Elvira Santiso

Elvira Santiso

Biografía
Nacemento	1872 Betanzos, España
Morte	9 de outubro de 1961 (88/89 anos) Santiago de Compostela, España
Actividade
Ocupación	pintora

Elvira Santiso García, nada en Betanzos en 1872 e finada en Santiago de Compostela o 9 de outubro de 1961,^[1] foi unha pintora e mestra galega.

Traxectoria

Moi nova marchou coa súa familia a Compostela, onde viviu ata a súa morte. Formouse na Escola da Real Sociedade Económica de Amigos do País de Santiago, con profesores como José María Fenollera e Mariano Tito Vázquez. Traballou como mestre particular na sociedade da que fora alumna e fixo traballos por encarga.^[2]

Algúns dos títulos dos seus cadros son: A ceboleira, Ao carón do lar, Botando un cigarro, Carmeliña, Claustro del Sar, La bordadora, La cena del campanero, Mondando patatas, No muíño, O pé do cruceiro, O tío Xan e Oración.^[3]

Santiso participou na Exposición de Arte Galega de 1926^[4]

Fixo exposicións en diferentes certames, en Compostela, A Coruña, Vigo, Ferrol ou Vilagarcía de Arousa, mais tamén fóra do país, en Madrid, Bos Aires ou Montevideo.

Hai obras súas no Museo Municipal Quiñones de León de Vigo^[5] e no Castelo de Santiago de Sanlúcar de Barrameda, Cádiz.

Recoñecementos

• No curso 1888-1889 conseguiu unha medalla de Prata por Adorno en Debuxo Natural.
• No curso 1889-1890 logrou outra medalla de prata por unha copia dun xeso.
• Obtivo un diploma de colaboración na Exposición Rexional de 1896, celebrada en Lugo.
• En 1906 logrou unha mención Honorífica na Exposición Nacional de Belas Artes de Madrid.
• Medalla de ouro na Exposición Rexional de 1909, celebrada en Santiago de Compostela.
• Medalla de Afonso X o Sabio en recoñecemento ao seu labor docente.

Notas

1. La Noche, 10-10-1961, p. 2.
2. • "Elvira Santiso". Álbum de Mulleres do Consello da Cultura Galega. 
3. "Santiso García, Elvira". Gran Enciclopedia Galega (DVD). El Progreso. 2005. ISBN 84-87804-88-8. 
4. "Exposición de Arte Gallego (anuncio)". El Compostelano (en castelán) (Santiago de Compostela). 29/7/1926. p. 3. 
5. Pablos, Francisco (1981). Plástica gallega (en castelán). CAV. pp. 194–195. ISBN 84-7231-603-3. 

Véxase tamén

Bibliografía

• Tomo XV: Arte Contemporánea. Proxecto Galicia. Hércules de Ediciones. 1993. ISBN 84-89468-11-7. 
• "Santiso García, Elvira". Enciclopedia Galega Universal 15. Ir Indo. 1999-2002. p. 194. ISBN 84-7680-288-9. 
• "Santiso García, Elvira". Diccionario enciclopédico galego universal 54. La Voz de Galicia. 2003-2004. p. 127. ISBN 84-7680-429-6. 
• "Santiso García, Elvira". Dicionario biográfico de Galicia 3. Ir Indo Edicións. 2010-2011. p. 232. 
• López, J. M. (1990). "El Arte Contemporáneo". Enciclopedia temática de Galicia (en castelán) V. Nauta. pp. 193–194. ISBN 84-278-1210-8. 
• Marco, Aurora (2007). Dicionario de Mulleres Galegas. Edicións A Nosa Terra. pp. 408–409. ISBN 978-84-8341-146-9. 
• Pablos, Francisco (2003). A pintura en Galicia - La pintura en Galicia (en bilingüe). Nigra Trea. p. 95. ISBN 84-95364-15-8. 

FRAGA PÉREZ, Sara (2022). "Elvira Santiso: unha pintora de Betanzos". Anuario Brigantino (45): 337–358. ISSN 1130-7625. 

Ligazóns externas

• Compilación de bibliografía sobre a autora en pintoresgallegos.com