Շոն Քոնների

Շոն Քոնների անգլ.՝ Sean Connery
Ծնվել է	օգոստոսի 25, 1930(1930-08-25)[1][2][2]^[…]
Ծննդավայր	Fountainbridge, Էդինբուրգ, Միացյալ Թագավորություն[3][4]
Մահացել է	հոկտեմբերի 31, 2020(2020-10-31)[5][6][7]^[…] (90 տարեկան)
Մահվան վայր	Lyford Cay, Նասաու, Բահամյան Կղզիներ[8]
Կրթություն	Tollcross Primary School?
Քաղաքացիություն	Միացյալ Թագավորություն
Կրոն	կաթոլիկություն
Մասնագիտություն	կինոդերասան, բնավորության դերասան, դերասան, կինոպրոդյուսեր, թատրոնի դերասան, սցենարիստ, հեռուստատեսային դերասան, հնչյունավորող, milkman, ֆուտբոլիստ և կինոռեժիսոր
Աշխատավայր	St. Cuthbert's Co-operative Society?[9]
Ծնողներ	հայր՝ Joseph Connery?[10], մայր՝ Euphemia McLean?[10]
Ամուսին(ներ)	Դայան Սիլենտո և Micheline Roquebrune?
Երեխա(ներ)	Ջեյսոն Քոների
Պարգևներ և մրցանակներ	[13] [11] Henrietta Award Լոնդոնի կինոքննադատների խմբակի մրցանակ տարվա լավագույն դերասանի համար Ամերիկյան կինոքննադատների ազգային խորհրդի մրցանակ երկրորդ պլանի տղամարդու լավագույն դերակատարման համար German Film Award for Best Actor? Kansas City Film Critics Circle Award for Best Supporting Actor? Լավագույն դերասանի ԲԱՖՏԱ մրցանակ Ոսկե Գլոբուս մրցանակ երկրորդ պլանի լավագույն դերասանի համար - կինոֆիլմ «Ոսկե գլոբուս» Սեսիլիա Բ․ Դե Միլի մրցանակ MTV Movie Award լավագույն դերասանական կազմի համար BAFTA Academy Fellowship Award «Ջեյմսոն ժողովրդի ընտրություն» եվրոպական կինոմրցանակ տղամարդու լավագույն դերակատարման համար [12] Եվրոպական ֆիլմի ակադեմիայի մրցանակ [14] AFI կյանքի նվաճումներ մրցանակ Սենթ Էնդրյուի համալսարանի պատվավոր դոկտոր և
seanconnery.com

Սըր Թոմաս Շոն Քոնների (անգլ.՝ Thomas Sean Connery, օգոստոսի 25, 1930(1930-08-25)^{[1][2][2][…]}, Fountainbridge, Էդինբուրգ, Միացյալ Թագավորություն^[3][4] - հոկտեմբերի 31, 2020(2020-10-31)^{[5][6][7][…]}, Lyford Cay, Նասաու, Բահամյան Կղզիներ^[8]), շոտլանդացի կինոդերասան։ ԱՄՆ-ի, Մեծ Բրիտանիայի, Ֆրանսիայի և մի շարք այլ երկրների պետական պարգևների դափնեկիր է։

Հատկապես հայտնի է որպես Ջեյմս Բոնդի մասին պատմող ֆիլմաշարի առաջին դերասան։ Կինոյում խաղացել է գերազանցապես դրական կերպարների։ Նրա հերոսները արագաշարժ, ճարպիկ, ուժեղ ու հնարամիտ անձինք են՝ գաղտնի գործակալներ, լրտեսներ, զինվորականներ, թագավորներ և այլն։

