Jean-Luc Mélenchon, nado en Tánxer o 19 de agosto de 1951, é un político francés, eurodeputado e co-presidente do Partido de Esquerda. Electo local de Massy e logo do departamento de Essonne a partir de 1983, foi elixido senador de Essonne en 1986 e reelixido en 1995 e 2004. Foi despois elixido eurodeputado na Circunscrición do Suroeste de París en 2009, baixo a bandexa da Fronte de Esquerda, que comprende o Partido Comunista Francés, o Partido de Esquerda e Esquerda Unitaria.
Jean-Luc Mélenchon foi ministro de Ensinanza profesional de 2000 até o 2002, baixo o goberno de cohabitación do primeiro ministro socialista Lionel Jospin. No Partido socialista, formou parte da ala esquerda, até que no Congreso de Reims de novembro de 2008, decide deixar o partido para crear o Partido de Esquerda. Foi presidente da oficina nacional do Partido de Esquerda, sendo actualmente o co-presidente, con Martine Billard. O 21 de xaneiro de 2011, oficializa a súa candidatura nas eleccións presidenciais de Francia de 2012 como candidato da Fronte de Esquerda.
Obra
- À la conquête du chaos (1991)
- Rocard, le rendez-vous manqué (1994)
- Le Nouvel Âge du capitalisme (1998)
- Pour la république sociale (2002)
- Causes républicaines (2004) (reedición de textos publicados en Le Monde, Marianne, Politis, La Nouvelle Revue socialiste, À Gauche, e outros.)
- En quête de gauche (2007)
- Laïcité : réplique au discours de Nicolas Sarkozy, chanoine de Latran (2008)
- L'Autre Gauche (2009)
- Qu'ils s'en aillent tous (2010)
Notas
Véxase tamén
.jpg)
