Cerceda-Meirama é unha estación de tren de Adif situada en Meirama, no concello de Cerceda, provincia da Coruña. Ten servizos de Media Distancia operados por Renfe.
A estación atópase no punto quilométrico 431,1 da liña férrea que une Zamora e A Coruña a 256 metros de altitude,[1], entre as estacións de Uxes e Ordes. Atópase nunha variante do trazado orixinal froito das obras do eixe atlántico de alta velocidade entre A Coruña e Santiago de Compostela.
A estación foi inaugurada en 2009 substituíndo á antiga estación de Cerceda e ao resto de estacións do concello que se construíron en 1943 no trazado orixinal da liña Zamora-A Coruña entre Santiago de Compostela e A Coruña.
Entre 2011 e 2017 a estación acusou descenso dun 51% no número de viaxeiros.[2]
Actualizado a 23 de xuño de 2016.