Կենսագրություն

Ծնողներ

Շոն Քոններին ծնվել է 1930 թվականի օգոստոսի 25-ին Շոտլանդիայի Էդինբուրգ քաղաքում։ Հայրը՝ Ջոզեֆ Քոններին, բանվոր էր, իսկ մայրը՝ Էֆեմիի Մակլինը, հավաքարարուհի^[15]։ Նրան պապի անունով կոչեցին Թոմաս։ Քոներիի ընտրած առաջին մասնագիտությունը կաթնագործի մասնագիտությունն էր^[16]։ Դրանից հետո ծառայության է անցել Մեծ Բրիտանիայի Թագավորական ռազմածովային ուժերում, որտեղ նա երկու դաջվածք է արել իր աջ թևին. «Scotland forever» և «Mum and Dad» («Շոտլանդիա ընդմիշտ» և «Մայրիկ և հայրիկ»)^[17]։

Անձնական կյանք

Շոն Քոններին ամուսնացել է 2 անգամ։ Առաջին կինը Դայան Սիլենտոն է, ում հետ ամուսնացել է 1962 թվականին։ 1973 թվականին նրանք ամուսնալուծվել են։ Առաջին ամուսնությունից ունի մեկ որդի՝ Ջեյսոն Քոներին (ծնվ. 1963 թվականին), որը նույնպես դարձել է դերասան։ 1997 թվականի հունիսին ծնվել է Շոն Քոններիի թոռը` Դեշիլ Քուին Քոններին` Ջեյսոնի և նրա նախկին կնոջ` ամերիկացի դերասանուհի Միա Սառայի որդին (նրանք ամուսնալուծվել են 2002 թվականին)։

1975 թվականին ամուսնացել է մասնագիտությամբ նկարչուհի Միշելին Ռոքվեբրունի հետ^[18], ում հետ ապրում է մինչ օրս^[19]։ Ընդհանուր երեխաներ չունեն։ Միշելինը մեկ տարով մեծ է ամուսնուց։

Սկսած 2011 թվականից` հայտնի դերասանը շատ քիչ է երևում հասարակության մեջ^[20]։

Սիրած զբաղմունքներ

Շոն Քոններիի հոբբին գոլֆն է, նա ունեցել է սեփական հսկա գոլֆի դաշտ, որը գտնվում է Ֆրանսիայի հարավում^[21]։ 1999 թվականին այն վաճառել է գերմանացի միլիարդատեր Դիտմար Հոպպին^[22]։ Գոլֆից բացի նա նաև ֆուտբոլի մեծ սիրահար է, նրա նախընտրած թիմերն են շոտլանդական «Գլազգո Ռեյնջերսը» և «Սելտիկը»^[23]։ Երիտասարդ ժամանակ զբաղվել է բոդիբիլդինգով։

Մեծ Բրիտանիայի պատերազմի վետերանների կազմակերպությունը Շոն Քոններիին 2003 թվականին՝ որպես պատվավոր անդամ, իր շարքերն Է ընդունել 1127-րդ համարի տակ^[24]։

Քաղաքական գործունեություն

Քոններին ակտիվ զբաղվում է քաղաքական գործունեությամբ և հանդիսանում է Շոտլանդիայի Ազգային կուսակցության անդամ, և կողմ է երկրի` Անգլիայից ամբողջովին անկախանալու գաղափարին^[25]։ 2014 թվականի մարտին հայտարարել էր, որ կվերադառնա հարազատ երկիր, միայն եթե այն անկախանա^[26]։

Կարիերա

Աշխատանք փնտրելու ճանապարհին Քոններին 1951 թվականին տեղավորվում է աշխատանքի Էդինբուգի թագավորական թատրոնում^[27]։ Նույն թվականին ապագա դերասանը սկսվում է զբաղվել բոդիբիլդինգով^[27]։ Կինոյում սկսել է նկարահանվել սկսած 1950-ականների երկրորդ կեսից՝ սկզբնական շրջանում հեռուստատեսային ֆիլմերում։ Առաջին մեծ դերը կինոյում 1958 թվականին նկարահանված «Ուրիշ ժամանակ, ուրիշ տեղ» ֆիլմն էր։

