José Puente Castro

José Puente Castro

Biografía
Nacemento	6 de febreiro de 1883 Santiago de Compostela, España
Morte	7 de febreiro de 1963 (80 anos) Santiago de Compostela, España
Alcalde de Santiago de Compostela
10 de outubro de 1936 – 16 de outubro de 1936 ← Manuel García Diéguez – Juan Varela de Limia →
Datos persoais
Educación	Universidade de Santiago de Compostela
Actividade
Ocupación	médico
Familia
Fillos	José Luis Puente Domínguez
Premios
(1956)  Gran Cruz da Orde Civil de Beneficencia

José Puente Castro, nado en Santiago de Compostela o 6 de febreiro de 1883 e finado na mesma cidade o 7 de febreiro de 1963,^[1] foi un médico galego.

Traxectoria

Licenciado e doutor en Medicina pola Universidade de Santiago de Compostela. Cirurxián, visitou centros cirúrxicos europeos e todos os anos ía a París para asistir a cursos de cirurxía. En 1926 creou un sanatorio privado en Santiago de Compostela, o sanatorio de San Agustín. Foi profesor auxiliar da Facultade de Medicina e profesor honorario da Universidade de Santiago de Compostela. Asinou o manifesto de intelectuais. Coa sublevación do 18 de xullo de 1936 marchou á fronte de Asturias incorporándose no Hospital de Luarca. En setembro de 1936 foi nomeado médico militar do Hospital de Guitiriz. Foi nomeado delegado civil gobernativo de Santiago de Compostela en outubro substituíndo ao comandante Manuel García Diéguez.^[2] Permaneceu só uns días como Alcalde, pois o 16 de outubro o Gobernador da Coruña alegando incompatibilidade co cargo de médico de Hospital de Guitiriz ordenou substituílo por Juan Varela de Limia.^[3]

Obras

Ademais da súa tese de doutoramento Grandes abscesos del hígado (1912), publicou traballos científicos en revistas especializadas e un libro sobre cirurxía vascular. Tamén publicou artigos que asinaba co pseudónimo Dr. Veritas.

Recoñecementos

Foille concedida a Gran Cruz da Beneficencia e fundou unha bolsa para mozos cirurxiáns que desexaran completar a súa formación no estranxeiro.

O Concello de Santiago nomeouno fillo predilecto e púxolle o seu nome a unha praza no Ensanche da cidade.

Vida persoal

Casou en maio de 1916 con Matilde Domínguez Benavides,^[4] filla de Manuel Domínguez Sánchez e irmá de Manuel e José Domínguez Benavides, e entre os seus fillos tivo a José Luis Puente Domínguez.

Notas

1. Necrolóxica en El Pueblo Gallego, 8-2-1963, p. 13.
2. El Compostelano, 13-10-1936, p. 1.
3. El Compostelano, 17-10-1936, p. 2.
4. El Correo de Galicia, 17-5-1916, p. 2.

Véxase tamén

Bibliografía

• "Puente Castro, Xosé". Dicionario biográfico de Galicia. Ir Indo Edicións. 2010-2011. 
• "Puente Castro, Xosé". Enciclopedia Galega Universal. Ir Indo. 1999-2002. ISBN 84-7680-288-9. 
• "PUENTE CASTRO, José". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8. 
• Couceiro Freijomil, Antonio (1951-53). Diccionario bio-bibliográfico de escritores (en castelán). Bibliófilos Gallegos. 
• Gurriarán, Ricardo (2006). Ciencia e conciencia na Universidade de Santiago (1900-1940) : do influxo institucionista e a JAE á depuración do profesorado. Universidade de Santiago de Compostela. ISBN 84-9750-644-8. 

Predecesor: Manuel García Diéguez

Alcalde de Santiago de Compostela  1936

Sucesor: Juan Varela de Limia