Exposición Rexional de 1909

Exposición Rexional de 1909
Tipo	feira de mostras
En	Santiago de Compostela
País	Galicia
42°52′35″N 8°33′04″O
[ editar datos en Wikidata ]

A Exposición Rexional Galega de 1909 foi un macroacontecemento celebrado en Santiago de Compostela en 1909, primeiro Ano Santo do século XX, concretamente no parque da Alameda e mais no colexio de San Clemente.^[1]

Historia e características

Organizada pola Sociedade de Amigos do País de Santiago de Compostela, foi o presidente do seu comité executivo Pedro Pais Lapido. Contaba con once pavillóns e arredor de 600 expositores e 10 000 pezas de valor arqueolóxico así como tamén obras de arte.^[2] Foi inaugurada o 24 de xullo polo rei Afonso XIII e mais polo daquela presidente do goberno, Antonio Maura, e recibiu un total aproximado de 53 000 visitantes. Algúns dos edificios construídos para o evento ficaron tras o remate deste, como o Centro Galego da Habana, cuxo patrón arquitectónico foi usado para configurar posteriormente o Campus Sur da Universidade de Santiago de Compostela. Así mesmo, a actual escola infantil de Santa Susana, obra de Antonio Palacios, foi, durante a Exposición, o pavillón de Recreo Artístico e Industrial.

Fixéronse eco algúns diarios locais como El Eco de Santiago ou Diario de Galicia, ademais de españois como o madrileño El Imparcial ou o rotativo catalán La Vanguardia. Tamén foi obxecto de atención das revistas gráficas do momento (a viguesa Vida Gallega ou a madrileña Nuevo Mundo).

Galería de imaxes

• 
  Pavillón de Recreo Artístico e Industrial.
• 
  Pávillón de Fomento, na súa instalación do ano 1908 na Exposición Hispano-francesa de Zaragoza.

Notas

1. Centenario da Exposición Rexional Galaica
2. Galiza tamén tivo a súa expo. nova no xornal Vieiros o 25 de xullo de 2009.

Véxase tamén

Bibliografía

• VV.AA. (2010). Museo do Pobo Galego / Consorcio de Santiago / Instituto de Estudos Galegos Padre Sarmiento, ed. Exposición Galega de 1909. Conmemoración do 1º Centenario. Exposición Regional Gallega. Santiago 1909. p. 346. ISBN 978-84-934415-8-6.  É o estudo máis completo sobre a Exposición Rexional Galega de 1909.
• Alvarellos Casas, H., limiar de Margarita Barral (2009): Santiago, 1909. Centenario da Exposición Rexional Galega. Editorial Alvarellos.

Outros artigos

• Exposición Rexional de 1880
• Exposición Rexional Galega

Ligazóns externas

• "1909, o ano da modernidadeArquivado 08 de marzo de 2016 en Wayback Machine.", reportaxe en El Correo Gallego, 13 de setembro de 2009. (pdf)
• Joel Gómez (22 de decembro de 2009). "O Rosalía revive a Expo de 1909". La Voz de Galicia.