Շոն Քոններիին հանրահայտ դարձրեց ամբողշ աշխարհում ու մեծ հռչակ բերեց գաղտնի գործակալ 007-ի՝ Ջեյմս Բոնդի մասին պատմող ֆիլմերը, որոնցից առաջինը 1962 թվականին «Բժիշկ Նոու» ֆիլմն էր։ Ընդհանուր թվով նրա մասնակցությամբ բոնդապատումի 7 ֆիլմ է նկարահանվել։ Կինոյի պատմության մեջ 6 դերասան են մարմնավորել Ջեյմս Բոնդին, բայց ամենահաջողվածները թերևս հենց նրա մասնակցությամբ ֆիլմերն են եղել։

Դերասանական աշխատանքից բացի նաև 10 ֆիլմի պրոդյուսեր է։

Առողջական խնդիրներ

1993 թվականին հայտարարություններ տարածվեցին այն մասին, որ Քոններին տառապում է կոկոդի քաղցկեղով (որը տարիներ շարունակ չափազանց շատ ծխելու արդյունք էր) և անցնում է հատուկ բուժում (նրա հայրը, որը ևս չափազանց շատ էր ծխում, մահացել է 1972 թվականին կերակրափողի քաղցկեղից)։ Նույնիսկ տեղեկություններ տարածվեցին, որ նա մահացել է։ Այդ շշուկները փարատելու համար նույն թվականի հոկտեմբեր ամսին նա մասնակցեց «Late Show with David Letterman» ծրագրին^[28]։

2003 թվականին նրան վիրահատել են երկու աչքերի կատարակտը հեռացնելու համար։

2006 թվականի մարտի 12-ին նրա երիկամից հեռացվել է բարորակ ուռուցք։

2008 թվականին գոլֆ խաղալիս նա կոտրել է ուսի ոսկորը։

2009 թվականի հոկտեմբերին ամերիկյան «Wine Spectator» թերթին տված հարցազրույցի ժամանակ նա ասեց, որ սրտի հետ կապված խնդիրներ ունի^[29]։

2013 թվականի օգոստոսին որոշ լրատվամիջոցներ գրեցին, որ նրա լավագույն ընկեր, դերասան սըր Մայքլ Քեյնն ասել է, որ Շոնի մոտ Ալցհայմերի հիվանդության ախտանշաններ կան։ Ըստ Մայքլի խոսքերի` նա նույնիսկ մոռացել է, որ ինքը հայտնի դերասան է, և այդ վիճակով նրան թույլատրված է միայն տեսակցել մոտիկ հարազատների ու ընկերների հետ^[30]։ Շուտով սակայն Մայքլ Քեյնը հերքեց այդ լուրերը, անվանելով դրանք բացարձակ սուտ^[31]։

Մահ

Մահացել է քնած ժամանակ 2020 թվականի հոկտեմբերի 31-ին կյանքի 91-րդ տարում Նասաուի (Բահամյան Կղզիներ) իր տանը սրտի կաթվածի պատճառով^[32]։

Ֆիլմագրություն

Ընդհանուր թվով դերասանը նկարահանվել է մոտ 90 հեռուստատեսային և գեղարվեստական ֆիլմերում։
Առավել նշանավոր ֆիլմերն են.

