PROFILBARU.COM

Hedy Lamarr
	; (1944)
Nome orixinal	(de) Hedwig Kiesler
Biografía
Nacemento	(de) Hedwig Eva Maria Kiesler ; 9 de novembro de 1914 ; Viena, Austria
Morte	19 de xaneiro de 2000 (85 anos); Casselberry, Estados Unidos de América
Causa da morte	doenza cardiovascular
Lugar de sepultura	Cemiterio central de Viena, 33G - 80 48°09′03″N 16°26′24″L / 48.15094444, 16.43997222
Grupo étnico	Pobo xudeu
Cor dos ollos	Negro
Cor do pelo	Cabelo castaño
Actividade
Campo de traballo	Cine, espectro ensanchado por salto de frecuencia, Actuación e descubrimentos e inventos
Ocupación	actriz, produtora, música, modelo, actriz de cinema, autobiógrafa, guionista, inventora, animadora
Período de actividade	1930 - 1958
Obra
	Obras destacables espectro ensanchado por salto de frecuencia; (1933) Ecstasy; (1938) Algiers; (1944) Experiment Perilous; (1946) The Strange Woman; (1950) Samson and Delilah ;
Familia
Cónxuxe	Lewis J. Boies (1963–1965); W. Howard Lee (1953–1960); Teddy Stauffer (1951–1952); John Loder (1943–1947); Gene Markey (1939–1941); Fritz Mandl (1933–1937)
Fillos	James Loder; () ; Denise Loder-DeLuca; () John Loder; Anthony Loder; () John Loder
Pais	Emil Kiesler e Gertrud Kiesler
Premios
	(2014) Salón da Fama dos Inventores Nacionais; (1997) Premio EFF; estrela no Paseo da Fama de Hollywood ;
Descrito pola fonte	Obálky knih, ; Deutsches Biographisches Archiv; Dictionary of Women Worldwide
Sitio web	hedylamarr.com

Hedwig Eva Maria Kiesler, nada en Viena o 9 de novembro de 1914 e finada en Casselberry (Florida) o 19 de xaneiro de 2000, foi unha actriz e inventora austríaca.

Traxectoria

Primeiros anos e cinema

Hedy foi filla única dunha pianista, Gertrud "Trude" Kiesler (nacidad Lichtwitz) e un banqueiro xudeu, Emil Kiesler. O seu pai procedía de Lemberg, no reino de Galicia e Lodomeria, daquela parte do Imperio Austríaco (agora Lviv en Ucraína) e era, na década de 1920, vicedirector do Wiener Bankverein e, nos seus últimos anos, director do Creditanstalt-Bankverein. A nai de Hedy Lamarr, pianista e natural de Budapest, proviña dunha familia de clase alta xudeu-húngara. Convertérase ao catolicismo e, como «cristiá practicante», educou a súa filla no cristianismo, aínda que Hedy non foi bautizada formalmente.

De nena, Lamarr mostrou interese por actuar e fascinábanlle o teatro e o cinema. Con doce anos gañou un concurso de beleza en Viena. Tamén lle interesaban as invencións tecnolóxicas, e o seu pai explicáballe como funcionaban durante paseos polo campo.

Cando tiña dezaoito anos protagonizou o filme Ekstase, de Gustav Machatý, no que interpretaba unha moza casada cun home vello e indiferente. O filme foi famoso por unha escena na que Lamarr nada e corre espida polo bosque. O primeiro marido de Lamarr, Friedrich Mandl, o terceiro home máis rico de Austria, tratou de comprar todas as copias do filme que puido. Malia ser medio xudeu, Mandl vendeu munición a Italia e Alemaña. Na súa autobiografía indica que Adolf Hitler e Benito Mussolini acudiron a festas na súa casa.

Finalmente Lamarr non soportou o control á que a sometía o seu marido e decidiu separarse. Disfrazouse ela e a súa asistenta (aínda que ela mesma dixo que algunha anécdota da súa autobiografía fora inventada por un “negro”) e voaron a París. Pouco despois en Londres coñeceu a Louis B. Mayer, quen a contratou e lle deu o seu nome artístico.

En Hollywood interpretou personaxes arquetípicas: mulleres glamurosas e sedutoras de orixe exótica, como Dalila en Samson and Delilah. A partir de 1950 a súa carreira declinou e apareceu só esporadicamente en filmes.

Inventos

O compositor George Antheil era veciño de Lamarr en California e experimentara con instrumentos musicais de control automático. Durante a segunda guerra mundial Lamarr e Antheil falaban da posibilidade de crear torpedos controlados por radio. Lamarr aprendera sobre armamento asistindo a conferencias co seu primeiro marido. Ambos desenvolveron a idea de usar unha especie de piano que empregaba unha temperá versión do salto en frecuencia. Porén, a mariña estadounidense non adoptou o sistema ata a crise dos mísiles de Cuba en 1962, cando a patente xa expirara. Hedy Lamarr intentou entrar no National Inventors Council, mais algúns membros como Charles F. Kettering indicaron que axudaría máis se empregaba a súa sona para a promoción de bonos de guerra.

As ideas de Lamarr e Antheil serviron de base para os modernos sistemas de comunicación, como o Bluetooth, o COFDM e o CDMA. Na actualidade celébrase no Día do Inventor o aniversario do nacemento de Lamarr.

Pasamento

Tras anos de reclusión na súa casa, finou en 2000. O seu fillo Anthony Loder esparexeu as súas cinzas nos bosques de Viena, de acordo co desexo da súa nai.

Filmografía

Ano	Filme
1930	Geld auf der Straße
1931	Sturm im Wasserglas
1931	Die Koffer des Herrn O.F.
1932	Man braucht kein Geld
1933	Ekstase
1938	Algiers
1939	Lady of the Tropics
1940	I Take This Woman
1940	Boom Town
1940	Comrade X
1941	Come Live with Me
1941	Ziegfeld Girl
1941	H.M. Pulham, Esq.
1942	Tortilla Flat
1942	Crossroads
1942	White Cargo
1944	The Heavenly Body
1944	The Conspirators
1944	Noite na alma
1945	Her Highness and the Bellboy
1946	The Strange Woman
1947	Dishonored Lady
1948	Let's Live a Little
1949	Samson and Delilah
1950	A Lady Without Passport
1950	Copper Canyon
1951	My Favorite Spy
1953	The Lovers of Paris
1957	The Story of Mankind
1958	The Female Animal

Véxase tamén

Bibliografía

De Marchi, Vichi (2020). Ellas son de ciencias : Historias, pasiones y sueños de 15 científicas. Madrid: Ediciones del Laberinto. ISBN 978-84-1330-038-2
Barton, Ruth (2010). University of Kentucky Press, ed. Hedy Lamarr: The Most Beautiful Woman in Film. Lexington. ISBN 978-0813136547.
Lamarr, Hedy (1966). Bartholomew House, ed. Ecstasy and Me: My Life as a Woman. Nova York. ASIN B0007DMMN8.
Rhodes, Richard (2012). Doubleday, ed. Hedy's Folly: The Life and Breakthrough Inventions of Hedy Lamarr. Nova York. ISBN 978-0307742957.
Shearer, Stephen Michael (2010). St. Martin's Press, ed. Beautiful: The Life of Hedy Lamarr. Nova York. ISBN 0312550987.
Young, Christopher (1979). Citadel Press, ed. The Films of Hedy Lamarr. Nova York. ISBN 978-0806505794.

Hedy Lamarr