მონაწილეობენ უმეტესად კირქვები. 1950-იანი წლების შუა ხანებში ქედზე 30 მყინვარი იყო.[2] სამხრეთ კალთებზე ჭარბობს გვალვაგამძლე ნახევრადბუჩქნარები და ბალახოვანი ქსეროფიტები. ჩრდილოეთ კალთებზე არის მთის სტეპები და მდელოები, რომლებიც თანდათანობით სუბალპურ მდელოებში გადადიან.[1]
სქოლიო