Թիվ	Ֆիլմի անուն	Բնօրինակի անվանումը	Դերը	Ժանրը	Ռեժիսոր	Խաղընկերներ
1962	Ամենաերկար օրը	The Longest Day	Ֆլանագան	Մարտական	Էնդրյու Մարտոն, Քեն Էակին, Բերնհարդ Վիկկի	Հենրի Ֆոնդա, Ռոդ Սթայգեր, Ջոն Ուեյն
1962	Բժիշկ Նոու	Dr. No	Ջեյմս Բոնդ	Մարտական	Թերենս Յանգ	Ուրսուլա Անդրես
1963	Ռուսաստանից սիրով	From Russia with Love	Ջեյմս Բոնդ	Մարտական	Թերենս Յանգ	Դանիելա Բյանկի
1964	Մարնի	Marnie	Մարկ Ռութլանդ	Թրիլեր	Ալֆրեդ Հիչքոք
1964	Գոլդֆինգեր	Goldfinger	Ջեյմս Բոնդ	Մարտական	Գայ Համիլթոն	Տանյա Մալե, Հոնոր Բլեքմեն
1965	Գնդաձև կայծակ	Thunderball	Ջեյմս Բոնդ	Մարտական	Թերենս Յանգ	Կլոդին Օժե, Լուչանա Պալուցի
1965	Բլուր	The Hill	Ջոի Ռոբերթս	Դրամա	Սիդնի Լյումետ
1967	Ապրում ես միայն երկու անգամ	You Only Live Twice	Ջեյմս Բոնդ	Մարտական, Ֆանտաստիկ	Լյուիս Գիլբերտ	Ակիկո Վակաբայասի, Միե Համա
1968	Շալակո	Shalako	Մովսես Զեբուլոն Շալակո Չարլի	Վեստեռն	Էդվարդ Դմիտրիկ	Բրիջիտ Բարդո
1972	Անդերսոնի մագնիսական ժապավենները	The Anderson Tapes	Ջոն Դյուկ Անդերսոն	Թրիլեր	Սիդնի Լյումետ	Քրիստոֆեր Ուոքեն, Դայան Քենոն
1974	Զարդոզ	Zardoz	Զեդ	Ֆանտաստիկ	Ջոն Բուրման
1974	Սպանություն «Արևելյան ճեպընթացում»	Murder on the Orient Express	Կոլոնել Արբութնոթ	Դետեկտիվ	Սիդնի Լյումետ	Ալբերտ Ֆիննի, Ռիչարդ Ուիդմարկ, Ինգրիդ Բերգման, Էնթոնի Պերկինս, Վանեսա Ռեդգրեյվ, Լորեն Բեքոլ
1975	Մարդ, ով կդառնա թագավոր	The Man Who Would Be King	Դանիել Դրավոթ	Արկածային	Ջոն Հյուսթոն	Մայքլ Քեյն, Քրիստոֆեր Պլամմեր
1976	Ռոբին և Մերիան	Robin and Marian	Ռոբին Հուդ	Արկածային	Ռիչարդ Լեսթեր	Օդրի Հեփբերն
1977	Կամուրջը շատ հեռու է	A Bridge Too Far	Գեներալ Ռեյ Ուրքուհարթ	Ռազմական	Ռիչարդ Աթենբորոու	Մայքլ Քեյն, Լոուրենս Օլիվիե, Էնթոնի Հոփքինս, Ջեյմս Կան, Ռոբերտ Ռեդֆորդ, Ջին Հեքմեն, Մաքսիմիլիան Շելլ, Լիվ Ուլման
1979	Գնացքի առաջին մեծ կողոպուտը	The First Great Train Robbery	Փիրս	Արկածային	Ջոն Ֆորման	Դոնալդ Սազերլենդ
1979	Մետեոր	Meteor	Դոկտոր Պաուլ Բրեդլի	Ֆանտաստիկ	Ռոնալդ Նիմ	Հենրի Ֆոնդա, Նատալի Վուդ, Մարտին Լանդաու
1979	Կուբա	Cuba	մայոր Փոլ Բրեդլի	Թրիլեր, Մելոդրամա	Ռիչարդ Լեսթեր
1981	Օտար հողատարածք	Outland	Օ'Նիլ	Ֆանտաստիկ, Մարտական	Պիտեր Հայամս
1981	Ժամանակի ավազակները	Time Bandits	թագավոր Ագամեմնոն	Ֆենտեզի, Մարտական	Թերրի Գիլյամ	Ռալֆ Ռիչարդսոն, Դևիդ Ուորներ
1982	Մի ամառվա հինգ օր	Five Days One Summer	Դուգլաս Մերեդիթ	Դրամա	Ֆրեդ Ցինեման
1983	Երբեք մի ասա երբեք	Never Say Never Again	Ջեյմս Բոնդ	Մարտական	Իրվին Կերշներ	Ռոուեն Ատկինսոն, Մաքս ֆոն Սյուդով, Քիմ Բեսինջեր
