Մարց (Լոռու մարզ)

Անվան այլ կիրառումների համար տե՛ս՝ Մարց (այլ կիրառումներ)

Գյուղ
Մարց
Երկիր	Հայաստան
Մարզ	Լոռու մարզԼոռու մարզ
Գյուղ	Թումանյան (համայնք) | Թումանյան համայնք[1]
Գյուղապետ	Ռոբերտ Գալստյան[2]
ԲԾՄ	1050 մ
Պաշտոնական լեզու	Հայերեն
Բնակչություն	496[3] մարդ (2011)
Ազգային կազմ	Հայեր
Կրոնական կազմ	Հայ Առաքելական եկեղեցի
Ժամային գոտի	UTC+4
Մարց (Լոռու մարզ) (Հայաստան) Մարց (Լոռու մարզ) (Լոռու մարզ)
Մարց Վիքիպահեստում

Մարց, գյուղ Հայաստանի Հանրապետության Լոռու մարզի Թումանյան համայնքում^[1]։

Աշխարհագրություն

Գտնվում է Մարց գետի ափին։ Բարձրությունը ծովի մակերևույթից կազմում է մոտ 1050 մ։ Ալավերդի քաղաքից մոտ 15 կմ դեպի հարավ-արևելք, մարզկենտրոն Վանաձորից քաղաքից՝ 33 կմ դեպի հյուսիս-արևելք։

Պատմություն

Պատմամշակութային հուշարձաններ

Գյուղի շրջակայքում կան քսանից ավելի ավերակ գյուղատեղիներ (Մոտկոր, Ագադակ, Դեղձուտ, Զազի տներ և այլն)։ Գյուղի կենտրոնական մասում գտնվում է «Սուրբ Նշան» կիսավեր եկեղեցին, իսկ գյուղից 5 կմ հարավ-արևելք` Իգատակի վանքը, որից մնացել է միայն անմշակ քարերով պատված եկեղեցին (1255 թ.): Մարցում և շրջակայքում պահպանվել են նաև միջնադարյան մատուռներ (XIII-XIV դդ.), խաչարձաններ (XIII դդ.) և խաչքարերով (XIII-XVII դդ.) հարուստ գերեզմանոցներ։

Բնակչություն

Ըստ Հայաստանի 2011 թ. մարդահամարի արդյունքների՝ Մարցի մշտական բնակչությունը կազմել է 496, առկա բնակչությունը՝ 472 մարդ^[3]։ Բնակիչերը հայեր են^[4], որոնց նախնիները հիմնականում եկել են Լեռնային Ղարաբաղի Ջրաբերդի գավառից և նախկին Շամշադինի շրջանից^[5]։

Մարցի բնակչության փոփոխությունը ժամանակի ընթացքում՝ ստորև^[6].

Տարի	1831	1873	1897	1926	1939	1959	1970	1979	1989	2001	2011
Բնակիչ	197	311[4]	578	876	1037	937	896	671	903[7]	652	496[3]

Մարցում են ծնվել Խորհրդային Միության հերոս Աշխարհբեկ Ղազարյանը (1918-1986) և Սոցիալիստական աշխատանքի հերոս Արշակ Ղազարյանը (1913-1995)։

• 

Տնտեսություն

Բնակչությունը զբաղվում է անասնապահությամբ, կերային կուլտուրաների մշակությամբ և պտղաբուծությամբ։

Տես նաև

• Մարցի պատմության և մշակույթի անշարժ հուշարձանների ցանկ (Լոռու մարզ)
• Մոտկոր (Լոռու մարզ)

Ծանոթագրություններ

1. Տեղեկություններ Թումանյան համայնքի մասին Լոռու մարզի մարզպետարանի կայքում, (արխիվացված 07․07․2023 թվական)։
2. Լոռու մարզպետարան, Մարց համայնքի ղեկավար և ավագանի(չաշխատող հղում)
3. 2011 թ Հայաստանի մարդահամարի արդյունքները
4. Զավեն Կորկոտյան, «Խորհրդային Հայաստանի բնակչությունը վերջին հարյուրամյակում (1831-1931)»
5. Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 3 [-] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 2001, էջ 745 — 992 էջ։
6. «Հայաստանի հանրապետության բնակավայրերի բառարան, էջ 135» (PDF). Արխիվացված է օրիգինալից (PDF) 2014 թ․ սեպտեմբերի 12-ին. Վերցված է 2013 Նոյեմբերի 9-ին.
7. Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 5 [-] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 2001, էջ 770 — 916 էջ։