PROFILBARU.COM

Haile Selassie
	;
Nome orixinal	(am) ኃይለ፡ ሥላሴ
Biografía
Nacemento	(am) Täfäri መኮንን ; 23 de xullo de 1892 ; Ejersa Goro (Imperio de Etiopía)
Morte	27 de agosto de 1975 (83 anos); Adís Abeba (Derg)
Causa da morte	homicidio, estrangulamento
Lugar de sepultura	Catedral da Santísima Trindade
Presidente da Organización para a Unidade Africana
	5 de novembro de 1966 – 11 de setembro de 1967 ; ← Joseph Arthur Ankrah (pt) – Mobutu Sese Seko →
Presidente da Organización para a Unidade Africana
	25 de maio de 1963 – 17 de xullo de 1964 ; ← sen valor – Gamal Abdel Nasser →
Emperador de Etiopía
	2 de abril de 1930 – 12 de setembro de 1974 ; ← Zewditu – Amha Selassie (pt) →
Minister of Foreign Affairs of Ethiopia (en)
Datos persoais
Residencia	Imperial Palace, Addis Ababa (en)
Relixión	Igrexa ortodoxa etíope
Actividade
Ocupación	político, monarca
Carreira militar
Rango militar	Xeneral
Conflito	segunda guerra mundial ; Segunda guerra ítalo-etíope
Outro
Título	Emperador ; Ras (en) ; Dejazmach (en) ; Negus (pt)
Familia	Dinastía salomónica
Cónxuxe	Menen Asfaw (1911–1962)
Fillos	Princesa Tenagnework, Princesa Romanework, Amha Selassie, Princesa Zenebework, Princesa Tsehai, Príncipe Makonnen, Príncipe Sahle Selassie
Pais	Mekonnen Welde Mikael e Yeshimebet Ali
Premios
	Gran Cruz da Lexión de Honra../... 32+ ;
Descrito pola fonte	Grande Enciclopedia Soviética 1969-1978; Dictionary of African Biography, ; Obálky knih,

Este artigo amosa letras ge'ez. Sen o soporte axeitado, o texto pode mostrar símbolos sen sentido, coma caixas, marcas e outros.

Haile Selassie I (en ge'ez: ቀዳማዊ ኃይለ ሥላሴ, qädamawi haylä səllasé), nado como Tafari Makonnen Woldemikael^[1] o 23 de xullo de 1892 e finado o 27 de agosto de 1975, foi o derradeiro emperador de Etiopía (de iure: 1930-1974; de facto: 1916-1936 e 1941-1975), e tamén é recoñecido e predicado coma o Deus feito home, o Señor, entre os membros do movemento rastafari.

Traxectoria

Nacido Tafari Makonnen, Haile Selassie era fillo do ras Makonnen Woldemikael Gudessa, gobernador de Harar, e da Weyziro (Dama) Yeshimebet Ali Abajifar. Descendía da casa imperial a través da súa avoa paterna, a princesa Tenagnework Sahle Selassie, tía do emperador Menelik II. Entre os etiopíes coñeceuse como Janhoy, Talaqu Meri e Abba Tekel.

A emperatriz Zewditu coroouno negus en 1928. Tras a morte desta, foi proclamado e coroado Neguse Negest ze-'Ityopp'ya (Rei de Reis de Etiopía) o 2 de novembro de 1930 nun acto ao que acudiron representantes de 12 países estranxeiros, incluídos o príncipe Henrique, duque de Gloucester (fillo de Xurxo V e irmán de Eduardo VIII e Xurxo VI) e o mariscal francés Franchet d'Esperey. En 1936 foi expulsado do seu país polas forzas de ocupación italianas, e exilouse en Bath, Inglaterra. Co apoio do Reino Unido, logrou recuperar o seu trono en 1941. Despois de que fracasase un golpe de estado en 1960, mentres el estaba no Río de Xaneiro en 1974, foi deposto por outro, esta vez exitoso, de carácter marxista. O novo home forte de Etiopía, Mengistu, mandouno asasinar o 27 de agosto de 1975.

Os rastas comezárono a adorar desde os anos trinta, ou sexa, pouco tempo despois da súa coroación, e orixinalmente só na illa caribeña de Xamaica. O 21 de abril de 1966 visitouna e foi recibido por miles de rastas. O famoso músico Bob Marley predicouno como Deus, traendo esta teoría da súa divindade a unha maior audiencia ata a súa morte en 1981. Desde entón o movemento Rastafari continúa crecendo lentamente e é ben coñecido en case todo o mundo. Estímase que hai un millón de rastas no mundo.

Predecesor:
Zewditu

Emperador de Etiopía
1941 – 1974

Sucesor:
Asfa Wossen (Emperador Designado)
Aman Mikael Andom (Presidente Provisional)

Notas

↑ Page, Melvin Eugene and Sonnenburg, Penny M. (2003). Colonialism: an international, social, cultural, and political encyclopedia. Volume 1. ABC-CLIO. p. 247. ISBN 978-1-57607-335-3.

Véxase tamén

Este artigo sobre unha personalidade é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.

[1] Page, Melvin Eugene and Sonnenburg, Penny M. (2003). Colonialism: an international, social, cultural, and political encyclopedia. Volume 1. ABC-CLIO. p. 247. ISBN 978-1-57607-335-3.

[1]