1986	Լեռնցին	Highlander	Ջոն Սանչես Վիլա-Լոբոս Ռամիրեզ	Մարտական, Ֆանտաստիկ	Ռասսել Մալկահի	Քրիստոֆեր Լամբեր
1986	Վարդի անունը	Der Name der Rose	Ուիլյամ Բասկերվիլ	Թրիլեր, Դրամա	Ժան-Ժակ Անո	Քրիստիան Սլեյթեր, Ֆարիդ Մյուրեյ Աբրահամ
1987	Անձեռնմխելիները	The Untouchables	Ջիմ Մելոուն	Թրիլեր, Դրամա	Բրայա դե Պալմա	Քեվին Քոսթներ, Ռոբերտ Դե Նիրո, Էնդի Գարսիա
1989	Ինդիանա Ջոնսը և խաչակրաց վերջին արշավանքը	Indiana Jones and the Last Crusade	պրոֆեսոր Հենրի Ջոնս	Արկածային	Սթիվեն Սփիլբերգ	Հարիսոն Ֆորդ, Ջոն Ռիս-Դևիս
1989	Ընտանեկան գործ	Family Business	Ջեսսի	Դրամա, Կատակերգություն	Սիդնի Լյումետ	Դասթին Հոֆման, Մեթյու Բրոդերիկ
1990	Որս «Կարմիր Հոկտեմբերի ետևից»	The Hunt for Red October	Կապիտան Մարկո Ռամուս	Մարտական	Ջոն Մաքթիրնան	Սեմ Նիլ, Ալեք Բոլդուին, Ջեյմս Էռլ Ջոնս, Ստելլան Սկարսգարդ
1990	Ռուսական տունը	The Russia House	Բարթելամյու Բարլի Սքոթ Բլայեր	Դրամա	Ֆրեդ Սկեպսի	Միշել Պֆայֆեր, Ռոյ Շայդեր, Քեն Ռասել
1991	Լեռնցին 2. Թարմացում	Highlander II։ The Quickening	Ջոն Սանչես Վիլա-Լոբոս Ռամիրեզ	Մարտական, Ֆանտաստիկ	Ռասսել Մալկահի	Քրիստոֆեր Լամբեր, Մայքլ Այրոնսայդ
1991	Ռոբին Հուդ։ Գողերի արքայազնը	Robin Hood։ Prince of Thieves	թագավոր Ռիչարդ (տիտրերում գրված չէ)	Արկածային	Քեվին Ռեյնոլդս	Քեվին Քոսթներ, Մորգան Ֆրիման, Ալան Ռիքմեն, Քրիստիա Սլեյթեր
1992	Հեքիմ	Medicine Man	դոկտոր Ռոբերթ Քեմբել	Արկածային	Ջոն Մաքթիրնան
1993	Ծագող արև	Rising Sun	Կապիտան Ջոն Քոնոր	Թրիլեր, Դրամա	Ֆիլիպ Քաուֆման	Ուեսլի Սնայփս, Հարվի Քեյթլ, Սթիվ Բուշեմի
1994	Լավ մարդը Աֆրիկայում	A Good Man in Africa	Դոկտոր Ալեքս Մյուրեյ	Կատակերգություն	Բրյուս Բերեսֆորդ
1995	Առաջին ասպետը	First Knight	Արթուր թագավոր	Արկածային	Ջերրի Զակեր	Ռիչարդ Գիր, Ջուլիա Օրմոնդ
1996	Ժայռը (ֆիլմ, 1996)	The Rock	Ջոն Փաթրիկ Մեյսոն	Մարտական	Մայքլ Բեյ	Նիկոլաս Քեյջ, Էդ Հարիս, Ուիլյամ Ֆորսայթ, Դևիդ Մորս, Մայքլ Բին
1996	Վիշապի սիրտը	DragonHeart	Դրակո (հնչյունավորում)	Ֆենտեզի	Ռոբ Քոեն	Դենիս Քույեդ, Փիթ Փոսթլեթուեյթ
1998	Վրիժառուները	The Avengers	սըր Օգոստոս դը Վինտեր	Մարտական, Թրիլեր	Ուիլլարդ Քերոլ	Ռալֆ Ֆայս, Ումա Թուրման
1998	Սիրո փոփոխականությունը	Playing by Heart	Պոլ	Դրամա, Մելոդրամա	Ուիլլարդ Քերոլ	Անջելինա Ջոլի, Դենիս Քուեյդ, Ջինա Ռոուլենդս, Էլլեն Բերստին
1999	Թակարդ	Entrapment	Ռոբերտ Մաքդագլ	Թրիլեր	Ջոն Էմիել	Քեթրին Զետա-Ջոնս
2000	Գտնել Ֆորեսթերին	Finding Forrester	Ուիլյամ Ֆորեսթեր	Դրամա	Գաս Վան Սենթ	Ֆարիդ Մյուրեյ Աբրահամ
2003	Երևելի ջենտլմենների լիգա	The League of Extraordinary Gentlemen	Ալան Քուոթերմայն	Ֆենտեզի	Սթիվեն Նորինգտոն

Մրցանակներ և պարգևներ

Ֆիլմեր

Ընդհանուր թվով ստացել է 32 տարբեր կինոմրցանակ, ներկայացված է եղել ևս 15-ի, որոնց թվում.

• 1 Օսկար երկրորդ պլանի լավագույն դերասան անվանակարգում 1988 թվականին «Անձեռմխելիները» ֆիլմում խաղացած դերի համար
• 3 Ոսկե Գլոբուս
• Բրիտանական կինոյի և հեռուստատեսության ակադեմիայի 5 մրցանակ
• 2 BAFTA կինոմրցանակ և այլն

Ամերիկյան բոլոր ժամանակների ֆիլմերի 100 լավագույն դրական և բացասական հերոսների ցանկում Շոն Քոններիի հերոս Ջեյմս Բոնդը «Բժիշկ Նո» ֆիլմում 3-րդ տեղում է որպես դրական հերոս։

Պետական պարգևներ

Բազմաթիվ պետական պարգևների դափնեկիր է՝ մոտ 15 մրցանակ։ Դրանցից առավել արժեքավորներն են.

• 1987 - Ֆրանսիայի արվեստի և գրականության պատվո շքանշան
• 1991 - Ֆրանսիայի Պատվո Լեգեոնի շքանշան
• 1999 - «Քենեդու անվան Կենտորնի Շքանշան» (Kennedy Center Award). ԱՄՆ, Վաշինգտոն
• 2000 - «Սըր», ասպետական կոչում, շնորհվել է թագուհի Էլիզաբեթ II-ի կողմից։ Արարողությունը կայացել է 2000 թվականի հուլիսի 5-ին Էդինբուրգում^[33]
• 2001 - Ուիլյամ Վոլոսի անվան մրցանակ (William Wallace Award), շնորհվել է ԱՄՆ-ի շոտլանդական ֆոնդի կողմից Շոտլանդիայի պատմության և երկրի հանրահայտության մեջ ունեցած ավանդի համար

Հոնորարներ^[19][34]

• «Ժամացույցի մեխանիզմով կողպեքը» (1957), £ 100
• «Տարզանի մեծագույն արկածները» (1959), $ 5600
• «Բժիշկ Նոու» (1962), $ 125 000 ($ 17 000 գումարած վարձույթից ստացված եկամտի տոկոս)
• «Ռուսաստանից սիրով» (1963), $ 250 000
• «Մարնի» (1964), $ 400 000
• «Գոլդֆինգեր» (1964), $3 050 000 ($ 500 000 գումարած վարձույթից ստացված եկամտի 5%)
• «Գնդաձև կայծակ» (1965), $ 750 000 ($ 600 000 գումարած վարձույթից ստացված եկամտի 25%)
• «Ապրում ես միայն երկու անգամ» (1967), $ 1 000 000 ($ 750 000 գումարած վարձույթից ստացված եկամտի 25%)
• «Շալակո» (1968), $ 1 000 000 (գումարած վարձույթից ստացված եկամտի տոկոս)
• «Հավերժ ադամանդներ» (1971), $ 6 675 000 ($ 1 200 000 գումարած վարձույթից ստացված եկամտի 12.5%)
• «Զարդոզ» (1974), $ 200 000
• «Կամուրջը շատ հեռու է» (1977), $ 500 000
• «Լեգենդ սըր Հեվեյնի մասին» (1982), $ 600 000
• «Երբեք մի ասա երբեք» (1983), $ 6 410 000 ($ 5 000 000 գումարած վարձույթից ստացված եկամտի 5%)
• «Որս «Կարմիր Հոկտեմբերի ետևից» (1990), $ 4 000 000
• «Ռուսական տուն» (1990), $ 5 000 000
• «Լեռնցին 2. Թարմացում» (1991), $ 3 500 000
• «Ռոբին Հուդը գողերի արքայազն» (1991), $ 250 000
• «Հեքիմ» (1992), $ 6 000 000
• «Ժայռը» (1996), $ 15 000 000
• «Թակարդ» (1999), $ 20 000 000
• «Գտնել Ֆորեսթերին» (2000), $ 15 000 000
• «Երևելի ջենտլմենների լիգան» (2003), $ 17 000 000

Պատկերասրահ

• 
  «Հավերժ ադամանդներ» ֆիլմի նկարահանումների ժամանակ, 1971 թ. Ամստերդամ
• 
  Ալֆրեդ Հիչքոքի «Մարնի» ֆիլմում
• 
  1980 թ. լուսանկար
• 
  2004 թ. լուսանկար
• 
  1983 թ. լուսանկար
• 
  Շոտլանդիայի ազգային տարազով, 2004 թ. լուսանկար

Ծանոթագրություններ

1. Encyclopædia Britannica
2. Internet Broadway Database — 2000.
3. The scotsman — Edinburgh: 1817. — ISSN 0307-5850
4. BBC Online — 1997.
5. Sean Connery: James Bond actor dies aged 90 — 2020.
6. 史恩康納萊90歲過世 曾演第一代007情報員(չինարեն (Թայվան)) — 2020.
7. Lode S. C., Lyngstad H. K. Sean Connery er død(նորվ.) — Norge: Schibsted, 2020. — ISSN 0806-0894
8. The scotsman — Edinburgh: 1817. — ISSN 0307-5850
9. https://scotmid.coop/about-us/our-history/
10. Pas L. v. Genealogics — 2003.
11. https://web.archive.org/web/20201101155155/https://actu.orange.fr/france/diaporamas/en-images-les-roles-iconiques-de-sean-connery-CNT000001uyp04/photos/les-acteurs-audrey-hepburn-et-sean-connery-posent-apres-avoir-ete-decores-de-l-ordre-des-arts-et-des-lettres-par-philippe-de-villiers-secretaire-d-etat-aupres-du-ministre-de-la-culture-et-de-la-communication-le-06-mars-1987-a-paris-569ebe809acaa6cf774f113b69b138c7.html
12. https://web.archive.org/web/20190330120507/https://www.europeanfilmacademy.org/European-Film-Awards-Winners-1999.74.0.html
13. Who's who (բրիտ․ անգլ.) — (untranslated), 1849. — ISSN 0083-937X
14. https://web.archive.org/web/20190720123917/https://www.europeanfilmacademy.org/2005.103.0.html
15. Sean Connery Biography(անգլ.)
16. From the Coop with love(անգլ.)
17. The official website of Sean Connery(անգլ.)
18. About.com — Micheline Roquebrune and Sean Connery Marriage Profile Արխիվացված 2013-05-11 Wayback Machine(անգլ.)
19. IMDb — Biography for Sean Connery(անգլ.)
20. «Connery: My 40 year love affair». Արխիվացված է օրիգինալից 2016 թ․ մարտի 8-ին. Վերցված է 2011 թ․ դեկտեմբերի 22-ին.
21. We half expected someone to tuck us in with a goodnight kiss(անգլ.)
22. No doubting Thomas Արխիվացված 2011-01-05 Wayback Machine(անգլ.)
23. Sir Sean’s shot at glory Արխիվացված 2012-01-11 Wayback Machine(անգլ.)
24. http://archives.maillist.ru/60727/128250.html#92735 Արխիվացված 2013-06-19 Wayback Machine Агент 007 стал агентом 1127(ռուս.)
25. Sean Connery goes on the SNP offensive(անգլ.)
26. «Актёр Шон Коннери призывает шотландцев проголосовать за независимость» (ռուսերեն). ՌԻԱ Նովոստի. 3 марта 2014. Վերցված է 2014 թ․ մարտի 3-ին.
27. Biography of Sean Connery(անգլ.)
28. IMDb — Late Show with David Letterman Episode dated 25 October 1993(անգլ.)
29. Wine Spectator magazine web site — Wine Talk: Sean Connery. Legendary actor has long enjoyed wine and the good life(անգլ.)
30. Sean Connery is no longer in control of his senses says best friend Michael Caine who fears Bond star is in the grip of Alzheimer’s
31. Sir Michael Caine: I DIDN'T claim my friend Sir Sean Connery has Alzheimer's disease
32. «Sean Connery: James Bond actor dies aged 90». BBC News (անգլերեն). 2020 թ․ հոկտեմբերի 31. Արխիվացված է օրիգինալից 2020 թ․ հոկտեմբերի 31-ին. Վերցված է 2020 թ․ հոկտեմբերի 31-ին.
33. Sir Sean’s pride at knighthood Արխիվացված 2012-01-11 Wayback Machine(անգլ.)
34. Freewebs.com — Sean Connery(անգլ.)

Գրականություն

• Коннери Ш., Григор М. быть шотландцем / Пер. с англ. А. Богословского. СПб.։ Азбука, Азбука-Аттикус, 2013. — 432 с., ил., 3000 экз., ISBN 978-5-389-05267-3
• Cohen, Susan; Cohen, Daniel (1985). Hollywood hunks and Heroes. New York City, New York։ Exeter Books. p. 33. ISBN 0-671-07528-4. OCLC 12644589.
• Sellers, Robert (December 1999). Sean Connery։ a celebration. Robert Hale. ISBN 978-0-7090-6125-0. Retrieved 14 July 2011.
• Yule, Andrew (1992). Sean Connery։Neither Shaken Nor Stirred. Little, Brown Book Group. ISBN 978-0-7515-4097-0.

Արտաքին հղումներ

Շոն Քոների էջը Վիքիպահեստում

• Պաշտոնական կայք
• Internet Movie Database կայքում
• kinopoisk.ru կայքում
• Internet Broadway Database
• Turner Classic Movies կայքում

Վիքիպահեստն ունի նյութեր, որոնք վերաբերում են «Շոն Քոնների» հոդվածին։